រថយន្ត Bugatti ជំនាន់ពិសេស មានតែ ១០ គ្រឿងក្នុងលោក ដឹង Ronaldo ចាយអស់ប៉ុន្មានអត់?
តារាឆ្នើម Cristiano Ronaldo ត្រូវបានគេទទួលស្គាល់ថា ជាកីឡាករដែលស្រលាញ់ការដេញសេរ៊ីរថយន្តខ្លាំងបំផុត ហើយបើតាមរបាយការណ៍ពីគេហទំព័រ Marca ថ្មីៗនេះ លោកទើបតែចំណាយលុយ ១០ លានអឺរ៉ូបន្ថែមទៀត លើការទិញរថយន្ត Bugatti Centodieci ផងដែរ។
ក្រៅពីតម្លៃដ៏ថ្លៃ ដែលចូលល្បាក់ជិត ១២ លានដុល្លារ សម្រាប់រថយន្ត Bugatti ម៉ូឌែលនេះ មានតែ ១០ គ្រឿងប៉ុណ្ណោះក្នុងលោក ហើយ Ronaldo ជាម្ចាស់ ១ ក្នុងចំណោមនោះ។
រថយន្តពណ៌ស លាយខ្មៅរបស់ Bugatti ជំនាន់ពិសេសមួយនេះ មានបំពាក់នូវម៉ាស៊ីន W16 ចំណុះ ៨ លីត្រ ដែលវាមានល្បឿនអតិបរមាឡើងដល់ ៣៨០ គ.ម/ម៉ ខណៈល្បឿនស្ទុះពី ០ ទៅ ១០០ គ.ម/ម៉ ប្រើពេល ២,៦ វិនាទី។
គួរបញ្ជាក់ថា តារាឆ្នើមវ័យ ៣៦ ឆ្នាំ មានរថយន្តសេរ៊ីទំនើបមិនក្រោម ១០ គ្រឿងឡើងក្នុងបណ្តុំរថយន្តដែលលោកមានសព្វថ្ងៃ រួមមានទាំងយីហោ Lamborghini, Roll Royce, McLaren និង Bugatti នេះជាដើម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
