ប្រយ័ត្នគេធ្វើស៊ី! សកម្មភាពទាំង ១២ នេះអ្នកមិនត្រូវបង្ហាញជាសាធារណៈ នៅលើបណ្ដាញសង្គមឡើយ
យោងទៅតាមស្ថិតិ 69% នៃមនុស្សពេញវ័យរបស់អាមេរិកបានប្រើប្រាស់បណ្តាញសង្គម។ ទោះបីជាយ៉ាងណាក៏ដោយមនុស្សភាគច្រើនមិនដឹងទេថា Facebook និងបណ្តាញសង្គមដ៏ពេញនិយមដ៏ទៃផ្សេងទៀតពិតជាប្រមូលព័ត៌មានផ្ទាល់ខ្លួនយ៉ាងច្រើនពីអ្នកប្រើប្រាស់របស់ពួក។
ដូច្នេះនៅក្នុងអត្ថបទនេះ យើងនឹងប្រាប់លោកអ្នកអំពីប្រការទាំង១៣យ៉ាង ដែលអ្នកមិនគួរបង្ហាញ ឬបង្ហោះចូលទៅក្នុងបណ្តាញសង្គម Facebook ឬបណ្តាយសង្កមដ៏ទៃផ្សេងទៀតនោះទេ។
១. កុំបង្ហាញពត៌មានលំអិតជិតស្និតអំពីទំនាក់ទំនងស្នេហាររបស់អ្នក
អ្វីដែលកំពុងកើតឡើងរវាងអ្នកនិងគូរស្នេហ៍របស់អ្នកគួរតែត្រូវបានរក្សាទុក។ កុំសរសេរអំពីអ្វី ឬបង្ហោះរូបភាពដែលកើតឡើងនៅក្នុងបន្ទប់គេងរបស់អ្នកជាមួយនិងគូរស្នេហ៍របស់អ្នក ផ្ទុយទៅវិញវាបែជាធ្វើឲ្យអ្នកត្រូវគេរិះគុណ និងធ្វើឲ្យកិត្តិយស និងតំលៃរបស់អ្នកធ្លាក់ទាប។
២. ថតរូបភាពថើបគ្នា
មនុស្សភាគច្រើនគិតថាដើម្បីបញ្ជាក់សេចក្តីស្រឡាញ់ពួកគេបានថតរូបភាពអោបថើបគ្នាហើយផុសចូូលទៅក្នុងបណ្តាយសង្គម។ ប្រសិនបើសាច់ញាតិរបស់អ្នកបានឃើញពួកគាត់ប្រហែលជាមិនពេញចិត្តចំពោះរូបភាពទាំងនេះទេ។ ប្រសិនបើអ្នកបានបែកគ្នា ហើយដៃគូរថ្មីរបស់អ្នកបានឃើញរូបភាពទាំងនេះ តើគាត់នឹងគិតយ៉ាងម៉េចចំពោះអ្នក។
៣. អ្នកមិនត្រូវថតរូបភាពសប្បាយរីករាយក្នុងពិធីបុណ្យសពទេ
ទីកន្លែងនិងឱកាសខ្លះទាមទារឱ្យមានឥរិយាបថគោរពព្រោះនេះជាមូលហេតុដែលអ្នកមិនគួរថតរូបភាពដោយប្រើមុខញញឹមរបស់អ្នកក្នុងពិធីបុណ្យសព ពិធីបុណ្យព្រះវិហារ ឬកន្លែងគោរពបូជាផ្សេងទៀតឡើយ។
៤. ផុសរូបភាពសកម្មភាពខុសច្បាប់នានា
ប្រសិនជាអ្នកមិនចង់ឲ្យប៉ូលីសកោះហៅចូលប៉ុស្ត៍នោះទេ សូមកុំផុសរឿងដែលអ្នកបានធ្វើខុសច្បាប់ចូលក្នុង Facebook អោយសោះ។ យើងធ្លាប់បានឃើញហើយថា ធ្លាប់មានអ្នកផុសលក់សត្វព្រៃ រឺចង់បាញ់អ្នកនេះ អ្នកនោះ ចុងក្រោយត្រូវបានប៉ូលីសចាប់ទាំងអស់។
៥. ការបញ្ចេញមតិយោបល់មិនត្រឹមត្រូវ
បើទោះបីអ្នកសរសេរនៅក្នុងន័យលេងសើចក៏ដោយ សូមកុំនិយាយពាក្យសម្តីដែលវៃប្រហារ ឬចោទប្រកាន់អ្នកណាម្នាក់ដែលពាក់ព័ន្ធទៅនឹងរឿងនរយោបាយ សាសនាអោយសោះ ព្រោះវាអាចនាំទុកដល់ខ្លួនឯងបាន។
៦. កុំសរសេររឿងអាក្រក់អំពីកន្លែងការងារ ឬរឿងអាក្រក់ពីមេរបស់អ្នក
ទោះបីជាអ្នកមិនពេញចិត្តនិងការងាររបស់អ្នក ឬស្អប់មេរបស់អ្នកយ៉ាងណាក៏ដោយ សូមកុំផុសបង្ហាញអារម្មណ៍របស់អ្នកឲ្យសោះ។ វាមិនបានជួយអ្វីដល់អ្នកនោះទេ វាបែជាធ្វើឲ្យអ្នកនិងក្រុមការងារក្នុងក្រុមហ៊ុនរបស់អ្នកមិនពេញចិត្តអ្នក ពិសេសគឺមេរបស់អ្នកតែម្តង។
៧. ទីតាំងដែលអ្នកកំពុងស្ថិតនៅ
គ្រប់ទូរស័ព្ទទំនើបទាំងអស់សុទ្ធតែបានបំពាក់ជាមួយបច្ចេកវិទ្យា GPS ដែលអាចដឹងថាអ្នកនៅកន្លែកណា។ វាមិនល្អនោះទេ នៅពេលដែលអ្នកទៅណាមកណា ហើយតែងតែបង្ហាញទីតាំង GPS អោយអ្នកទាំងអស់គ្នាបានដឹងនោះឡើយ។
ជីវិតមនុស្សយើងមិនមែនគ្រប់គ្នាសុទ្ធតែចូលចិត្តយើងទាំងអស់នោះទេ ដូច្នេះប្រសិនជាមានជនណាមានបំណងអាក្រក់លើយើង គេអាចធ្វើស៊ីយើងបានយ៉ាងងាយដោយសារតែទីតាំង GPS នេះឯង។
៨. គំរោងការវិស្សមកាល
អ្នកមិនត្រូវផុសពីគំរោងវិស្សមកាល ឬកន្លែងងស្នាក់នៅរបស់អ្នកទេវាគឺជាកំហុសដ៏ធំមួយពីព្រោះអ្នកមិនដឹងថានរណាខ្លះដែលចូលចិត្តអ្នក នរណាខ្លះដែលស្អប់អ្នកនោះទេ វានឹងធ្វើអ្នកមានបញ្ហាសុវត្ថិភាព ព្រោះគេអាចនឹងធ្វើស៊ីអ្នកបាន។
៩. កុំបង្ហាញឯកសារអត្តសញ្ញាញអោយគេដឹង
អត្តសញ្ញាណប័ណ្ណ លិខិតឆ្លងដែន ឬឯកសារអ្វីក៏ដោយអោយតែអាចបញ្ជាក់អត្តសញ្ញាញរបស់អ្នកបាន ចូរកុំផុសវាជាសារធារណៈអោយសោះ។ ព្រោះវាជាព័ត៌មានសំងាត់ ហើយទាក់ទងទៅនិងសុវត្ថិភាពផ្ទាល់ខ្លួនរបស់អ្នកផងដែរ។
១០. ព័ត៏មានទាក់ទងនឹងលុយកាក់របស់អ្នក
អ្នកខ្លះព្យាយាមអួតប្រាប់គេ ថាខ្លួនឯងមានលុយច្រើន ដល់ថ្នាក់ផុសរូបលុយ រូបមាសពេជ្រសំញែងគេឯង ប៉ុន្តែពួកគេភ្លេចគិតថា ចោរកំពុងតែស្រក់ទឹកមាត់នឹងលុយរបស់អ្នកហើយ។
១១. រូបភាពអេកូ
សូមកុំផុសរូបអេកូនរបស់អ្នកមុនត្រីមាសទី២អោយសោះ ព្រោះថាឱកាសនៃការរលូតកូនអាចមានច្រើន។ ដូច្នេះប្រសិនជាអ្នកមានគ្រោះថ្នាក់បែបនោះ អ្នកនឹងរិតតែឈើចាប់ ពេលអ្នកឃើញរូបនោះម្តងទៀតនៅលើ Facebook របស់អ្នក។
១២. កាដូថ្លៃៗ
នៅក្នុងបណ្តាញសង្គមមានមនុស្សគ្រប់ប្រភេទ នៅពេលដែលយើងបង្ហោះរូបភាពកាដូដែលមានតម្លៃថ្លៃៗវាគឺមិនមែនត្រឹមតែបង្ហាញភាពហ៊ឺហារតែមួយមុខនោះទេវាថែមទាំងអាចទាក់ទាញចោរផងដែរ។ បើអ្នកមិនខ្លាចចោរប្លន់ រឺចោរគាស់ផ្ទះនោះទេ អ្នកអាចបន្តផុសរបៀបនេះទៀតបាន តែបើមិនចង់ទេ គួរតែបញ្ឈប់ រឺលុបរូបពីមុនចោលអោយអស់ទៅ ទើបអាចរក្សាសុវត្ថិភាពរបស់អ្នកបាន។
ដោយ៖ វីរៈ
ប្រភព៖ Brightside
ព័ត៌មានថ្មីៗ
