ប្រយ័ត្នគ្រោះថ្នាក់ដល់ជីវិត! មុននឹងសម្រេចចាក់សាក់ អ្នកត្រូវដឹងពីហានិភ័យទាំងអស់នេះសិន
សព្វថ្ងៃការចាក់សាក់ជាប្រពៃណីដ៏ពេញនិយមមួយរបស់យុវជនជាច្រើន មិនត្រឹមតែមានភាពទាក់ទាញផ្នែកខាងក្រៅ តែវាជាគ្រឿងលម្អម្យ៉ាង ដែលមនុស្សម្នាក់ៗមានចំណូលចិត្តផ្សេងៗ គ្នា ប៉ុន្តែគ្រប់គ្នាប្រហែលជាមិនដឹងថា ការចាក់សាក់ក៏នាំមកនូវផលអាក្រក់ជាច្រើនដល់រាងកាយផងដែរ។ ខាងក្រោមនេះ ជាចំណុចប៉ះពាល់មួយចំនួន ដែលបង្កទៅជាជំងឺកាចសាហាវជាច្រើន៖
បង្កឱ្យមានផលវិបាកសុខភាពដែលមិនអាចទាយទុកជាមុនបាន
ការចាក់សាក់ប៉ះពាល់យ៉ាងធ្ងន់ធ្ងរដល់ប្រព័ន្ធភាពស៊ាំនិងបង្កឱ្យមានផលវិបាកសុខភាពដែលមិនអាចទាយទុកជាមុនបាន។ ការសិក្សាមួយនៅប្រទេសអូស្រ្តាលីបានបង្ហាញថា ទឹកថ្នាំសាក់ ២០% មានផ្ទុកសារជាតិបង្កមហារីក នៅក្នុងសមាសភាពនៃពណ៌ទឹកថ្នាំដែលពេញនិយមបំផុតនាពេលបច្ចុប្បន្ននេះគឺមានទឹកខ្មៅរហូតដល់ ៨៣% គឺជាសារជាតិបង្កមហារីកធ្ងន់ធ្ងរ។
ប្រតិកម្មដែលអាចកើតមានបន្ទាប់ពីការចាក់សាក់
ប្រសិនបើអ្នកចាក់សាក់នៅកន្លែងដែលមិនមានសណ្តាប់ធ្នាប់ឬស្បែករបស់អ្នកងាយរលាកនោះកន្ទួលនៅតំបន់ដែលសាក់គឺអាចជៀសមិនរួចឡើយ។ បន្ទាប់មកនៅពេលដែលអ្នកជំងឺនឹងមានគ្រុនក្តៅញាក់ ដាច់ខាតត្រូវការព្យាបាលការឆ្លងមេរោគដោយថ្នាំអង់ទីប៊ីយោទិចឬការវះកាត់ដែលថ្លៃខ្លាំងនិងប៉ះពាល់ដល់សុខភាពក្នុងរយៈពេលវែង។
បង្កើនហានិភ័យនៃការឆ្លងមេរោគ
ការស្រាវជ្រាវវិទ្យាសាស្ត្រជាច្រើនបង្ហាញថា ការសាក់អាចបណ្តាលឱ្យមានការឆ្លងមេរោគបាក់តេរី Streptococcus pyogenes ។ នេះគឺជាបាក់តេរីដែលនាំឱ្យមានជំងឺគ្រុនក្តៅ គ្រុនក្រហមនិងការឆ្លងមេរោគក្នុងឈាម។ អ្វីដែលអាក្រក់ជាងនេះទៅទៀតអ្នកអាចប្រឈមមុខនឹងរោគសញ្ញាពុលដ៏កម្រដែលអាចបណ្តាលឱ្យស្លាប់បាន។
ប៉ះពាល់ដល់ក្រពេញញើស
នៅលើស្បែកបន្ទាប់ពីសាក់រួចញើសមានតិចជាងធម្មតាប្រហែល ៥០% ដូច្នេះតំបន់សាក់ធំជាងនេះវាមានផលប៉ះពាល់ធ្ងន់ធ្ងរដល់ក្រពេញញើស។គ្រូពេទ្យជំនាញខាងសើស្បែកនិយាយថា ជាតិសូដ្យូមច្រើនមាននៅក្នុងញើសនៅពេលវាត្រូវបានបញ្ចេញចេញពីស្បែកសាក់។ លើសពីនេះការចាក់សាក់រារាំងស្បែកពីការស្រូបយកជាតិសូដ្យូមនិងអេឡិចត្រូលីតដែលបញ្ចេញក្នុងពេលបែកញើស ដូច្នេះអ្នកត្រូវកំណត់ចំណុចនេះមុននឹងសម្រេចចិត្តចាក់សាក់៕
ប្រភព៖ បរទេស
ដោយ៖ សុភាព
ព័ត៌មានថ្មីៗ
