ស្រ្តីគួរប្រើអាថ៌កំបាំង ៥ យ៉ាងនេះ ដើម្បីធ្វើឱ្យទំនាក់ទំនងរវាងស្វាមីនិងភរិយាមានភាពស្និទ្ធស្នាលដូចកាលនៅវ័យក្មេងៗ
នៅក្នុងជីវិតអាពាហ៍ពិពាហ៍សព្វថ្ងៃនេះ មិនថា អ្នកជានរណាមកពីណា តែងតែធ្វើឲ្យមានកំហុសជានិច្ចក្នុងគ្រួសារ គ្រាន់តែកំហុសខ្លះអាចលើកលែងបាន ឯមួយផ្នែកទៀតមិនអាចលើកលែងបាន។ ដូច្នេះដើម្បីឲ្យគ្រួសាររស់នៅមានភាពចុះសម្រុងគ្នា ស្រ្តីទោះបីជាអ្នកខឹងប៉ុណ្ណាក៏ដោយ ក៏ត្រូវចងចាំរឿង ៥ យ៉ាងនេះ។
អារម្មណ៍ធម្មតា
ប្ដីនិងប្រពន្ធគួរចំណាយពេលនិយាយគ្នាបន្ថែមទៀតដើម្បីស្វែងយល់ពីគ្នាកាន់តែច្បាស់។ ស្ត្រីជាច្រើនតែងបង្ហើបថា ពួកគេមានជីវិតអាពាហ៍ពិពាហ៍ដែលមានស្ថិរភាពព្រោះទាំងប្តីនិងប្រពន្ធតែងតែចំណាយពេលច្រើននិយាយនិងផ្លាស់ប្តូរគ្នាទៅវិញទៅមក។ យ៉ាងណាក្ដី ទម្លាប់ទាំងនេះក៏អាចជួយឱ្យអ្នកទាំងពីរបំបាត់ភាពតានតឹងក្នុងជីវិតនឹងកាន់តែជិតស្និទ្ធជាមួយគ្នាទៀតផង។
ដំណោះស្រាយដ៏ឆ្លាតពេលមានជម្លោះ
គូស្វាមីភរិយាដែលមានសុភមង្គលតែងតែដឹងពីរបៀបប្រយុទ្ធដើម្បីមតិផ្ទាល់ខ្លួន ហើយដឹងពីរបៀបប្រយុទ្ធយ៉ាងប៉ិនប្រសប់ ដោយមិនបំផ្លាញវាទេ។ នៅពេលឈ្លោះប្រកែកគ្នា សូមកុំប្រើភាសាដែលធ្វើឱ្យឈឺចាប់។ ស្ត្រីដែលមានគំនិតដ៏ឈ្លាសវៃបែបនេះស្វាមីលង់ស្នេហ៍ងើបមុខមិនរួចទេ។
អត់ឱន
ស្ត្រីទាំងឡាយសូមអភ័យទោសរាល់ពេលដែលខ្លួនធ្វើអ្វីខុសចំពោះប្តី។ ទោះជាយ៉ាងណា ភាគីទាំងពីរត្រូវធ្វើការជាមួយគ្នាដើម្បីឆ្ពោះទៅរកការអភ័យទោសជាជាងព្យាយាមរកឱ្យឃើញថាអ្នកណាមានកំហុសហើយបន្ទាប់មកធ្វើទុក្ខទោសគ្នាទៅវិញទៅមក។
គំនិតវិជ្ជមានអំពីគ្នាទៅវិញទៅមក
ស្នេហាដែលមានសុភមង្គលតែងតែត្រូវការការកសាងមូលដ្ឋានគ្រឹះនៃការគោរពសេចក្តីស្រឡាញ់និងការអាណិតអាសូរដល់គ្នាទៅវិញទៅមក។ ប្តីនិងប្រពន្ធអាចឈ្លោះប្រកែកគ្នាពេលខ្លះស្តីបន្ទោសគ្នាទៅវិញទៅមកប៉ុន្តែកុំភ្លេចមើលពីចំណុចល្អរបស់គ្នាទៅវិញទៅមកផងដែរ។
រៀនពីគ្នា
នៅពេលឈានចូលវ័យកណ្តាលគូស្វាមីភរិយាជាច្រើននឹងត្រូវប្រឈមមុខនឹងសុខភាពផ្លូវកាយនិងផ្លូវចិត្ត។ សូមចងចាំថាមនុស្សគ្រប់វ័យត្រូវរៀនមានចំណេះដឹងនិងដឹងពីរបៀបធ្វើឱ្យអារម្មណ៍មានតុល្យភាព។ ពេលខ្លះស្ត្រីនឹងយល់ថាអាពាហ៍ពិពាហ៍នេះគួរឱ្យធុញទ្រាន់ខ្លួនឯង ធុញទ្រាន់ដៃគូ៕
ប្រភព៖ បរទេស
ព័ត៌មានថ្មីៗ
