តំណម ៥ មានតាំងពីបុរាណ នៅថ្ងៃសែនព្រះខែ ដែលគ្រប់គ្នាមិនអាចប្រមាថដាច់ខាត
ថ្ងៃទី ២១ កញ្ញា ឆ្នាំ ២០២១ គឺចំថ្ងៃសែនព្រះខែ ដែលតាមដំណាលចាស់ពីបុរាណតែងតែនិយាយថា ថ្ងៃនោះគឺជាថ្ងៃព្រះចន្ទពេញវង់ ភ្លឺជាងថ្ងៃណាៗទាំងអស់។ យ៉ាងណាវាក៏ជាថ្ងៃដែលអាចនាំសំណាងល្អដល់យើង ហើយក៏អាចនាំសំណាងអាក្រក់ដល់យើងបានដូចគ្នា ប្រសិនយើងដើរខុសតំណម ៥ ខាងក្រោម៖
៥) មនុស្សដែលឈឺនិងខ្សោយមិនត្រូវចេញក្រៅទេ
នៅថ្ងៃសែនព្រះខែ តាមតំណមគេមិនអនុញ្ញាតឲ្យមនុស្សមានរាងកាយទន់ខ្សោយ មនុស្សមានជំងឺដើរចេញទៅខាងក្រៅផ្ទះនៅពេលយប់ទេ ព្រោះវាអាចនាំឲ្យពួកគេជួបសំណាងអាក្រក់ អាចបាត់បង់លុយកាក់។
ជារួមគឺមិនត្រូវទៅអបអរជាមួយគេនៅខាងក្រៅ ឬនៅកម្មវិធីណាក្រៅផ្ទះឡើយ ល្អបំផុតគួរនៅក្នុងផ្ទះជួបជុំសមាជិកគ្រួសារ។
៤) កុំស្លៀកពាក់ពណ៌ងងឹត
នៅថ្ងៃសែនព្រះខែ គេហាមផ្តាច់មិនឲ្យស្លៀកពាក់ពណ៌ងងឹតទេ ព្រោះពណ៌ងងឹតឬពណ៌ខ្មៅ តំណាងឲ្យសំណាងអាក្រក់។ ពណ៌ដែលគេពេញនិយមនៅថ្ងៃនោះ គឺពណ៌ក្រហម ដែលនាំលាភខ្ពស់បំផុត។
៣) កុំឲ្យសក់គ្របលើថ្ងាស
ក្បួនហុងស៊ុយ ថ្ងាសជាបង្អួចបើកនាំលាភ ដូច្នេះបើមានសក់បិទបាំងជិតថ្ងាស ក៏នឹងនាំឲ្យអ្នកមិនអាចទទួលបានលាភសំណាងច្រើនឡើយនៅថ្ងៃសែនព្រះខែ។
ដូច្នេះចូលចូកសល់ទៅលើ ឬវែកមកចំហៀងកុំឲ្យបាំងថ្ងាស ដើម្បីជាក្បួនស្រូបយកថាមពលវិជ្ជមាន និងស្រូបយកសំណាងល្អចូលច្រើនៗមកក្នុងជីវិតរបស់អ្នក។
២) ចំណាំអំពីរបស់ដែលត្រូវសែន
នៅលើថាស ដែលរៀបនំនែក ផ្លែឈើ ដែលត្រូវសែន គឺត្រូវប្រាកដថាមានរបៀបរៀបរយ មើលទៅស្អាត ដើម្បីទទួលបានពរជ័យពេញលេញ។ បន្ថែមពីនេះ ត្រូវដាក់ថាសនោះចង្អុលទៅទិសនៃព្រះចន្ទពេញវង់។
១) ស្រ្តីដែលទើបសម្រាលកូនរួចមិនគួរចេញក្រៅពេលយប់ទេ
អ្នកដែលទើបសម្រាលកូនថ្មីថ្មោង មិនគួរចេញទៅខាងក្រៅនៅពេលយប់ទេ មិនថាជាសកម្មភាពបែបណាក៏ដោយ។ ព្រោះនៅពេលនោះ អាចធ្វើឲ្យប្តីប្រពន្ធមានអារម្មណ៍មិនល្អលើគ្នា បែកបាក់គ្នាក៏ថាបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
