អ្នកកើតក្នុងឆ្នាំទាំង៣នេះ ជាមនុស្សដែលមានសមត្ថភាពខ្ពស់ ឆ្លាតវៃ វិនិយោគលើអ្វី ក៏ជោគជ័យដែរ
ក្នុងចំណោមឆ្នាំទាំង ១២ មានឆ្នាំ៣ ដែលត្រូវបានគេដឹងថា ជាមនុស្សដែលឆ្លាតបំផុត រហ័សរហួន ចិត្តធ្ងន់ ហើយមនុស្សទាំងនេះ រមែងងាយនឹងទទួលបានជោគជ័យក្នុងការវិនិយោគ និងអាជីវកម្ម។
១. ឆ្នាំថោះ
មនុស្សដែលកើតក្នុងឆ្នាំថោះ ច្រើនតែមានភាពចរិតស្លូតបូត ពូកែអត់ធ្មត់ និងមានចិត្តល្អ។ នៅក្នុងជីវិតពួកគេមានភាពរួសរាយរាក់ទាក់ ស្រឡាញ់មនុស្សជុំវិញខ្លួន ដឹងពីរបៀបដាក់ខ្លួន និងដឹងទុក្ខធុរៈអ្នកដទៃ។ រស់នៅក្នុងជីវិតដ៏ល្អ មនុស្សដែលកើតក្នុងឆ្នាំនេះនឹងទទួលបានពរជ័យជាច្រើន។ ពួកគេមានមិត្តភក្តិជាច្រើន ត្រូវបានជួយដោយអភិជនជាច្រើន ដូច្នេះពួកគេងាយទទួលបានជោគជ័យយ៉ាងឆាប់រហ័ស។ មិនត្រឹមតែប៉ុណ្ណោះ មនុស្សដែលកើតក្នុងឆ្នាំថោះ គឺយល់ដឹងខ្លាំងចំពោះការវិនិយោគ និងឱកាសអាជីវកម្ម។
ការបង្ហាញផ្លូវដោយអ្នកមានបុណ្យ បូករួមនឹងសំណាងបន្តិចបន្តួច សញ្ញារាសីចក្រនេះវិនិយោគនៅទីណា រមែងទទួលបានផលចំណេញ និងជោគជ័យនៅទីនោះ មិនថាធ្វើកិច្ចការងារអ្វីទេ គេក៏បានសម្រេចដូចការគ្រោងទុក។ ដ្បិតថាពីតូច ពួកគេមានជីវិតលំបាកច្រើនក៏ដោយ ប៉ុន្តែឈានដល់វ័យកណ្តាល ពួកគេក៏មានស្ថិរភាពខាងសេដ្ឋកិច្ច និងមានជីវិតពេញបរិបូរណ៍។
២. ឆ្នាំរោង
មនុស្សដែលកើតក្នុងឆ្នាំរោង គឺជាមនុស្សដែលមានការអត់ធ្មត់ ចរិតសុភាពរាបសារ និងចេះយកចិត្តទុកដាក់ចំពោះអ្នកជុំវិញខ្លួន។ នៅក្នុងក្រសែភ្នែកមនុស្សគ្រប់គ្នា មនុស្សដែលកើតក្នុងឆ្នាំរោង តែងតែជាអ្នកនាំសារនៃសន្តិភាព ភាពស្មោះត្រង់ និងភាពស្និទ្ធស្នាលចំពោះមនុស្សគ្រប់រូប ដូច្នេះពួកគេមានប្រជាប្រិយភាពខ្លាំងណាស់។ ថ្វីដ្បិតតែមានទេពកោសល្យ និងមហិច្ឆតាក៏ដោយ ក៏បុគ្គលនេះក៏រស់នៅតែប្រើជីវិតបែបសាមញ្ញបំផុត។
ពួកគេយកចិត្តទុកដាក់ និងតែងតែកោតសរសើរចំពោះការរួមចំណែករបស់មនុស្សម្នាក់ៗនៅក្នុងគម្រោងអាជីវកម្ម។ ដូច្នេះអ្នករាល់គ្នាមានអារម្មណ៍សុខស្រួល និងមានឆន្ទៈសហការជាមួយមនុស្សដែលកើតក្នុងឆ្នាំរោង។ ក្នុងនាមជាមនុស្សម្នាក់ដែលមានចិត្តអំណត់ អត់ធន់ក្នុងការវិនិយោគ និងធ្វើអាជីវកម្ម មនុស្សដែលកើតក្នុងឆ្នាំនេះនឹងធ្វើបានជោគជ័យគ្រប់យ៉ាង ហើយផ្លូវឆ្ពោះទៅរកភាពល្បីល្បាញ និងសំណាងតែងតែមានភាពរលូនពេញមួយជីវិត។
៣. ឆ្នាំច
អ្នកដែលកើតក្នុងឆ្នាំច ត្រូវបានគេស្គាល់ថាជាមនុស្សដែលមានភាពអត់ធ្មត់ខ្ពស់ និងមានលក្ខណៈសមរម្យ ចិត្តទូលាយ។ ពួកគេមានឆន្ទៈធ្វើការជាមួយមនុស្សជុំវិញខ្លួន និងជាការបំផុសគំនិតដើម្បីដឹកនាំក្រុមឆ្ពោះទៅមុខផងដែរ។ ជំនួសឱ្យការមើលងាយអ្នកដទៃ មនុស្សដែលកើតឆ្នាំនេះ បានបញ្ចុះបញ្ចូលពួកគេដោយគុណសម្បត្តិល្អៗ និងឆន្ទៈក្នុងការជួយអ្នកដទៃ។ ហេតុនេះហើយបានជាពួកគេសន្សំគុណធម៌ដោយមើលមិនឃើញពីចំណុចអវិជ្ជមានឡើយ ដូច្នេះពួកគេទទួលបានពរជ័យទាំងក្នុងការងារ និងជីវិត។
នៅក្នុងការងារ បុគ្គលនេះគឺជាវិនិយោគិនដែលមានទេពកោសល្យ មានភ្នែកមុតស្រួច អាចមើលឃើញបានវែងឆ្ងាយ ដូច្នេះនៅពេលធ្វើការសម្រេចចិត្ត វានឹងពិបាកក្នុងការធ្វើឱ្យមានកំហុស។ ក្នុងនាមជាអ្នកជំនួញដ៏ល្អ មនុស្សដែលកើតក្នុងឆ្នាំចអាចរកលុយបានច្រើន ជីវិតនៅពេលក្រោយរៀបការ កាន់តែមានសុភមង្គល មានទ្រព្យសម្បត្តិ និងមានវិបុលភាពធំធេង៕
ប្រភព ៖ Emdep / Knongsrok
ព័ត៌មានថ្មីៗ
