ចែកគ្នាដឹង! រូបមន្តប្រើខ្ទឹមស អាចព្យាបាលមុខមុន យ៉ាងមានសុវត្ថិភាពនិងប្រសិទ្ធភាព
ខ្ទឹមស ដែលគេយកទៅចម្អិនអាហារ នៅខាងក្នុងនោះមានផ្ទុកសមាសធាតុល្អៗជាច្រើន ដែលវាក៏ដើរតួក្នុងការព្យាបាលមុខមុនបានយ៉ាងមានប្រសិទ្ធភាពផងដែរ។ យ៉ាងណា Knongsrok សូមណែនាំនូវរូបមន្ត ចែកអ្នករាល់គ្នាឲ្យបានដឹង និងអាចយកទៅអនុវត្តដោយសុវត្ថិភាព៖
បញ្ជាក់ថាខ្ទឹមសមានផ្ទុកសារជាតិ diallyl disulfide, allicin និង Sulphur ដែលមានឥទ្ធិពលក្នុងការប្រឆាំងនឹងបាក់តេរី ហើយកាត់បន្ថយការឡើងក្រហមលើស្បែកដែលងាយកើតមុន។ វីតាមីន B, E... ជួយស្តារស្បែកដែលខូច ហើយកាត់បន្ថយស្នាមអុជខ្មៅ ការពារការកើតមុន។
លើសពីនេះខ្ទឹមសក៏មានសារធាតុប្រឆាំងអុកស៊ីតកម្ម ដែលមានត្រឹមតែមានប្រសិទ្ធភាពការពារការកើតមុនប៉ុណ្ណោះទេ តែវាក៏ល្អសម្រាប់សរីរាង្គមួយចំនួនផ្សេងទៀតនៃរាងកាយផងដែរ។ ជាងនេះសារធាតុរ៉ែដូចជាម៉ាញេសូម ផូស្វ័រ កាល់ស្យូម ក៏ជួយបង្កើនភាពធន់របស់ស្បែក។
វិធីធ្វើ៖
លាងសម្អាតផ្ទៃមុខរបស់អ្នកជាមុន
បន្ទាប់មកកាត់ផ្នែកខាងលើនៃខ្ទឹមស ហើយចិញ្ច្រាំវាឲ្យក្លាយទៅជាផ្នែកតូចៗ រួចយកវាមកបិទលើផ្ទៃមុខ ត្រង់ទីតាំងកើតមុន
ទុកវាចោលមួយយប់ រួចព្រឹកឡើង ងើបមកលាងមុខជាមួយទឹកធម្មតា
យើងនឹងឃើញសភាពមុន នឹងប្រែទៅជារលោង ហើយថយស្នាមក្រហម ដោយមុនតូចៗនឹងងាយបាត់យ៉ាងលឿនត្រឹមរយៈពេលខ្លី។
វិធីពិសេសម្យ៉ាងទៀត៖
អ្នកអាចយកល្បាយខ្ទឹមស មលាយជាមួយនឹងទឹកឃ្មុំ ឬរមៀត ឬទឹកបន្ទាលក្រពើ ឬប្រេងអូលីវ ហើយអនុវត្តការលាបទៅលើទីតាំងមុនដដែល ដោយវានឹងមានប្រសិទ្ធភាពជាងវិធីទី ១ ទៅទៀត។ យ៉ាងណាណែនាំសម្រាប់អ្នកដែលដឹងថាខ្លួនឯងមានស្បែកស្តើង ក៏គួរតែប្រើប្រាស់ឬព្យាបាលតាមវិធីទាំងពីរខាងលើនៅកម្រិតទាបបំផុត ហើយគួរកំណត់ការទទួលទានរបស់ដែលក្តៅ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
