កុំគិតថាមិនអី! មនុស្ស ៥ ប្រភេទនេះ មិនត្រូវទទួលទានទឹកតែច្រើនពេកទេ
ការទទួលទានទឹកតែ វាបានក្លាយទៅជាទម្លាប់របស់មនុស្សមួយចំនួន ដោយអ្នកខ្លះក៏ទម្លាប់ផឹកវាជំនួសទឹកបរិសុទ្ធធម្មតាទៀតក៏មាន។ ទឹកតែមានវីតាមីន និងសារធាតុប្រឆាំងអុកស៊ីតកម្ម តែក៏វាអាចបង្កផលប៉ះពាល់មួយចំនួនផងដែរ ដល់រាងកាយមនុស្ស ជាពិសេសមនុស្ស ៥ ប្រភេទខាងក្រោម៖
៥) ស្រ្តីមានផ្ទៃពោះ
ស្រ្តីមានផ្ទៃពោះ ការទទួលទានទឹកតែច្រើន គឺងាយប្រឈមនឹងហានិភ័យស្លេកស្លាំង ប៉ះពាល់ដល់ការវិវត្តនៃទារក។ ម្យ៉ាងវិញទៀត វាបានរំញោចនូវប្រព័ន្ធប្រសាទ ធ្វើឲ្យបេះដូងលោតញាប់ ហើយក៏អាចបណ្តាលឲ្យម្តាយពពោះ គេងមិនលក់ទៀតផង។
៤) ស្រ្តីកំពុងបំបៅដោះកូន
ស្រ្តីដែលកំពុងបំបៅដោះកូន ក៏មិនគួរទទួលទានតែច្រើនពេកដែរ ព្រោះសារធាតុដែលមានក្នុងតែ ពេលជ្រាបចូលទឹកដោះ វាងាយបង្កផលប៉ះពាល់ដល់ទារក ហើយក៏រារាំងដល់ការអភិវឌ្ឍផ្នែកសំខាន់មួយចំនួននៃរាងកាយទារក។
៣) ក្មេងក្រោមអាយុ ៣ ឆ្នាំ
ពួកគេងាយនឹងទទួលរងភាពស្លេកស្លាំង ប្រសិនទទួលទានតែ ដោយវាតែមានផ្ទុកនូវអាស៊ីដតាននីក នៅពេលបញ្ចូលជាមួយជាតិដែក វានឹងបង្កើតជាប្រតិកម្មអាក្រក់ដល់រាងកាយ ហើយធ្វើឲ្យកម្រិតជាតិដែកចុះខ្សោយ។ ខណៈដែលជាតិដែក ជាសារធាតុសំខាន់ក្នុងការបង្កើតគ្រាប់ឈាម សំខាន់សម្រាប់ក្មេងតូចៗ ដែលមិនអាចខ្វះបាន។
២) មនុស្សមានបញ្ហាសរសៃប្រសាទ
មនុស្សដែលមានសរសៃប្រសាទដំណើរការមិនល្អ គេងមិនសូវលក់ ក៏មិនគួរទទួលទានតែនៅពេលល្ងាចនោះដែរ ព្រោះវានឹងនាំឲ្យអ្នកកាន់តែពិបាកគេងលើសដើម។
១) អ្នកមានជំងឺថ្លើម បេះដូង លើសឈាម
ការទទួលទានទឹកតែ វានឹងដាក់សម្ពាធបន្ថែមទៀត ទៅលើអ្នកជំងឺទាំង ៣ ខាងលើ ពោលដាក់បន្ទុកនាំឲ្យថ្លើមខ្សោយ នាំឲ្យឡើងសម្ពាធឈាម បេះដូងលោតញាប់ ដល់អាចវិវត្តទៅជាជំងឺដាច់សរសៃឈាមខួរក្បាលទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
