កុំបាច់ឆ្ងល់ថា ហេតុអីបានជាខួរក្បាលអ្នកខ្សោយការចងចាំ បើអ្នកនៅតែបន្តញាំក្រុមអាហារបែបនេះ
ខួរក្បាលជាបណ្ដុំនៃសិរីរាង្គមួយដែលមានសារៈសំខាន់ណាស់ ដើម្បីបញ្ជាព័ត៌មានពីកន្លែមួយទៅកន្លែងមួយផ្សេងទៀត។ ជាការល្អ ប្រសិនបើអ្នកចង់មានគំនិតច្បាស់លាស់និងជៀសឆ្ងាយពីជំងឺខួរក្បាលឲ្យកាន់តែប្រសើរ ដាច់ខាតអ្នកមិនគួរទទួលទានក្រុមអាហារខាងក្រោមនេះទេ។
អាហារចៀន
អាហារចៀនមិនត្រឹមតែធ្វើឱ្យអ្នកឡើងទម្ងន់និងធាត់ទេ តែថែមទាំងធ្វើឱ្យប៉ះពាល់ដល់ខួរក្បាលទៀតផង។ ការសិក្សាមួយដែលត្រូវបានបោះពុម្ពផ្សាយនៅឆ្នាំ ២០១៦ នៅក្នុងទិនានុប្បវត្តិវិទ្យាសាស្ត្រអាហារូបត្ថម្ភបានរកឃើញថា មនុស្សដែលញ៉ាំអាហារចៀនច្រើនទទួលបានពិន្ទុមិនល្អលើការធ្វើតេស្ត ការរៀន ការចងចាំនិងមុខងារខួរក្បាល។ ផ្ទុយទៅវិញអ្នកដែលញ៉ាំអាហារដែលមានមូលដ្ឋានលើរុក្ខជាតិច្រើនទទួលបានពិន្ទុខ្ពស់។
ភេសជ្ជៈផ្អែម
ភេសជ្ជៈផ្អែមមិនបានជួយឲ្យអ្នកមានសុខភាពល្អទេ ព្រោះវាមានជាតិស្ករខ្ពស់ដែលអាចបណ្តាលឱ្យខូចសរសៃប្រសាទ។ ការសិក្សាមួយដែលត្រូវបានបោះពុម្ពផ្សាយក្នុងឆ្នាំ ២០១៧ នៅក្នុងទស្សនាវដ្តីអាល់ហ្សៃមឺរឌីមេនឌៀ បានរកឃើញថា មនុស្សដែលទទួលទានភេសជ្ជៈមានជាតិស្ករជាប្រចាំ ទំនងជាមានការចងចាំខ្សោយ បរិមាណខួរក្បាលសរុបតូចជាងមុននិងត្រគាកតូចជាង។
ម្សៅចម្រាញ់
ការសិក្សាមួយដែលត្រូវបានបោះពុម្ពផ្សាយក្នុងឆ្នាំ ២០១៥ នៅក្នុងទស្សនាវដ្តីអាមេរិចនៃគ្លីនិកអាហារូបត្ថម្ភ បានរកឃើញថា អាហារដែលមានសន្ទស្សន៍គ្លីសេមិកខ្ពស់អាចបង្កើនហានិភ័យនៃជំងឺធ្លាក់ទឹកចិត្តជាពិសេសចំពោះស្ត្រីក្រោយអស់រដូវ។ ប៉ុន្តែ ចំពោះស្ត្រីដែលទទួលទានជាតិ lactose ជាតិសរសៃ ផ្លែឈើ និងបន្លែច្រើនមានការថយចុះគួរឱ្យកត់សម្គាល់នូវរោគសញ្ញាជំងឺបាក់ទឹកចិត្ត។
អាហាររហ័ស
ការស្រាវជ្រាវដែលត្រូវបានបោះពុម្ពផ្សាយក្នុងឆ្នាំ ២០១៦ នៅក្នុងទិនានុប្បវត្តិលើសឈាម បានរកឃើញថា អាហាររហ័សមានជាតិសូដ្យូមខ្ពស់អាចនាំឱ្យសម្ពាធឈាមឡើងខ្ពស់ រារាំងលំហូរឈាមទៅកាន់ខួរក្បាល និងធ្វើឱ្យខូចការផ្តោតអារម្មណ៍ជំនាញរៀបចំនិងការចងចាំ៕
ប្រភព៖ បរទេស
ព័ត៌មានថ្មីៗ
