ក្លឹប R.Madrid ដាក់ឈ្មោះ Hazard ជាថ្នូរប្តូរយកគ្រាប់ពេជ្រកំពុងរះនៅលីគ PL មួយរូប
ក្លឹបយក្ស Real Madrid ត្រូវបានគេរាយការណ៍ថា ចង់បោះបង់ Eden Hazard ចេញពីក្លឹបហើយ បន្ទាប់ពីកីឡាករបែលហ្សិក នៅតែមិនទាន់អាចបង្ហាញភាពខ្លាំងពិតប្រាកដរបស់ខ្លួន ហើយរយៈពេលចុងក្រោយនៅបន្តជួបបញ្ហារបួសឥតឈប់។
បើតាមអ្នកសារព័ត៌មានលោក Ekrem Konur បានឲ្យដឹងថា ក្រុមស្តេចស Madrid កំពុងរៀបចំសំណើក្នុងការផ្តល់ជូន Hazard ទៅឲ្យក្លឹប Liverpool នៅ Premier League ជាថ្នូរចង់ប្តូរយក Mo Salah ត្រលប់មកវិញ។ នេះមិនមែនប្តូរស្មើទេ គឺក្លឹបនឹងព្រមចាយលុយមួយចំនួនបន្ថែមទៀតប៉ះប៉ូវឲ្យទៅម្ចាស់ដី Anfield គ្រាន់តែមិនចង់ចាយលុយទាំងដុល ទើបដាក់ឈ្មោះ Hazard ដើម្បីកាត់បន្ថយចំណាយខ្លះ។
នេះមិនច្បាស់ថា ក្រុមរបស់លោក Jurgen Klopp ព្រមឬអត់ទេ តែវាស៊ីសងលើការចរចា គ្រាន់ថាសំណើនេះ មានភាគរយទាបបំផុតដែលអាចសម្រេចទៅបាន។ ព្រោះអី Salah កំពុងលេងល្អ ហើយ Liverpool ក៏ស្រលាញ់គុណភាពរបស់ខ្សែប្រយុទ្ធអេហ្សីបខ្លាំងណាស់ផងដែរ ខណៈរឿងបន្តកុងត្រាថ្មី ក៏ក្លឹបមិនរុញរានឹងផ្តល់ជូនថ្លៃពលកម្មខ្ពស់ជាងមុនសម្រាប់ Salah ថែមទៀត។
យ៉ាងណាមួយផ្សេងទៀតវាស៊ីសងលើការសម្រេចចិត្តរបស់កីឡាករផ្ទាល់ ព្រោះអាយុរបស់គេក៏រាងជ្រេចូលដល់ ២៩ ឆ្នាំហើយ អ៊ីចឹងការចង់មកលេងឲ្យក្លឹប Real Madrid បើផ្ទេរមកពេលនេះ គឺជាជម្រើសល្អបំផុត។ ទៅមើលស្ថិតិរបស់ Salah នៅរដូវកាល ២០២១/២២ បង្ហាញខ្លួន ១០ ប្រកួត រកបាន ១០ គ្រាប់និង Assist ៤ លើកហើយឲ្យហង្ស៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
