បញ្ឈប់ភ្លាមបើមិនចង់មានគ្រោះថ្នាក់ ការត្រាំបន្លែជាមួយអំបិល មិនអាចកម្ចាត់សារធាតុគីមី និងមេរោគបានទេ
ជាធម្មតាបន្លែដែលបានទិញត្រូវលាងសម្អាតជាច្រើនដងជាមួយទឹកស្អាតហើយបន្ទាប់មកត្រាំជាមួយទឹកអំបិល។ មនុស្សជាច្រើនគិតថា បន្លែដែលបានទិញនៅលើទីផ្សារមិនដឹងថា វាស្អាតនិងកខ្វក់ប៉ុណ្ណា ឬអាចសម្បូរដោយប៉ារ៉ាស៊ីត សំណល់ ថ្នាំសម្លាប់សត្វល្អិត ដូច្នេះ ទើបយកទៅត្រាំក្នុងទឹកអំបិលរយៈពេល ១៥-២០ នាទីទៀត បន្ទាប់ពីលាងសម្អាត។ យ៉ាងណា ស្ត្រីមេផ្ទះភាគច្រើនជឿជាក់ថា អំបិលគឺជាថ្នាំសំលាប់មេរោគធម្មជាតិដ៏មានឥទ្ធិពលដែលអាចជួយកំចាត់ភាពកខ្វក់លើបន្លែ។
យោងតាមសាស្ត្រាចារ្យបណ្ឌិតង្វៀនឌុយថាញ់បាននិយាយថា ការត្រាំបន្លែនិងផ្លែឈើជាមួយទឹកអំបិលអាចរារាំងបាក់តេរីតាមវិធីជាក់លាក់មួយ។ មិនមែនរាល់ពេលដែលអ្នកដាក់បន្លែនៅក្នុងទឹកអំបិល ហើយសារធាតុដែលបង្កគ្រោះថ្នាក់ទាំងអស់នឹងត្រូវយកចេញនោះទេ។ ចំពោះផ្លែឈើនិងបន្លែឬអាហារណាដែលមានជាតិគីមីថ្នាំសំលាប់សត្វល្អិតទឹកអំបិលគ្មានប្រសិទ្ធភាពទេ។
ផ្ទុយទៅវិញការត្រាំក្នុងទឹកអំបិលយូរពេក អាចបណ្តាលឱ្យបន្លែត្រូវកំទេចបាត់បង់គុណភាពនិងបាត់បង់រសជាតិនៅពេលចម្អិន។ វីតាមីននិងជាតិរ៉ែនៅក្នុងបន្លែ ផ្លែឈើដែលត្រាំតាមរបៀបនេះនឹងត្រូវបាត់បង់ជាអចិន្ត្រៃយ៍។ លើសពីនេះ ការត្រាំបន្លែក្នុងទឹកយូរពេកក៏បង្កគ្រោះថ្នាក់ដល់សុខភាពដែរ ហើយមានហានិភ័យខ្ពស់នៃការទទួលបានមកវិញនូវភាពកខ្វក់។
ចំណែក លោកសាស្ត្រាចារ្យបណ្ឌិតត្រាន់ហុងកុង បានមានប្រសាសន៍ថា ការត្រាំបន្លែជាមួយទឹកអំបិលគឺដើម្បីធ្វើឱ្យវាស្អាត ហើយវាក៏គ្រាន់តែជាបទពិសោធន៍ដ៏ប្រជាប្រិយប៉ុណ្ណោះ។ រហូតមកដល់ពេលនេះមិនទាន់មានការស្រាវជ្រាវវិទ្យាសាស្ត្រណាមួយបញ្ជាក់ថា ទឹកអំបិលអាចសម្លាប់មេរោគ បាក់តេរីបានទេ។
រីឯ លោកវេជ្ជបណ្ឌិត Tu Ngu បាននិយាយថាការដាក់ត្រាំបន្លែនិងផ្លែឈើក្នុងទឹកអំបិលដែលមានកំហាប់ខ្ពស់នឹងជួយបង្កើនសម្ពាធ osmotic ធ្វើឱ្យបន្លែនិងផ្លែឈើមានជាតិប្រៃ។ នៅពេលនោះអ្នកនឹងមានជាតិប្រៃច្រើនក្នុងរាងកាយ អាចធ្វើឱ្យប៉ះពាល់ដល់តម្រងនោមបណ្តាលអោយមានជំងឺលើសឈាមនិងជំងឺបេះដូងទៀតផង៕
ប្រភព៖ បរទេស
ព័ត៌មានថ្មីៗ
