ជំងឺមហារីកស្បូនកំពុងវាយប្រហារហើយ បើសង្កេតឃើញថា លើរាងកាយមានចេញសញ្ញាមិនប្រក្រតីចំនួន ៣ នេះ
ស្បូនគឺជាផ្នែកមួយដ៏សំខាន់របស់ស្ត្រី ដែលមានលក្ខណៈទាក់ទងដោយផ្ទាល់ទៅនឹងអរម៉ូន endocrine និងការមានកូន។ ទោះយ៉ាងណាក៏ដោយជំងឺស្បូនជាច្រើនក៏កំពុងតែកើនឡើងយ៉ាងខ្លាំងដែរ ដូចជា មហារីកមាត់ស្បូន។
អ្នកជំនាញនិយាយថា មនុស្សជាច្រើនមិនបានអើពើនឹងរោគសញ្ញានៃជំងឺនេះទេ ព្រោះវាមានរោគសញ្ញាមិនជាក់លាក់ជាច្រើនដែលរាយប៉ាយនៅផ្នែកផ្សេងៗគ្នានៃរាងកាយសូម្បីតែនៅជិតស្បូនក៏ដោយ។ ដូច្នេះបន្ថែមលើការមករដូវ ការឈឺចាប់ពោះ ការហូរទឹករំអិលខុសពីធម្មតាក៏មានសញ្ញាដំបូងចំនួន ៣ នៅលើជើង ដែលអ្នកត្រូវតែយកចិត្តទុកដាក់ជាពិសេស៖
ស្ពឹកនិងហើមជើង
នៅក្នុងជីវិតប្រចាំថ្ងៃស្ត្រីជាច្រើនតែងជួបប្រទះការស្ពឹកឬឈឺចាប់នៅជើងទាំងមូល ហើយវាអាចគ្រាន់តែជាការឈឺចាប់ខាងសរីរវិទ្យាដោយសារតែផលប៉ះពាល់នៃការងារ ដែលនាំឱ្យចរន្តឈាមខ្សោយ ប៉ុន្តែវាក៏អាចជាការឈឺចាប់ខាងរោគសាស្ត្រដែរ រួមទាំងជំងឺមហារីក។
រោគសញ្ញាដំបូងនៃជំងឺមហារីកមាត់ស្បូនច្រើនតែមិនមានភាពច្បាស់ទេ ប៉ុន្តែប្រសិនបើអ្នកស្ពឹកនិងហើមជើងដោយគ្មានមូលហេតុ សូមទៅជួបគ្រូពេទ្យឱ្យបានឆាប់ តាមដែលអាចធ្វើទៅបាន ព្រោះសញ្ញានេះច្រើនតែលេចឡើងនៅដំណាក់កាលចុងក្រោយនៅពេលដុំសាច់សង្កត់លើសរសៃឈាមធំៗនៃរាងកាយ ហើយបានធ្វើឲ្យមហារីករាលដាលដល់ជើងបណ្ដាលឲ្យប៉ះពាល់ដល់ចរន្តឈាមក្នុងជើងស្ពឹកហើម។
ស្បែកក្រលៀនខ្មៅងងឹតខុសពីធម្មតា
មហារីកមាត់ស្បូនអាចនាំមកនូវរោគសញ្ញាមិនល្អផ្សេងៗគ្នាជាច្រើនដល់រាងកាយ។ បន្ថែមពីលើការឈឺចាប់ក្នុងអាងត្រគៀក ជំងឺនេះអាចបណ្តាលឱ្យឈឺចាប់នៅតំបន់ក្រលៀន តំបន់ជើងជិតនឹងក្រលៀនក៏ដូចជានៅជុំវិញទ្វារមាស។
មិនតែប៉ុណ្ណោះ ក៏មានសញ្ញាព្រមានដំបូងដែលស្ត្រីមួយចំនួនកត់សម្គាល់ថា ស្បែកនៅតំបន់ក្រលៀនមានសភាពខ្មៅងងឹតខុសពីធម្មតា អមដោយការហើមទៀតផង។ មូលហេតុគឺនៅពេលដែលជំងឺមហារីកឈានដល់កម្រិតខ្ពស់ ការបញ្ចេញជាតិពុលពីមហារីកនៅក្នុងរាងកាយកើនឡើងដែលនាំឱ្យមានស្នាមជ្រួញនិងធ្វើឱ្យស្បែកខ្មៅនៅកន្លែងទាំងនេះ។ ដូច្នេះប្រសិនបើអ្នករកឃើញស្បែកស្រអាប់ខុសពីធម្មតានៅជុំវិញក្រលៀនវាជាការប្រសើរដែលអ្នកត្រូវទៅមន្ទីរពេទ្យជាបន្ទាន់ដើម្បីពិនិត្យនិងព្យាបាលទាន់ពេលវេលា។
ឬសក្រហមលេចឡើងនៅលើជើង
ជំងឺមហារីកមាត់ស្បូនស្ត្រីខ្លះមានពងបែកនៅជុំវិញទ្វារមាសឬតំបន់ជើងជិតនឹងក្រលៀន ប៉ុន្តែវាក៏អាចមាននៅកន្លែងផ្សេងទៀតជាច្រើននៅលើដងខ្លួនដែលភាគច្រើនជាជើង។ បន្ទាប់ពីឆ្លងមេរោគ HPV មកលើរាងកាយរបស់អ្នក វានឹងងាយកើតមុនក្រហមលើរាងកាយនិងជើង។
ប្រសិនបើកន្ទួលក្រហមមិនបាត់ក្នុងរយៈពេលយូរទេ នោះទំនងជាឬសក្នុងប្រដាប់បន្តពូជភាគច្រើនបណ្តាលមកពីការឆ្លងមេរោគ HPV។ ដូច្នេះអ្នកត្រូវយកចិត្តទុកដាក់នៅពេលអ្នកឃើញជើងមានឬសក្រហមចម្លែក៕
ប្រភព៖ បរទេស
ព័ត៌មានថ្មីៗ
