អតីតគ្រូសំណព្វរបស់ Ronaldo បើកចំហចិត្តក្នុងការមកដឹកនាំ Man Utd បន្តពីលោក Ole
ស្ថានភាពរបស់លោក Ole Gunnar Solskjaer ជាមួយក្លឹប Man Utd ដ្បិតបើពេលនេះមើលទៅមានសុវត្ថិភាព តែពេលទៅមុខប៉ុន្មានខែបន្ទាប់គឺមិនច្បាស់នោះទេ ជាពិសេសប្រសិនណាទម្រង់លេងនៅបន្តធ្លាក់ចុះ នោះថាមិនត្រូវ ក្លឹបអាចនឹងបញ្ចប់កុងត្រាមុនកាលកំណត់ ដកតំណែងលោកចោលក៏ថាបាន។
យ៉ាងណាបើតាមរបាយការណ៍ពីអ្នកសារព័ត៌មានល្បីឈ្មោះលោក Fabrizio Romano បាននិយាយថា ទាំង អ្នកចាត់ការទំនេរជើង Zinedine Zidane ក៏ដូចជាលោក Antonio Conte គឺសុទ្ធតែកំពុងបើកចិត្តដូចគ្នា ក្នុងការទទួលយកតំណែងនៅក្លឹប Man Utd ប្រសិនជាធ្លាក់សំណើមកដល់ដៃខ្លួន។
ប្រភពបានឲ្យដឹងថា បច្ចុប្បន្នមិនទាន់មានការទាក់ទងណាមួយកើតឡើងទេ រវាងភាគីក្លឹបនិងអ្នកចាត់ការ Zidane ក៏ដូចជា Conte តែលោកជឿថា ប្រព័ន្ធលេងដែល United កំពុងមានសព្វថ្ងៃ សម្រាប់ការសម្រេចចិត្តរបស់អ្នកទាំងពីរ នឹងមិនអាចប្រកែកបានឡើយ។ យើងនឹងរង់ចាំមើលបន្តទៀតទៅពេលខាងមុខ។
គួរបញ្ជាក់ថា Zidane គឺជាគ្រូសំណព្វចិត្តរបស់ Ronaldo ដែលបានដឹកនាំកីឡាករព័រទុយហ្គាល់កាលនៅក្លឹប Real Madrid។ ក្រោមការដឹកនាំនៅស្ថិតិជារួម CR7 រកបាន ១១២ គ្រាប់និង Assist ៣០ លើកនៅការចូលរួមប្រកួត ១១៤ ក្រោមការដឹកនាំរបស់គ្រូសញ្ជាតិបារាំង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
