សុខៗធ្លាក់បែកកញ្ចក់ ជាប្រផ្នូលមិនល្អហើយ តាមក្បួនត្រូវប្រញាប់ធ្វើរឿង ៣ នេះភ្លាម
តាមក្បួនហុងស៊ុយមានជំនឿជឿថា បើសុខៗកញ្ចក់ដែលដាក់នៅមួយកន្លែងធ្លាក់មកបែក ឬប្រេះបែក នោះជាប្រផ្នូលអាក្រក់ហើយ ដែលអ្នកត្រូវតែអនុវត្តនៅក្បួនទាំង ៣ ខាងក្រោម ដើម្បីបញ្ចៀសនៅឧបទ្រព្យចង្រៃដែលអាចកើតមាន។
ដំបូងក្រោយពីប្រញាប់រកអំបោសឬរើសកម្ទេចកញ្ចក់យកទៅប្រមូលចោល ដើម្បីបញ្ចៀសគ្រោះថ្នាក់ផ្សេងៗ អ្នកត្រូវធ្វើរឿង ៣ ផ្សេងទៀត៖
១) បើកភ្លើងក្នុងផ្ទះឲ្យភ្លឺចិញ្ចាច
ក្នុងផ្ទះរបស់អ្នកត្រូវតែមានថាមពលល្អ ហើយនៅពេលកញ្ចក់ធ្លាក់បែក គឺច្រើនជាប្រផ្នូលមិនវិញ្ញាណអាក្រក់ចូលមក។ ដូច្នេះដើម្បីកម្ចាត់រឿងមិនល្អទាំងឡាយ អ្នកត្រូវបើកភ្លើងឲ្យភ្លឺចិញ្ចាចក្នុងផ្ទះ ហើយបំភ្លឺទៀននៅតាមជ្រុងនៃផ្ទះ ពោលកុំបន្សល់នៅទីតាំងងងឹតណាមួយ ព្រោះវិញ្ញាណអាក្រក់អាចទៅសម្ងំនៅកន្លែងងងឹតនោះ។ បញ្ជាក់បន្តិច ទានដែលត្រូវប្រើ គឺត្រូវយកពណ៌ទឹកក្រូច ដើម្បីនាំមកនូវសំណាងល្អ មិនត្រូវប្រើទានពណ៌ផ្សេងឡើយ។
២) ប្រើអំបិល
អ្នកក៏អាចប្រើប្រាស់អំបិល ដើម្បីព្រោះបន្សាបឲ្យអស់ថាមពលអាក្រក់ ហើយនាំមកនៅតែសំណាងល្អត្រលប់មកវិញ។ អ្នកត្រូវក្តាប់អំបិលមួយដៃស្តាំ ហើយបាច់មកខាងក្រោមនៃស្មាខាងឆ្វេង។ ត្រូវចាំ តាមក្បួនហាមមិនឲ្យបាចអំបិលមកលើស្មាខាងស្តាំទេ ព្រោះអាចនាំឲ្យអ្នកជួបរឿងអាក្រក់ទ្វេដង។
១) ដុតក្រដាសសែន
យោងតាមក្បួនពីបុរាណ ពេលជួបប្រផ្នូលមិនល្អបែបហ្នឹង គេច្រើនតែតម្រូវឲ្យម្ចាស់ផ្ទះទៅដុតក្រដាសសែននៅខាងមុខផ្ទះ ហើយបើកទ្វារផ្ទះឲ្យអស់ ដើម្បីឲ្យថាមពលអាក្រក់រត់ចេញ ហើយលែងកកកុញនៅខាងក្នុងផ្ទះរបស់អ្នក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
