Ronaldo ត្រូវចាំដល់អាយុប៉ុន្មាន ទើបអាចក្លាយជាម្ចាស់គ្រាប់បាល់វ័យចំណាស់បំផុតនៅ PL?
Cristiano Ronaldo សព្វថ្ងៃមានអាយុ ៣៦ ឆ្នាំ ហើយបើទោះបីលោកអាចរកបានគ្រាប់បាល់នៅឆ្នាំនេះ ឬក៏ឆ្នាំក្រោយ ក៏មិនទាន់អាចក្លាយជាម្ចាស់គ្រាប់បាល់វ័យចំណាស់ដាច់គេនៅ Premier League នោះដែរ។
បើតាមរបាយការណ៍ពី TransferMarkt យើងធ្វើការបង្ហាញម្ចាស់គ្រាប់បាល់ទាំង ៥ ដែលមានវ័យចំណាស់ដាច់គេនៅ Premier League៖
៥) Graham Alexander ស្ថិតនៅវ័យ ៣៨ ឆ្នាំ និង ១៨០ ថ្ងៃ ធ្វើបាននៅឆ្នាំ ២០១០
៤) Stuart Pierce ស្ថិតនៅវ័យ ៣៨ ឆ្នាំ និង ២១១ ថ្ងៃ ធ្វើបាននៅឆ្នាំ ២០០០
៣) Ryan Giggs ស្ថិតនៅវ័យ ៣៩ ឆ្នាំ និង ៨៥ ថ្ងៃ ធ្វើបាននៅឆ្នាំ ២០១៣
២) Dean Windass ស្ថិតនៅវ័យ ៣៩ ឆ្នាំ និង ២៣១ ថ្ងៃ ធ្វើបាននៅឆ្នាំ ២០០៨
១) Teddy Sheringham ស្ថិតនៅវ័យ ៤០ ឆ្នាំ និង ២៦៤ ថ្ងៃ ធ្វើបាននៅឆ្នាំ ២០០៦
ជាលទ្ធផលមានន័យថា Ronaldo ត្រូវការពេលយ៉ាងហោចណាស់ ៤ ឆ្នាំទៀត ពោលគឺដល់លោកមានអាយុ ៤០ ឆ្នាំ ដែលនិយាយឲ្យងាយយល់ទៅ គឺនៅកំឡុងចុងឆ្នាំ ២០២៥ ប្រសិនលោកអាចនៅឈរជើងឲ្យក្លឹបណាមួយ នៅ Premier League ហើយអាចរកបានគ្រាប់បាល់ នោះទើបលោកអាចក្លាយជាម្ចាស់កំណត់ត្រាថ្មី នាំមុខលោក Teddy Sheringham បាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
