ហោរាសាស្រ្តខែកញ្ញា៖ អ្នកកើតឆ្នាំ ៣ ត្រូវប្រយ័ត្នសម្តី ហើយជៀសឲ្យបានការដាក់ទុនធំ
តាមហោរាសាស្រ្តប្រចាំខែកញ្ញានេះ បង្ហាញថាអ្នកកើតឆ្នាំទាំង ៣ ខាងក្រោម នឹងមិនសូវមានសំណាងនោះទេ ហើយត្រូវតែប្រយ័ត្នប្រយែងខ្ពស់នៅគ្រប់ជ្រុង គ្រប់រឿងទាំងអស់ក្នុងជីវិត៖
អ្នកកើតឆ្នាំឆ្កែ (ច)
សម្រាប់អ្នកដែលកើតឆ្នាំឆ្កែ រមែងជាមនុស្សដែលមានភាពឈ្លាសវៃ ប៉ុន្តែពេលខ្លះភាពឈ្លាសវៃរបស់ពួកគេ ក៏បែរជានាំរឿង នាំបញ្ហាដល់ខ្លួនឯងទៅវិញ។ នៅខែកញ្ញានេះ អាចនឹងមានអ្នកនៅកន្លែងការងារ ឬគូប្រជែងការរកស៊ី មានការគិតមិនល្អមកលើយើង ហើយអាចនាំឲ្យកើតទៅជាទំនាស់ឈ្លោះប្រកែកគ្នាណាមួយ។
អ្នកត្រូវតែគ្រប់គ្រងអារម្មណ៍ខ្លួនឯងឲ្យបានល្អ បើរឿងមិនចាំបាច់ ក៏កុំយកខ្លួនទៅបៀតនាំឲ្យក្លាយជារឿងធំអី។ ទាក់ទិននឹងបញ្ហាសុខភាព តាមហោរាសាស្រ្តបានដំណាលថា អ្នកកើតឆ្នាំច មិនចាំបាច់ក៏មិនត្រូវធ្វើដំណើរការផ្លូវឆ្ងាយដែរ ហើយគ្រប់របស់ទទួលទានត្រូវមើលឲ្យបានដិតដល់ផង។
អ្នកកើតឆ្នាំវក (ស្វា)
តាមហោរាសាស្រ្តនៅឆ្នាំ ២០២១ សម្រាប់ខែកញ្ញា អ្នកកើតឆ្នាំវក អាចនឹងជួបគ្រោះមហន្តរាយច្រើនដល់ជីវិត ជាពិសេសអាចប៉ះពាល់ដល់មុខជំនួញ ការងារការរកស៊ី និងកិត្តិយសមុខមាត់របស់អ្នក។ យ៉ាងណាបើអ្នកមានការប្រុងប្រយ័ត្នខ្ពស់ នោះហានិភ័យនៃការជួបរឿងមិនល្អ ក៏ទាបទៅតាមនោះដែរ។
សម្ពាធការអារអាចជាមានច្រើន ហើយប្រសិនអ្នកមិនទាន់មានការងារ ក៏ពិបាកនឹងរកបានការងារល្អធ្វើដែរនៅខែកញ្ញានេះ។ នៅក្នុងរង្វង់ស្នេហា ប្រសិនអ្នកចង់រៀបការគួរតែជៀសនៅខែនេះ ព្រោះអាចបង្កឲ្យមានជម្លោះទាស់ទែងច្រើនជាមួយនឹងដៃគូទៅពេលក្រោយ។ ចូរទ្រាំតែប៉ុន្មានសប្តាហ៍នេះទៅ បន្តចូលដល់ដើមខែក្រោយ សំណាងអាចនឹងចូលមកដល់វិញហើយសម្រាប់អ្នក។
អ្នកកើតឆ្នាំជូត (កណ្តុរ)
នៅខែកញ្ញានេះ មនុស្សដែលកើតឆ្នាំជូត ជាឆ្នាំដែលមានរាសីស្រុតចុះខ្លាំង ហើយពួកគេត្រូវតែប្រយ័តឲ្យមែនទែននៅពាក្យសម្តីមុននឹងពោលចេញទៅ ព្រោះអាចប៉ះពាល់ទំនាក់ទំនងជាមួយនឹងដៃគូការងារ និងការរកស៊ី។
នៅលើផ្លូវសំណាង មិនកើតមានសំណាងច្រើនទេ សម្រាប់អ្នកកើតឆ្នាំជូតនៅខែកញ្ញានេះ ហើយងាយនឹងរបូតលុយច្រើនចេញពីហោប៉ៅ បើមិនដាក់ផែនការណ៍ខ្ទង់ចំណាយច្បាស់លាស់ ព្រោះរយៈពេលនេះ អ្នកនឹងមិនអាចរកចំណូលបានច្រើនដូចជាពេលមុនទេ។
ដូច្នេះដើម្បីធានាបាននៅតុល្យភាពដែលមិនធ្លាក់ចុះខ្លាំង ឬនៅនឹង អ្នកគួរតែកុំប្រថុយលើអាជីវកម្មដែលចំណាយធំពេក ព្រោះអាចនាំឲ្យអ្នកបាត់បង់អ្វីទាំងអស់។ ជារួមទៅអ្នកកើតឆ្នាំជូត មិនត្រូវប្រថុយធំពេកទេនៅខែកញ្ញា៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
