សាច់ហូប តែសំបកក្រូចថ្លុងត្រូវទុក ព្រោះអាចផ្តល់ប្រយោជន៍ធំ ២ មិនសូវមានអ្នកដឹង
ក្រូចថ្លុងជាប្រភេទផ្លែឈើដែលមនុស្សជាច្រើន និយមទទួលទាន ព្រោះវាអាចផ្តល់ប្រយោជន៍ជាច្រើនដល់សុខភាពរាងកាយ ហើយវាក៏ងាយរក និងមិនមានតម្លៃថ្លៃនោះដែរ។ យ៉ាងណាក្រោយទទួលទានសាច់ក្រូចថ្លុង តាមអ្នកជំនាញបានណែនាំឲ្យអ្នករាល់គ្នាទុកសំបករបស់វា ហើយច្នៃមកចេញជាប្រយោជន៍ ២ ខាងក្រោម៖
១) ប្រឆាំងក្លិនមាត់មិនល្អ
សារធាតុសំខាន់ៗដូចជាវីតាមីន C ដែលមានជាប់សំបកក្រូចថ្លុង មិនត្រឹមតែត្រូវបានគេប្រើយកទៅលើកសម្រស់ប៉ុណ្ណោះទេ តែវាក៏ជាគ្រឿងផ្សំជួយប្រឆាំងនឹងបញ្ហាក្លិនដង្ហើមមិនល្អផងដែរ។
សូមអ្នកយកសំបកក្រូចថ្លុងស្ងួត រួចយកទៅដាក់ក្នុងទឹកដាំពុះ ហើយលាយវាយជាមួយអំបិល ១ ស្លាបព្រាកាហ្វេ។ រួចយកទឹកនេះ មកខ្ពុលលាងមាត់ ២ ដង/ថ្ងៃ ដើម្បីអាចកម្ចាត់ក្លិនមាត់បានយ៉ាងល្អ។
២) ព្យាបាលទំពែក
អ្នកដែលមានបញ្ហាទំពែកក្បាល អ្នកគួរប្រើសំបកក្រូចថ្លុងស្រស់ យកមកត្រដុសលើសក់ នោះសារធាតុប្រេងដែលមានក្នុងសំបកក្រូចថ្លុងនឹងជួយឲ្យមានការលូតលាស់សក់បានល្អផងដែរ។ ក្នុងលក្ខខណ្ឌសមស្រប សក់នឹងចាប់ផ្តើមដុះមកក្រាស់បន្តិចម្តងៗ ហើយបញ្ចៀសការកើតមានទំពែកនៅពេលក្រោយទៀត៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
