លាភត្រូវមកដល់ ក៏ហូរទៅអស់ដែរ បើអ្នកមិនបោះចោលទម្លាប់អាក្រក់ ៥ នេះ
៥) ផឹកតែពាក់កណ្ដាលអាធ្រាត្រ
ការផឹកតែនៅពេលយប់ មិនត្រឹមតែបង្កគ្រោះថ្នាក់ដល់សុខភាពទេ តែវាថែមទាំងនាំឲ្យយីអ៊ុនអ្នកធ្លាក់ចុះទៀតផង។ ថាមពលវិជ្ជមានបម្រុងនឹងចូលមកដល់ ក៏របូតចេញទៅវិញដែរ ពោលតាមក្បួនទម្លាប់បែបនេះ នាំឲ្យប៉ះពាល់ដល់ជីវិតខ្លាំងណាស់ បើនិយាយពីហុងស៊ុយ។
៤) ការបង្ហិនទឹក
ការប្រើប្រាស់ទឹកមិនសន្សំសំចៃ បើកទឹកចោល ធ្វើឲ្យទឹកហូរចោល មិនត្រឹមតែជាការខ្ជះខ្ជាយធនធានប៉ុណ្ណោះឡើយ ផ្ទុយទៅវិញវាក៏ដូចកំពុងបំផ្លាញទ្រព្យសម្បត្តិរបស់អ្នកផងដែរ។
តាមក្បួនហុងស៊ុយ ទឹកតំណាងឲ្យទ្រព្យនិងសំណាង ហើយបើអ្នកខ្ជះខ្ជាយលើទឹក វាប្រៀបដូចជាបដិសេធផ្នែកទ្រព្យ បដិសេធមិនទទួលយកលាភសំណាងមិនចូលមកក្នុងជីវិតអ៊ីចឹងដែរ។ យ៉ាងណាបើជាការប្រើប្រាស់ធម្មតា ហើយមានការសន្សំសំចៃនោះ រាប់ថាល្អវិញ។
៣) មិនលាងថ្ងាស
ពេលលាងមុខមនុស្សមួយចំនួន ឧស្សាហ៍តែផ្តោតទៅលើថ្ពាល់ តែមើលរំលងថ្ងាស ដែលវាជាបង្អួចបើកបិទ នាំលាភសំណាងចូលក្នុងជីវិត។ ប្រសិនថ្ងាសមិនត្រូវបានសម្អាតដិតដល់ នោះតាមក្បួនក៏មិនអាចបើកទ្វារទ្រព្យបានល្អនោះដែរ។
២) ខាំបបូរមាត់
តាមក្បួនហុងស៊ុយចិន អ្នកដែលខាំបបូរមាត់ ច្រើនតែជាមនុស្សវៀចវេរមិនស្មោះត្រង់ ហើយគ្មានការជឿជាក់ ពិបាកឲ្យអ្នកដទៃជឿខ្លាំងណាស់។ ដូច្នេះបើចង់បានលាភសំណាង កុំសុខៗខាំបបូរមាត់ខ្លួនឯងញឹកញាប់ពេកអី ព្រោះលុយវានឹងកាន់តែពិបាករក។
១) ខាំក្រចក
វាដូចជាមានអ្វីលាក់ទុកចិត្តក្នុង មានបញ្ហាមិនសប្បាយចិត្ត ទើបនាំឲ្យមនុស្សសុខៗទៅខាំក្រចក។ បើនិយាយពីផ្នែកទ្រព្យនិងស្នេហា គឺងាយរងផលប៉ះពាល់ខ្លាំងណាស់ ប្រសិនអ្នកបន្តទម្លាប់បែបនេះ។ លុយក៏ពិបាកចូល ស្នេហាក៏មិនគង់វង្សថែមទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
