លាភសំណាងរង់ចាំអ្នកហើយ បើលើផ្ទៃមុខ សុខៗចេញសញ្ញាលើកយីអ៊ុនទាំង ៤ នេះ
តាមក្បួននរវិទ្យា បានបង្ហាញថា ប្រសិនលើផ្ទៃមុខរបស់អ្នកមានចេញសញ្ញា ៤ នេះ មានន័យថា ជីវិតរបស់អ្នកគឺកំពុងវិវត្តទៅរកភាពវិជ្ជមាន ត្រៀមនឹងទទួលបានសំណាងជាច្រើននៅពេលអនាគត៖
៤) ការផ្លាស់ប្តូរទម្រង់មុខ
មុខមូល ត្រចៀកឡើងធំនិងក្រាស់ វាជាសញ្ញានៃសំណាងនៅពេលអនាគត ដែលត្រៀមនឹងចូលមកដល់។ នៅពេលអ្នកចាប់អារម្មណ៍សភាពទម្រង់មុខខ្លួនឯង ហាក់ឡើងសាច់ពេញជាងមុន និងត្រចៀកហាក់រីកធំ នោះគឺជាសញ្ញា ជាប្រផ្នូលល្អសម្រាប់អាជីពការងារ និងទំនាក់ទំនងស្នេហា។
៣) មុខឡើងពណ៌ផ្កាឈូក
មុខក្រហមភ្លឺចែងចាំង ដូចពេជ្រភ្លឺចិញ្ចាច។ វាជាសញ្ញាល្អ ការដែលអ្នកសុខៗសភាពផ្ទៃមុខប្រែមកជាពណ៌ស៊ីជម្ពូ ឬបែកក្រហម ដែលបង្ហាញពីលាភសំណាងរបស់អ្នកនៅពេលខាងមុខ ហើយក៏ជាភាពរុងរឿងដ៏ល្អមួយផងដែរ។
២) ច្រមុះឡើងក្រហម
ចុងច្រមុះឡើងបែកពណ៌ស៊ីជម្ពូ ស្លាបសងខាងបើកធំទូលាយ ដូចជាទ្វារនៃទ្រព្យបើកដូច្នោះដែរ។ ប្រសិនបើចុងច្រមុះប្រែទៅជាស្រអាប់ វាគឺជាសញ្ញាមិនល្អនោះទេ។
១) ចន្លោះចិញ្ចើមចូលផ្គុំគ្នា
នៅចង្អូរតាមចន្លោះចិញ្ចឹមទាំងសងខាង បើវាចូលមកជួបគ្នា ប្រៀបដូចជាសំណាងតែមួយ ដែលជាផ្លូវនាំអ្នកទៅជួបមាសជួបប្រាក់នៅពេលខាងមុខ។ ជាងនេះបើចំណុចប្រសព្វពាក់កណ្តាលថ្ងាសនោះ ប្រែមកពណ៌បែកលឿង ឬពណ៌ស្វាយ វាក៏ជាសញ្ញាល្អផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
