ឆ្នាំក្រោយ ២០២២ បើកភ្នែកលុយចូលពិតៗ បើក្នុងផ្ទះអ្នក មានសមាជិកកើតឆ្នាំទាំង ៤ នេះ
តាមហោរាសាស្រ្តបានទស្សន៍ទាយនៅជោគជតារាសីសម្រាប់អ្នកកើតឆ្នាំទាំង ៤ ដែលអាចនឹងមានរាសីឡើងខ្ពស់ត្រដែត នៅឆ្នាំក្រោយ ២០២២៖
អ្នកកើតឆ្នាំវក (ស្វា)
ឆ្នាំវក ក៏ស្ថិតក្នុងមហាឆ្នាំទាំង ៤ ដែលមានលាភសំណាងខ្ពស់នៅឆ្នាំក្រោយ ២០២២ ផងដែរ ដោយពួកគេនឹងអាចបង្កើតជោគជ័យជាដុំកំភួនក្នុងអាជីពការងារ ការរកស៊ី ពោលនាំចំណូលចូលផ្ទះបានច្រើនជាងឆ្នាំ ២០២១ នេះ។
ទៅមើលទំនាក់ទំនងស្នេហា អ្នកកើតឆ្នាំវក ក៏នឹងមិនចាំបាច់ខ្វល់ខ្វាយច្រើនដែរ ទោះបើជីវិតនៅលាវ ទៅណាក៏មានគេគោរពស្រលាញ់ ពោលអ្នកមិននៅតែឯងឡើយ។ យ៉ាងណាក៏នឹងមានពេលវេលាដែលអ្នកអាចជួបគូពិតនៅពេលខាងមុខ ដោយអ្នកអាចមានឱកាស មានពេលស្វែងយល់ចិត្ត មុនដុះពន្លកក្លាយជាស្នេហាពោរពេញដោយសុភមង្គល។
អ្នកកើតឆ្នាំរកា (មាន់)
អ្នកកើតឆ្នាំរកា នៅឆ្នាំ ២០២១ មិនសូវមានលាភសំណាងឡើយ ពោលច្រើនតែរាសីស្រុតចុះដាក់ខែ។ យ៉ាងណានៅឆ្នាំក្រោយ ២០២២ សំណាងនិងសុភមង្គលពេញលេញ បានវិលចូលមកក្នុងជីវិតអ្នកហើយ ពោលនឹងបង្កើតរឿងភ្ញាក់ផ្អើលល្អៗជាច្រើន។
អ្នកជាមនុស្សដែលមើលឃើញធំ ហ៊ានដាក់ទុនធំ ដូច្នេះយល់ល្អឆ្នាំនេះ កុំទាន់ធ្វើអី ចាំចូលដល់ឆ្នាំក្រោយសឹមគិតគូរ ព្រោះជាឆ្នាំនាំលាភខ្ពស់ សម្រាប់អ្នកកើតឆ្នាំរកា ដែលនឹងមិនងាយបណ្តាលឲ្យពួកគេខាតបង់ឡើយ។
អ្នកកើតឆ្នាំថោះ (ទន្សាយ)
មនុស្សជាច្រើនដែលកើតឆ្នាំថោះ តែងតែមានចរិតស្លូតបូត ហើយពេញចិត្តនឹងការរស់នៅក្នុងជីវិតបែបសាមញ្ញ។ ចូលមកដល់ឆ្នាំ ២០២២ ខាងមុខ ជាពិសេសនៅពាក់កណ្តាលឆ្នាំ អ្នកនឹងវិលចូលវេលាធ្លាក់មកនូវផ្កាយលើកយីអ៊ុន ដែលផ្កាយឬតារានេះ នឹងនាំលាភសម្រាប់អ្នកទាំងផ្នែកទ្រព្យ និងផ្នែកស្នេហ៍។
អ្នកកើតឆ្នាំទន្សាយ នឹងមានលាភសំណាងក្នុងអាជីពការងារ ការរកស៊ី ហើយចុះសម្រុងជាមួយដៃគូសហការទាំងឡាយ។ លើសពីនេះការប្រកួតប្រជែង ក៏អ្នកមានប្រៀបជាងគូប្រជែងដទៃ តែនេះវាគួបផ្សំអ្នកបានខិតខំពីដើមផងទេ។ ទៅមើលទំនាក់ទំនងស្នេហាបន្តិច សុភមង្គលនឹងកើតមានពេញលេញជាងឆ្នាំ ២០២១ នេះ ហើយបើអ្នកមិនទាន់មានគូ ក៏អាចនឹងដល់គូនាពេលខាងមុខផងដែរ។
អ្នកកើតឆ្នាំមមី (សេះ)
ថ្វីដ្បិតតែពួកគេ មិនមានគុណសម្បត្តិក្នុងអាជីពការងារ ឬការរកស៊ី តែមនុស្សនេះនឹងមានសំណាង ពេលបានជួបគូជីវិត ដែលលើករាសីរបស់ពួកគេ។
តាមហោរាសាស្រ្តចារមកថា មនុស្សនេះមិនខំខ្លាំង ក៏មានដែរ និយាយទៅប្រភពលុយរបស់អ្នកកើតឆ្នាំមមី រមែងពុំបានកើតឡើងដោយការខិតខំទាំងស្រុង ឬការហ៊ានវិនិយោគរបស់ខ្លួនឯងទេ ផ្ទុយទៅវិញច្រើនតែសល់ពីកេរមរតកនៃសាច់ញាតិ ឬការយឹតយោងពីស្វាមី ភរិយារបស់គេនៅពេលខាងមុខ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
