យំឲ្យមានន័យ យំឲ្យចំណេញ! អ្នកជំនាញថា យំចន្លោះម៉ោង ៧-១០ យប់ អាចសម្រកទម្ងន់បានល្អបំផុត
ការស្រាវជ្រាវបង្ហាញថា ការយំក៏អាចនាំផលល្អជាច្រើនដល់រាងកាយមនុស្សយើងផងដែរ ហើយរួមបញ្ចូលទាំងការសម្រកទម្ងន់ថែមទៀត។ យ៉ាងណាអ្នកក៏ត្រូវយំឲ្យត្រូវតាមបែបបទរបស់គេដែរ៖
ហេតុអ្វីអ្នកយំ? ហេតុផលនៃការយំ ការស្រក់ទឹកភ្នែក វាមានមូលហេតុច្រើនផ្សេងពីគ្នា ខ្លះទៅដោយសាររឿងរំភើបចិត្ត ខ្លះទៅពិបាកចិត្ត ខ្លះទៅធូលីចូលភ្នែក ដែលនាំឲ្យភ្នែកកើតមានសំណើមនិងរអិលគ្រាប់ភ្នែកនៅកំឡុងពេលយំ។
ការយំជួយឲ្យស្រកទម្ងន់? តាមការស្រាវជ្រាវរបស់អ្នកវិទ្យាសាស្រ្តបង្ហាញថា ក្នុងមួយជីវិតមនុស្ស ជាទូទៅអ្នកយំប្រហែល ៦២ លីត្រនៃទឹកភ្នែក។ ការយំអាចជួយឲ្យស្រកទម្ងន់បាន ក៏ដោយសារតែក្រពេញ Adrenal បានបញ្ចេញអរម៉ូន Cortisol ជាអរម៉ូនជួយរាងកាយប្រឆាំងនឹងភាពតានតឹងធ្វើឲ្យអារម្មណ៍មានតុល្យភាព ហើយវាក៏មានឥទ្ធិពលជួយរំលាយជាតិស្ករនិងខ្លាញ់សម្រាប់ផ្តល់ថាមពលរាងកាយផងដែរ។
អ្នកវិទ្យាសាស្ត្របានរកឃើញថា នៅពេលអរម៉ូន ACTH មានការបញ្ចេញមក វានាំឲ្យជាតិខ្លាញ់ក៏ត្រូវបានរំលាយ ហើយជៀសវាងការប្រមូលផ្តុំជាតិខ្លាញ់លើស។ មានភស្តុតាងបង្ហាញថា ការយំយឺតៗ ជួយឲ្យយើងទទួលបានការសម្រាក ហើយរាងកាយផលិតអរម៉ូន Endorphin បានល្អជាង ការយំលឿនៗ។
បន្ថែមពីនេះ អ្នកគួរយំនៅចន្លោះម៉ោង ៧ ទៅម៉ោង ១០ យប់ ជាពេលវេលាល្អបំផុតសម្រាប់ការស្រកទម្ងន់រាងកាយ។ ជាងនេះអត្ថប្រយោជន៍ផ្សេងទៀតនៃការយំ មានដូចជា៖ ការធ្វើឲ្យប្រសើរឡើងវិញនូវភ្នែក ការជួយឲ្យគេងលក់ស្កប់ស្កល់ និងជួយឲ្យអារម្មណ៍ធូរស្រាល បំបាត់ការតានតឹងផ្លូវចិត្ត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
