រាល់ព្រឹកងើបមកឃើញសញ្ញា ៣ លើមុខ អ្នកប្រៀបដូចមានព្រះតាមថែរក្សាជួយឲ្យមានបានឆាប់ៗ
ប្រសិនសុខៗអ្នកក្រោកមកសង្កេតឃើញសញ្ញាគួរឲ្យចាប់អារម្មណ៍ ៣ នៅលើមុខ នោះជាសញ្ញាល្អ ដែលតាមក្បួនគេចារមកថា អ្នកជាមនុស្សកំពុងមានព្រះ មានវត្ថុសក្ដិសិទ្ធិតាមជួយថែរក្សា និងជួយឲ្យមានបានឆាប់ៗ៖
៣) ថ្ងាសភ្លឺចែងចាំង
ប្រសិនសុខៗអ្នកសង្កេតឃើញថា ផ្ទៃថ្ងាសរបស់អ្នកភ្លឺស្រស់ស្អាត និងរាបស្មើ នេះគឺជាសញ្ញាថាពេលឆាប់ៗនេះ ជីវិតរបស់អ្នកនឹងស្រណុកសុខស្រួល មិនមានកង្វល់អ្វីនោះទេ។ កំឡុងពេលខាងមុខដដែលនេះ អ្នកប្រហែលជាជួបមនុស្សដែលពាំនាំប្រយោជន៍មកដល់អ្នក ជាទ្រព្យជាប្រាក់ច្រើនខុសពីពេលមុន។
ផ្ទុយទៅវិញ បើងើបមកឃើញតែថ្ងាសរបស់ខ្លួនឯងខ្មៅស្រអាប់ មិនភ្លឺចែងចាំង នោះក្រៅពីក្បួនហុងស៊ុយធ្លាក់ចុះហើយ ជំងឺក្នុងរាងកាយក៏អាចជានឹងមានថែមទៀត។
២) ភ្នែកភ្លឺ
ចាស់ពីបុរាណតែងដំណាលថា ភ្នែកគឺជាបង្អួចនៃដួងព្រលឹង ហើយភ្នែកភ្លឺច្បាស់ ចែងចាំងមកខាងក្រៅ វាគឺជាមន្តស្នេហ៍អូសទាញសំណាង អូសទាញទ្រព្យ។
ផ្ទុយមកវិញ បើភ្នែកស្រវាំង ខ្វះភាពរឹងមាំ បើកភ្នែកមិនចង់រួច នោះពោរពេញដោយភាពបរាជ័យក្នុងជីវិត។
១) ច្រមុះមានពណ៌ក្រហម
ច្រមុះ តាមក្បួនគេសម្គាល់មើលដល់ការផ្សារភ្ជាប់ទៅផ្នែកទ្រព្យសម្បត្តិ និងលុយកាក់ក្នុងជីវិតមនុស្ស។ ប្រសិនចុងច្រមុះសុខៗរំលេចទៅជាពណ៌ខ្មៅ មុខក៏អាប់អួ នោះវាអាចថា ពេលខាងមុខជីវិតអ្នកនឹងជួបឧបសគ្គច្រើន ឬក៏ទើបតែឆ្លងកាត់ការលំបាកណាមួយ។
ផ្ទុយមកវិញបើចុងច្រមុះឡើងពណ៌ក្រហម បែកស៊ីជម្ពូ ប្រាកដណាស់នាពេលដ៏ខ្លីខាងមុខ អ្នកនឹងទទួលបានលាភសំណាងច្រើន ដូច្នេះបើពេលជួប សុំចាប់យកឱកាសនោះឲ្យបានល្អហើយ ដើម្បីបង្កើតទ្រព្យតកូនតចៅ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
