ទស្សន៍ទាយលាភសំណាងពី “ព្រះច័ន្ទ” តើនឹងមានអ្វីកើតឡើងក្នុងពេលឆាប់ៗនេះ? រើសមួយដែលអ្នកចូលចិត្តភ្លាមទៅ
តើប្រិយមិត្តចង់ដឹង ពីអ្វីដែលនឹងកើតឡើងក្នុងពេលឆាប់ៗនេះទេ? តើនឹងមានអ្វីកើតឡើងក្នុងពេលអនាគតដ៏ខ្លីខាងមុខនេះ?
បើចង់ដឹង ថ្ងៃនេះគេហទំព័រ Knongsrok និងយកវិធីធ្វើតេស្តចិត្តសាស្ត្រ មកទស្សទាយពីសំណាង មើលពីអនាគតដ៏ខ្លីខាងមុខពីព្រះច័ន្ទដែលអ្នកចាប់អារម្មណ៍បំផុត ។
មុននិងធ្វើតេស្ត សូមបិទភ្នែកហើយធ្វើសមាធិមួយភ្លែត ហើយព្រលែងចិត្តរបស់អ្នកឲ្យធូរស្រាល បន្ទាប់មកជ្រើសរើសរូបភាពព្រះច័ន្ទដែលអ្នកមើលហើយមានអារម្មណ៍ថាចូលចិត្តបំផុត រួចរំកិលចុះទៅអានការទស្សន៍ទាយខាងក្រោម ។
ព្រះច័ន្ទទី ១
ប្រសិនបើអ្នកចូលចិត្តព្រះច័ន្ទលេខ ១ មានន័យថា រឿងដែលនឹងកើតឡើងក្នុងពេលឆាប់ៗនេះគឺល្អណាស់សម្រាប់អ្នក ។ អាចទទួលបានដំណឹងល្អ ពីអ្វីដែលអ្នកបានរង់ចាំ អាចជាបានទទួលបានការងារធ្វើ អាចទទួលបានប្រាក់ពីការអនុម័ត ឬសំណាងល្អអ្វីមួយជាក់ជាមិនខាន ។
ប្រសិនបើកាលពីអតីតកាលកំលាំងចិត្តរបស់អ្នកបានធ្លាក់ចុះ មានអារម្មណ៍ធុញទ្រាន់នឹងការរស់នៅ ចាប់ពីពេលនេះទៅកំលាំងចិត្តរបស់អ្នកនឹងត្រលប់មកវិញ ធ្វើឱ្យពិភពលោករបស់អ្នកកាន់តែភ្លឺ ។ សំណាងល្អនឹងមករកអ្នក អាចក្នុងរយៈពេលពីរបីខែខាងមុខនេះ ដូច្នេះសូមធ្វើចិត្តឲ្យសប្បាយរីករាយត្រៀមខ្លួនទទួលលាភទាំងនោះ ។
ព្រះច័ន្ទលេខ ២
ប្រសិនបើអ្នកចូលចិត្តព្រះច័ន្ទលេខ ២ មានន័យថា រឿងដែលនឹងកើតឡើងក្នុងពេលឆាប់ៗនេះ គឺជាអ្វីដែលជោគវាសនាបានបម្រុងទុកសម្រាប់អ្នករួចទៅហើយ។ វាអាចនឹងមានការសាកល្បងអ្វីមួយមកប្រឆាំងនឹងអ្នក ដើម្បីពិនិត្យមើលថា តើអ្នកត្រៀមខ្លួនសម្រាប់ជំពូកថ្មីនៃជីវិតរបស់អ្នកហើយឬនៅ?
ដូច្នេះពីរបីខែចាប់ពីពេលនេះទៅ អ្នកត្រូវប្រើជីវិតយ៉ាងប្រុងប្រយ័ត្ន ជាមួយអ្វីគ្រប់យ៉ាង ចូលកុំទុកចិត្តផ្លូវ កុំទុកចិត្តមនុស្សងាយពេក។ ដំបូងអ្នកអាចជួបឧបសគ្គខ្លះនៅក្នុងផ្លូវរបស់អ្នក ប៉ុន្តែប្រសិនបើអ្នកមិនបោះបង់ ហើយបន្តប្រយុទ្ធយកជ័យជំនះ នៅទីបញ្ចប់អ្នកនឹងរកឃើញសុភមង្គលសមបំណងមិនខាន ។
ព្រះច័ន្ទលេខ ៣
ប្រសិនបើអ្នកចូលចិត្តព្រះច័ន្ទលេខ ៣ មានន័យថា រឿងដែលនឹងកើតឡើងក្នុងពេលឆាប់ៗនេះ គឺជាអ្វីដែលនឹងផ្លាស់ប្តូរជីវិតរបស់អ្នកទាំងស្រុង។ មិនថាគម្រោងដែលអ្នកកំពុងរៀបចំឥឡូវនេះទេ ត្រូវខិតខំឱ្យអស់ពីសមត្ថភាព ទោះបីជាអ្នកផ្សេងមើលឃើញថា អ្នកកំពុងរំកិលដុំថ្មឡើងលើភ្នំក៏ដោយ ចូរកុំខ្វល់ ។ ប្រសិនបើអ្នកជឿលើវា តស៊ូដល់ទីបញ្ចប់ អ្នកនឹងទទួលបានជោគជ័យនៅពេលក្រោយ ពីគ្រាប់ពូជដែលអ្នកបានខិតខំដាំនេះ ។
អាចមិនលើសពីពីរបីខែចាប់ពីពេលនេះ អ្នកនឹងរស់នៅក្នុងជីវិតដែលអ្នកប្រាថ្នា ហើយបទពិសោធន៍ហត់នឿយ នឹងក្លាយជាមេរៀន សូមអត់ធ្មត់បន្តិចទៀត តស៊ូបន្តទៀត។
ព្រះច័ន្ទលេខ ៤
ប្រសិនបើអ្នកចូលចិត្តព្រះច័ន្ទលេខ ៤ មានន័យថា រឿងដែលនឹងកើតឡើងក្នុងពេលឆាប់ៗនេះ គឺជាអ្វីដែលនឹងបង្កើតមោទនភាពសម្រាប់ខ្លួនឯង។ អាចពីរបីខែចាប់ពីពេលនេះ អ្នកទំនងជាអាចទទួលបានជោគជ័យដ៏អស្ចារ្យ ពីអ្វីដែលអ្នកវិនិយោគ ឬរង់ចាំជាយូរមកហើយ ។
ហើយជោគជ័យនេះ នឹងធ្វើឱ្យអ្នកស្រឡាញ់ខ្លួនឯង ដឹងពីតម្លៃរបស់អ្នកច្រើនជាងមុនដូច្នេះអ្វីដែលគួរធ្វើនាពេលនេះ គឺផ្តោតលើខ្លួនឯងបន្ថែមទៀត រស់នៅដោយបន្ថយភាពខ្វល់ខ្វាយ ប្រើពេលវេលារបស់អ្នកឱ្យបានច្រើនបំផុតក្នុងផ្លូវត្រូវ ហើយអ្វីៗនឹងទទួលបានផ្លែផ្កាក្នុងពេលឆាប់ៗនេះ ៕
ប្រភព៖ Knongsrok
ព័ត៌មានថ្មីៗ
