ចាស់ជាងវ័យមិនដឹងខ្លួន បើអ្នកនៅបន្តទទួលទានទឹក ដោយខុសរបៀបទាំង ៥ នេះ
ទឹកគឺជារបស់ដែលសំខាន់ ដើម្បីទ្រទ្រង់ជីវិតមនុស្សយើង ហើយទោះជាយ៉ាងណាក៏មិនសុទ្ធតែការទទួលទានទឹក អាចជារឿងល្អសម្រាប់សុខភាពទាំងអស់នោះដែរ។ ក្នុងការអនុវត្តខុសរបៀបទាំង ៥ ខាងក្រោម វាមានតែបង្កផលប៉ះពាល់ទៅវិញ ហើយអាចបណ្តាលឲ្យអ្នកឆាប់ចាស់ជាងវ័យ ប៉ះពាល់ធ្ងន់ធ្ងរជាងមនុស្សដែលចូលចិត្តចូលគេងយប់ជ្រៅទៅទៀត៖
៥) ការផឹកទឹកតិចពេក
រាងកាយមនុស្សយើងភាគច្រើន អាចដំណើរការទៅបានក៏ដោយសារទឹក ព្រោះសរីរាង្គជាច្រើនត្រូវការទឹកជាចាំបាច់។ ទោះជាយ៉ាងណាប្រសិនមនុស្សជាច្រើនមិនសូវចូលចិត្តទទួលទានទឹក ហើយធ្វើឲ្យរាងកាយខ្សោះជាតិទឹក នោះការបន្តរយៈពេលយូរ អាចធ្វើឲ្យស្បែកស្ងួត ស្លេក មិនភ្លឺ ហើយនាំឲ្យឆាប់ចាស់ជាងវ័យដោយមិនដឹងខ្លួន។
៤) ការផឹកទឹកលឿនពេក
ជាធម្មតានៅពេលយើងមានអារម្មណ៍ស្រេកទឹក យើងសម្រុកផឹកយកៗលឿនពេក នោះវានឹងប៉ះពាល់ជាខ្លាំងដល់លំពែង និងក្រពះ ហើយធ្វើឲ្យខូចមុខងាររំលាយអាហារ និងការស្រូបយករបស់ក្រពះ ពោះវៀន។
ហេតុនេះហើយទើបគ្រូពេទ្យណែនាំឲ្យអ្នកមិនគួរផឹកទឹកលឿនពេកទេ បើទោះបីស្រេកខ្លាំងក៏ដោយ គួរផឹកទឹកយឺតៗ ដើម្បីឲ្យរាងកាយអាចស្រូបយកជាតិទឹកបានពេញលេញ និងរក្សាមុខងាររបស់សរីរាង្គជាច្រើនឲ្យនៅល្អ។
៣) ការផឹកទឹកច្រើនក្នុងពេលតែមួយ
មនុស្សខ្លះមិនសូវចូលចិត្តផឹកទឹកទេ ដល់តែពេលស្រេកគឺផឹកយកច្រើនតែម្តងក្នុងពេលតែមួយ ហើយនេះវាពិតជាអាចជះឥទ្ធិពលជាច្រើនដល់សុខភាពរាងកាយរបស់យើង។
ដោយសារវាដាក់បន្ទុកទៅលើតម្រងនោម ហើយប៉ះពាល់ដល់មុខងារបន្សាបជាតិពុល ក៏ដូចជាបំផ្លាញដល់មុខងាររបស់សរីរាង្គដទៃទៀតក្នុងរាងកាយមនុស្ស។
២) ផឹកទឹកច្រើនបន្ទាប់ពីទទួលទានអាហាររួច
យើងតែងតែសង្កេតឃើញថា មនុស្សជាច្រើនទម្លាប់ផឹកទឹកច្រើនបន្ទាប់ពីទទួលទានអាហាររួច ហើយនេះជាទម្លាប់មិនល្អមួយ ដោយសារវាបញ្ចេញទឹកក្រពះ និងធ្វើឲ្យមុខងារស្រូបយក មានការចុះខ្សោយ។ ប្រសិនបើអ្នកបន្តទម្លាប់នេះ យូរទៅនឹងមានបញ្ហាដល់ប្រព័ន្ធ Endocrine និងបង្កើនល្បឿនភាពចាស់យ៉ាងលឿនទៀតផង។
១) ការទទួលទានភេសជ្ជៈជំនួសទឹក
ក្នុងទម្លាប់រស់នៅរបស់មនុស្សជាច្រើនបច្ចុប្បន្ន រមែងផ្តោតលើការទទួលទានភេសជ្ជៈ ជំនួសទឹក តែរបៀបនេះ គឺធ្វើឲ្យខូចតម្រងនោមលឿនណាស់។ ជារួមអ្នកមិនគួរទទួលទានភេសជ្ជៈ ឬទឹកផ្លែឈើកំប៉ុងច្រើនពេកទេ ព្រោះវាងាយនាំឲ្យឡើងជាតិស្ករក្នុងឈាម ធ្វើឲ្យស្ទះចរន្តឈាម ប៉ះពាល់ដល់ស្បែក និងពន្លឿនភាពចាស់លឿនជាងធម្មតាទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
