Cassano៖ “Ronlado មិនជាប់សូម្បីតែ Top 5 ហើយចាញ់កីឡាករកំពូល ៥ រូបនេះទេ”
អតីតកីឡាករអ៊ីតាលីលោក Antonio Cassano បានបង្ហាញការយល់ឃើញ ពាក់ព័ន្ធនឹងសមត្ថភាពរបស់ Cristiano Ronaldo ដោយនិយាយចំៗថា កីឡាករព័រទុយហ្គាល់ ពុំបានជាប់ឈ្មោះសូម្បីតែនៅ Top 5 នាមកីឡាករល្អបំផុតទាំង ៥ ក្នុងលោក។
Ronaldo កន្លងទៅ ទើបតែក្លាយឈ្មោះជាអ្នករកបានគ្រាប់បាល់ច្រើនបំផុតឲ្យជម្រើសជាតិ ហើយលោកក៏ឈរឈ្មោះក្នុងនាមជាកីឡាករកាន់ពាន UEFA Champions League ច្រើនជាងគេបង្អស់ផងដែរ តែយ៉ាងណា Cassano បែរជាយល់ឃើញផ្សេង។
និយាយលើ Twitch លោក Cassano លេងសើចបែបនេះថា៖ "ហ្នឹងហើយ Ronaldo ល្អបំផុតគ្រប់ពេលវេលា គឺបន្ទាប់ពី Napoleon Bonaparte [អតីតមេដឹកនាំយោធាបារាំង] ដោយតាមពិតទៅ គេមិនបានទាំងជាប់ឈ្មោះក្នុងកីឡាករល្អបំផុតគ្រប់ពេលវេលាទាំង ៥ ផង"។
លោកសង្កត់ធ្ងន់៖ "គឺជា Lionel Messi, Pele, Diego Maradona, Johan Cruyff និង Ronaldo Nazario ឯណោះទេ ដែលស្ថិតនៅកម្រិតខ្ពស់ជាង Ronaldo"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
