កុំគិតថាមិនអី! ភ្ញាក់ព្រឹកឡើងមាត់ស្ងួត ជូរមាត់ អ្នកប្រហែលជាមានជំងឺ ១ ក្នុងចំណោម ៥ នេះ
បន្ទាប់ភ្ញាក់ពីគេងនៅពេលព្រឹក ប្រសិនអ្នកមានអារម្មណ៍ថាមាត់ស្ងួត ហើយមានសភាពថារាងជូរមាត់នៅខាងក្នុង សូមអ្នកកុំគិតថាវាជាសញ្ញាធម្មតា។ បើវាជារោគសញ្ញាបង្ហាញមករយៈពេលយូរ នោះអាចជាសញ្ញាព្រមាននៃជំងឺ ១ ក្នុងចំណោមជំងឺទាំង ៥ ខាងក្រោម៖
១) ជំងឺមាត់ធ្មេញ
ប្រសិនមាត់របស់អ្នកជូរ មានក្លិនមិនល្អបន្ទាប់ភ្ញាក់ពីគេង វាអាចជាសញ្ញានៃជំងឺមាត់ធ្មេញ ពេលខ្លះទៅអាចរលាកអញ្ចាញធ្មេញជាដើម។ អ្នកគួរតែសម្អាតធ្មេញឲ្យបានទៀងទាត់ ឬទៅជួបជាមួយពេទ្យធ្មេញដើម្បីរកវិធីព្យាបាលឲ្យទាន់ពេលវេលា។
២) ថ្លើមចុះខ្សោយ
វាក៏អាចជាសញ្ញាបង្ហាញថា ថ្លើមរបស់អ្នកមានការវិវត្តទៅរកការចុះខ្សោយផងដែរ។ ថ្លើមដើរតួនាទីក្នុងការច្រោះជាតិពុលចេញពីរាងកាយ ហើយប្រសិនវាច្រោះមិនបានល្អ នោះវានឹងក្រពុលពេញរាងកាយ ឬមកដល់សូម្បីតែក្នុងមាត់។ ដូច្នេះដើម្បីបញ្ចៀសការដាក់បន្ទុកលើថ្លើម អ្នកគួរកាត់បន្ថយការទទួលទានគ្រឿងស្រវឹង និងគេងឲ្យបានគ្រប់គ្រាន់។
៣) ជំងឺក្រពះ
វាក៏អាចជាជំងឺរលាកក្រពះ ឬច្រាលអាស៊ីដផងដែរ។ ដូច្នេះយកល្អគួរតែទៅរកពេទ្យដើម្បីពិគ្រោះ និងរកវិធីព្យាបាល ជៀសវាងនាំឲ្យវាឡើងដំបៅកាន់តែធ្ងន់ធ្ងរ។
២) ជំងឺ Esophageal
វាជាជំងឺដែលទាក់ទងនឹងការរលាកបំពង់អាហារ មហារីកបំពង់អាហារ ដែលនៅពេលយើងចេញអាការៈស្ងួតមាត់ ពិបាកដកដង្ហើម និងមានភាពជូរចត់ក្នុងមាត់។ ប្រសិនមិនបានព្យាបាល ហើយទុកចោលរយៈពេលយូរ វានឹងវិវត្តទៅជាដំបៅ នាំឲ្យកាន់តែគ្រោះថ្នាក់ខ្លាំង។
១) ជំងឺតម្រងនោម
នៅដំណាក់កាលធ្ងន់ធ្ងរនៃជំងឺតម្រងនោម ក៏អាចបណ្តាលឲ្យស្ងួតមាត់ និងជូរមាត់ផងដែរ។ មូលហេតុគឺដោយសារជាតិពុលមិនត្រូវបានបញ្ចេញពីរាងកាយទាន់ពេលវេលា បង្កឲ្យមានប្រតិកម្មមកកាន់ប្រហោងធ្មេញ។
វិធីព្យាបាលសាមញ្ញបំផុត នៅដំណាក់កាលស្រាល អ្នកគួរតែពង្រឹងខ្លួនឯងតាមរយៈការទទួលទានវីតាមីន C ឲ្យបានច្រើន ទទួលទានទឹកឲ្យបានច្រើន និងឆ្លៀតទទួលទានគ្រាប់ឈូកផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
