ច្រើនគ្នាណាស់ ទម្លាប់លាងមុខប្រើទឹកដែលកំពុងងូត តែអត់ដឹងអាចបង្កផលប៉ះពាល់ ៥ នេះ
មនុស្សជាច្រើនបានប្រើប្រាស់ទឹកដែលកំពុងងូត ស្រក់ពីលើក្បាល មកបន្តលុបលាងមុខរបស់ពួកគេជាមួយហ្វូមលាងមុខ ឬផលិតផលមួយចំនួនជាដើម។ ពួកគេតិចណាស់ដែលបានដឹងថា វាពិតជាមានផលប៉ះពាល់ធ្ងន់ធ្ងរដល់ស្បែក។ ខាងក្រោម Knongsrok បង្ហាញពីផលប៉ះពាល់ ៥ ដែលអ្នកគួរតែជៀសវាងនៅពេលបន្ទាប់៖
៥) ធ្វើឲ្យឡើងមុនលើសដើម
ការងូតទឹកក្តៅយូរ មិនល្អសម្រាប់ស្បែកឡើយ ព្រោះវាបានកម្ចាត់ប្រេងធម្មជាតិដែលអ្នកត្រូវការសម្រាប់ថែរក្សាស្បែក។ ប្រសិនបើអ្នកមានស្បែកស្ងួតទៀតនោះ ការលាងមុខចេញពីទឹកផ្កាឈូកដែលហូរមកលើផ្ទៃមុខ វានឹងកាន់តែធ្វើឲ្យស្បែកមានសភាពស្ងួតលើសដើម។
៤) ប៉ះពាល់ពណ៌ស្បែក
កុំច្រឡំថាដោយសារពន្លឺព្រះអាទិត្យ ធ្វើឲ្យស្បែកខ្មៅស្រអាប់ ឡើងក្រហម ឡើងរោល តែពេលខ្លះមកពីអ្នកលាងមុខដោយប្រើប្រាស់ទឹកផ្កាឈូកនេះឯង។ ទឹកក្ដៅឧណ្ហ៍ៗនៅក្នុងទឹកផ្កាឈូក វាធ្វើឲ្យសរសៃឈាមលើមុខរីកធំ ហើយបន្តបែបនេះយូរទៅ នឹងធ្វើឲ្យមុខឡើងរោល ឡើងក្រហម ជារឿយៗក៏បន្សល់ស្លាកស្នាម ល្មមអ្នករកមូលហេតុមិនឃើញក៏ថាបាន។
៣) ងាយបង្កើតស្នាមជ្រួញ
ភាពជ្រីវជ្រួញ គឺងាយកើតឡើងខ្លាំងណាស់នៅលើផ្ទៃមុខ។ យើងមិនបាច់ទៅវិភាគអីច្រើនទេ យើងមើលត្រឹមដៃរបស់យើងពេលត្រូវទឹកយូរ វានឹងឡើងជ្រួញ រីកហើយ ដូចគ្នាទៅនឹងផ្ទៃមុខ ការទទួលយកសំណើមជាតិទឹកយូរមកនេះច្រើនពេក វានឹងបំផ្លាញរបាំងស្បែក នាំឲ្យស្បែកឆាប់ចាស់ទៅវិញ។
២) ធ្វើឲ្យស្បែកងាយប្រតិកម្ម
ជាការពិតការលាងមុខនៅក្នុងទឹកផ្កាឈូក គឺងាយនឹងធ្វើឲ្យស្បែកស្ងួត ស្បែកងាយរងការប្រតិកម្ម។ ជាពិសេសនៅរដូវរងា អ្នកគួរដាក់កំហិតលើការលេងមុខដោយប្រើប្រាស់ទឹកក្តៅ ព្រោះបម្លាស់សីតុណ្ហភាពលឿនពេក វាធ្វើឲ្យស្បែកងាយរលាកទៅវិញ។
១) ធ្វើឲ្យស្បែករមាស់
មនុស្សជាច្រើនមានអារម្មណ៍ថារមាស់ស្បែកបន្តិចបន្តួច បន្ទាប់ពីងូតទឹករួច ដែលធ្វើឲ្យពួកគេទទួលរងអារម្មណ៍មិនស្រួលលើផ្ទៃមុខ។ ពិតមែនហើយនោះក៏ដោយសារតែការលាងមុខ ដោយប្រើទឹកផ្កាឈូកជាប្រចាំហ្នឹងឯង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
