មិនត្រឹមតែឆ្ងាញ់ទេ ថែមទាំងជួយដុតបំផ្លាញជាតិខ្លាញ់យ៉ាងល្អ សូមកុំព្រងើយកន្តើយឲ្យសោះ ចំពោះអ្នកចង់សម្រកទម្ងន់បានឆាប់
សម្រាប់អ្នកចង់សម្រកទម្ងន់ ខាងក្រោមនេះជាប្រភេទអាហារអាចជួយដុតបំផ្លាញខ្លាញ់លើសបានយ៉ាងល្អ ដែលអ្នកគួរតែបន្ថែមទៅក្នុងបញ្ជីមុខម្ហូបរបស់អ្នកជារៀងរាល់ថ្ងៃ។
ផ្លែឈើក្រហម
យោងតាមអ្នកជំនាញអាហារូបត្ថម្ភបង្ហាញថា ផ្លែឈើក្រហម ដូចជា ផ្លែប៉ោម ឡឹកផ្លែស្ត្របឺរី ពិតជាល្អបំផុតសម្រាប់ការសម្រកទម្ងន់។ ផ្លែឈើក្រហមមានសារធាតុចិញ្ចឹមដូចជា សារជាតិ flavonoids និងជាពិសេសសារធាតុ anthocyanins សមាសធាតុដែលផ្តល់ឱ្យផ្លែឈើនូវពណ៌ក្រហមរបស់វាជួយរារាំងសកម្មភាពរបស់ហ្សែនផ្ទុកជាតិខ្លាញ់។
ការស្រាវជ្រាវដែលធ្វើឡើងនៅសាកលវិទ្យាល័យវេស្ទើនអូស្រ្តាលីបានបង្ហាញថា ផ្លែប៉ោមមានផ្ទុកសារជាតិ flavonoids និងសារធាតុប្រឆាំងអុកស៊ីតកម្មខ្ពស់បំផុតជួយធ្វើឱ្យរាងកាយពោរពេញដោយថាមពល។ លើសពីនេះផ្លែឈើក្រហមក៏ល្អចំពោះបេះដូង ការពារជំងឺដាច់សរសៃឈាមខួរក្បាលបានយ៉ាងល្អ។
កាហ្វេខ្មៅ
មានការសិក្សាជាច្រើនបង្ហាញថា ការផឹកកាហ្វេអាចជួយសម្រកទម្ងន់និងកាត់បន្ថយជាតិខ្លាញ់ក្នុងរាងកាយ។ តាមពិតការផឹកកាហ្វេ ៤ ពែងក្នុងមួយថ្ងៃអាចកាត់បន្ថយជាតិខ្លាញ់ក្នុងរាងកាយបានប្រហែល ៤%។ កាហ្វេខ្មៅមួយពែងមានកាឡូរីស្ទើរសូន្យ។ ទន្ទឹមនឹងនេះកាហ្វេមួយកែវដែលមានក្រែមនិងស្ករមានត្រឹមតែ ៨០ កាឡូរីប៉ុណ្ណោះ។ ថ្វីត្បិតតែកាហ្វេអាចជួយសម្រកទម្ងន់បានក៏ពិតមែន ប៉ុន្តែអ្នកមិនគួរពិសារវាច្រើនពេកទេក្រែងវាប៉ះពាល់ដល់សុខភាព។
ជាធម្មតាញ៉ាំបន្លែឆៅ
ប្រសិនបើអ្នកចង់សម្រកទម្ងន់អ្នកគួរតែបំពេញបន្ថែមរាងកាយរបស់អ្នកជាមួយសែលុយឡូសក្នុងបរិមាណច្រើនដែលមនុស្សស្រកទម្ងន់ត្រូវការ។ ក្នុងនោះបរិមាណសែលុយឡូសនៅក្នុងបន្លែសាឡាត់ គឺមានកម្រិតខ្ពស់ជាងបន្លែដទៃទៀត។ នៅខណៈពេលអ្នកញ៉ាំវាចូលទៅក្នុងរាងកាយ ពួកគេនឹងកំណត់ការបង្កើត និងបំផ្លាញជាតិខ្លាញ់យ៉ាងឆាប់រហ័ស។ ប៉ុន្តែសម្រាប់អ្នកដែលញ៉ាំសាច់ជាប្រចាំ មាតិកាសែលុយឡូសនៅក្នុងបន្លែឆៅនេះមានប្រយោជន៍ខ្លាំងណាស់ក្នុងការជួយបំពេញជាតិសរសៃសម្រាប់រាងកាយ៕
ប្រភព៖ បរទេស
ដោយ៖ សុភាព
ព័ត៌មានថ្មីៗ
