ជ្រើសរើសរូបភាពមួយ ដើម្បីដឹងថា តើជីវិតអ្នកនឹងត្រូវជួបរឿងអ្វីនៅខែតុលានេះ?
ទំព័រខែថ្មី ខែតុលា ថ្ងៃទី ១ រាប់ពីថ្ងៃនេះទៅបានចាប់ផ្តើមហើយ តើថ្ងៃដំបូងនេះ អ្នកទទួលបានអារម្មណ៍ប្លែកបែបណាធៀបនឹងខែចាស់? តាមរយៈអត្ថបទនេះ យើងសូមឲ្យអ្នកជ្រើសរើសនូវរូបភាពមួយ ដើម្បីបង្ហាញថា ជីវិតអ្នកនៅខែថ្មី អាចនឹងជួបរឿងរ៉ាវបែបណា?
រូបភាពទី ១
ចូរត្រៀមខ្លួនដើម្បី ទទួលយកការផ្លាស់ប្តូរដ៏ធំមួយក្នុងជីវិតនៅពេលដ៏ខ្លីខាងមុខ ហើយត្រូវបញ្ឈប់ការផ្តោតលើការគិតបែបអវិជ្ជមាន ពោលគឺបើកចិត្តឲ្យទូលាយ ទទួលយករឿងល្អៗ នោះចាំមើលទៅសំណាង និងភាពវិជ្ជមាននឹងហូរចូលមកក្នុងជីវិតអ្នក។
ជាងនេះក៏កុំខ្លាចដានចាស់ កុំខ្លាចអតីតកាល នូវរឿងដែលហួសទៅហើយនោះ យកវាជាបទពិសោធន៍ ហើយត្រូវប្រាប់ខ្លួនឯងថា បញ្ហានរណាក៏ជួបនរណាក៏ប្រទះដែរ មិនមែនតែយើងទេ ដូច្នេះបើជួបហើយក៏រកផ្លូវដោះស្រាយទៅ នៅខូចចិត្តបានអ្វីមកវិញ។ ជឿជាក់លើខ្លួនឯង បន្តដំណើរទៅមុខជានិច្ច!
រូបភាពទី ២
នៅខែតុលានេះ អាចនឹងមានរឿងមួយចំនួនដែលត្រូវការពេល ហើយអ្នកមិនអាចបង្ខំឲ្យវាដំណើរការទៅបានលឿនដូចការចង់បាននោះទេ។ ចូរអត់ធ្មត់បន្តិច សង្កត់ចិត្តឲ្យរឹងមាំបន្តិច ហើយរឿងល្អៗនឹងកើតឡើងត្រូវទៅតាមពេលវេលារបស់វា។
ចូរអ្នកសម្រាកផ្លូវចិត្តឲ្យបានច្រើននៅខែនេះ ដូចជាការស្តាប់តន្រ្តី ធ្វើលំហាត់ប្រាណ និងធ្វើរឿងរ៉ាវកម្សាន្តល្អៗមួយចំនួនសម្រាប់ខ្លួនឯង។
រូបភាពទី ៣
អ្នកប្រហែលជាស្ថិតក្នុងភាពឯកោខ្លាំងណាស់មែនទេ? ពិតណាស់អ្នកដែលជ្រើសរើសរូបភាពទី ៣ ហាក់មានអារម្មណ៍ថាខ្លួនឯងធ្វើអ្វីតែឯងៗ ហើយមានអារម្មណ៍ថាពេលខ្លះក៏អាណិតខ្លួនឯងណាស់ដែរ តែមិនដឹងធ្វើបែបម៉េច។
យ៉ាងណានៅខែតុលានេះ អ្នកគួរដល់ពេលវេលាដើម្បីផ្សារភ្ជាប់ខ្លួនឯងទៅកាន់ទំនាក់ទំនងជាមួយមនុស្សក្បែរខ្លួន ឬមនុស្សថ្មីហើយ ត្រូវចាំថាអ្វីគ្រប់យ៉ាងគឺនៅក្នុងដៃអ្នកជាអ្នកសម្រេច ដូច្នេះកុំខ្លាចក្នុងការភ្លក់រសជាតិថ្មីនៃជីវិត ការទៅជួបមនុស្សថ្មី បង្កើតមិត្តភាពថ្មី ដែលវាមិនសុទ្ធតែអាក្រក់ទាំងអស់នោះទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
