Salah មិនចំណាយពេលមួយអាជីពនៅហង្សទេ Neville ចុចឈ្មោះទ្រនំថ្មី ៣ ដែលមានភាគរយខ្ពស់
Mohamed Salah បាននឹងកំពុងបង្ហាញទម្រង់លេងយ៉ាងល្អនៅ Liverpool ដោយកាលពីយប់មិញ ក៏គេទើបតែបញ្ចប់ទីរកបានគ្រាប់បាល់ដ៏អស្ចារ្យ នៅចំណែកយកឈ្នះ ៥-០ ទៅលើ Watford។ ស្ថិតិនារដូវកាល ២០២១/២២ ខ្សែប្រយុទ្ធអេហ្សីប រកបាន ១០ គ្រាប់និង Assist ៤ លើកនៅការបង្ហាញខ្លួន ១០ ប្រកួតសរុប។
ទន្ទឹមដែលសុពលភាពកុងត្រារបស់ Salah ត្រូវផុតនៅចុងខែមិថុនា ឆ្នាំ ២០២៣ ក៏នាំឲ្យកើតមានចចាមអារ៉ាម ពាក់ព័ន្ធនឹងអនាគតមិនប្រាកដប្រជារបស់គេ ដែលខ្លះថា អាចនឹងចាកចេញ ខ្លះថានឹងបន្តនៅជាមួយការទទួលយកថ្លៃពលកម្មកប់ពពក។
យ៉ាងណាក្រឡេកមកការយល់ឃើញរបស់លោក Gary Neville អតីតជើងចាស់នៅ PL បាននិយាយថា Salah គេពិតជាចាប់អារម្មណ៍លើក្លឹប ៣ ក្រៅលីគកំពូលអង់គ្លេស ហើយគេនឹងមិនឈរជើងមួយអាជីពនៅហង្សទេ។
Neville ថា៖ "ខ្ញុំមិនគិតថា Salah គេចាយពេលមួយអាជីពនៅ Liverpool ទេ ដោយគេបានធ្វើរឿងអស្ចារ្យខ្លាំងបំផុតហើយនៅទីនេះ ហើយខ្ញុំមានអារម្មណ៍ថាគេចង់ទៅចូលរួមនៅក្លឹប Paris Saint-Germain, Real Madrid ឬអាចជា Barcelona"។
លោកបន្ត៖ "តែយ៉ាងណាខ្ញុំគិតថា តាមស្ថានភាពពេលនេះ គេមិនអាចទៅ Barcelona ទេ ហើយជម្រើសល្អបំផុតគឺមានតែក្លឹប Real Madrid ប៉ុណ្ណោះ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
