ទាយចរិយាពិតតាមរយៈ “ត្បូង” ដែលអ្នកចាប់អារម្មណ៍បំផុត ដើម្បីយកភាពខ្លាំងនោះទៅប្រើឲ្យបានផលនាថ្ងៃអនាគត
ទាយចរិយាពិត តាមរយៈ "ត្បូង" ដែលអ្នកចាប់អារម្មណ៍បំផុត ដើម្បីយកភាពខ្លាំងនោះទៅប្រើឲ្យបានផល នាថ្ងៃអនាគ ។
សូមពិនិត្យមើលបុគ្គលិកលក្ខណៈពិតរបស់អ្នក តាមរយៈការជ្រើសរើសត្បូង ដែលអ្នកចូលចិត្តហើយមើលចម្លើយខាងក្រោម ។
1. គុជខ្យង
អ្នករើសគុជខ្យងបង្ហាញថា អ្នកជាមនុស្សដែលមានការគោរពខ្លួនឯងខ្ពស់ អ្នកគឺជាមនុស្សដែលមានចិត្តល្អ ហើយមានចិត្តសប្បុរសចំពោះអ្នកដទៃ អ្នកតែងតែគិតមុននិយាយ មិនចេះតែនិយាយប៉ប្លិចប៉ប្លូចឡើយ ។ គុជខ្យងក៏បង្ហាញដែរថា រយៈពេលនៃការផ្លាស់ប្តូរនៅក្នុងជីវិតរបស់អ្នក កំពុងខិតជិតមកដល់ហើយ។
2. ត្បូងទទឹម ពណ៌ក្រហម
អ្នកគឺជាមនុស្សឧស្សាហ៍ព្យាយាម ជាមនុស្សម្នាក់ដែលតែងតែផ្តល់កំលាំងចិត្តដល់អ្នកនៅជុំវិញខ្លួនជានិច្ច អ្នកមានសមត្ថភាពនិយាយជំរុញកំលាំងចិត្តអ្នកដទៃ ឱ្យឆ្ពោះទៅមុខពោរពេញដោយកម្លាំង ថែមទាំងមានចិត្តនឹងធឹងទៀតផង ។
3. ត្បូងពេជ្រ
អ្នកគឺជាមនុស្សដែលមានភាពក្លាហាន មានការប្តេជ្ញាចិត្ត និងមានផ្លូវចិត្តរឹងមាំ ថែមទាំងតែងតែផ្តល់ភាពក្លាហានដល់អ្នកដទៃទៀតផង ។ ពេជ្រគឺជានិមិត្តរូបនៃកម្លាំងធម្មជាតិ ដែលមិនដែលបរាជ័យ ផ្លូវដែលពោរពេញទៅដោយការប្រកួតប្រជែង និងដំណើរផ្សងព្រេងអាចជាផ្លូវសម្រាប់អ្នក។
4. ត្បូង topaz ពណ៌ខៀវ
អ្នកជាមនុស្សចិត្តត្រជាក់ មានភាពស្ងប់ស្ងាត់ ហើយអាចគ្រប់គ្រងអារម្មណ៍បានល្អ ថែមទាំងមានសមត្ថភាពបង្កើតទំនាក់ទំនង ជាមួយអ្នកដទៃបានយ៉ាងល្អផងដែរ។
5. ត្បូង peridot ពណ៌បៃតង
អ្នកគឺជាមនុស្សដែលពោរពេញទៅដោយប្រាជ្ញា និងការចង់ដឹងចង់ឃើញ អ្នកនឹងបន្តធ្វើតាមក្តីស្រមៃរបស់អ្នកឥតឈប់ឈរ អ្នកមិនចូលចិត្តលាក់អារម្មណ៍ទេ នៅពេលសប្បាយចិត្តអ្នកនឹងនិយាយថា សប្បាយចិត្ត នៅពេលអ្នកសើចវានឹងចេញពីបេះដូងពិត មិនមែនធ្វើពុតឡើយ ។
6. ត្បូង Aquamarine ពណ៌ទឹកសមុទ្រ
អ្នកគឺជាមនុស្សដែលចេះយល់ចិត្តអ្នកដទៃ នៅពេលអ្នកឃើញមិត្តភក្តិ ឬមិត្តភក្តិជិតស្និទ្ធ មានអារម្មណ៍សោកសៅ អ្នកក៏សោកសៅដែរ តែនៅដល់ពេលឈ្លោះប្រកែកគ្នា អ្នកមិនដែលខ្លាចក្នុងការបញ្ចេញមតិរបស់អ្នកទេ លើសពីនេះ អ្នកក៏ជាមនុស្សចូលចិត្តការផ្សងព្រេងដែរ។
7. ត្បូង Tanzanite
អារម្មណ៍របស់អ្នកងាយនឹងរំជួលចិត្តណាស់ អ្នកជឿលើអារម្មណ៍ ជាជាងហេតុផល ឬទ្រឹស្តី ចរិតលក្ខណៈបែបនេះធ្វើឱ្យអ្នកងាយនឹងស្រឡាញ់នរណាម្នាក់ណាស់។ ដូច្នេះចាប់ពីពេលនេះតទៅ បើអ្នកជឿជាក់លើអារម្មណ៍របស់អ្នក ចូលឆ្ពោះទៅមុខកុំរាថយ អ្នកអាចជួបរឿងល្អៗ នៅពេលអនាគត។
8. ត្បូង Citrine ពណ៌លឿងមាស
ត្បូងពណ៌លឿងមាស បង្ហាញថាអ្នកគឺជាមនុស្សម្នាក់ដែលមានការស្រមើលស្រមៃដ៏អស្ចារ្យ ហើយមានភាពកំប្លុកកំប្លែងនៅក្នុងខ្លួន អ្នកតែងតែធ្វើឱ្យអ្នកនៅជុំវិញអ្នកសើចសប្បាយ អ្នកមានសមត្ថភាពធ្វើការជាក្រុម អ្នកប្រៀបដូចជាពន្លឺនៅក្នុងពពក សម្រាប់មនុស្សជុំវិញខ្លួន ។
9. ត្បូង tourmaline ពណ៌ផ្កាឈូក
អ្នកជាមនុស្សស្រស់ស្អាត ទន់ភ្លន់ ចេះយល់ចិត្ត ដូច្នេះអ្នកអាចយល់ពីការឈឺចាប់របស់អ្នកដទៃបានយ៉ាងងាយ ។ អ្នកជាមនុស្សស្មោះត្រង់ មិនចូលចិត្តកុហកទេ ហេតុនេះមិនថានរណាទេ ឲ្យតែបានអ្នកជាគូស្នេហ៍ចាត់ទុកថាសំណាងណាស់ ។ តែទោះយ៉ាងណា អ្នកអាចងាយនឹងចាញ់បោកអ្នកដទៃណាស់ ដូច្នេះអ្នកត្រូវប្រុងប្រយ័ត្នត្រង់ចំណុចនេះ ។
10. ត្បូង amethyst ពណ៌ស្វាយ
អ្នកគឺជាមនុស្សឆ្លាត ឈ្លាសវៃ ពោរពេញដោយប្រាជ្ញា មានសមត្ថភាពក្នុងការរៀនយល់អ្វីៗបានរហ័ស អ្នកអាចបង្ហាញពីភាពខ្លាំងរបស់អ្នកនៅក្នុងបរិយាកាស និងស្ថានភាពផ្សេងៗគ្នា។ ធ្វើជាអ្នកដឹកនាំកដ៏អស្ចារ្យ អាចធ្វើជាគំរូមនុស្សជំនាន់ក្រោយ។ តែអ្នកក៏ជាមនុស្សរីករាយ មានអារម្មណ៍កំប្លុកកំប្លែងដែរ និយាយរួមពេលធ្វើការអ្នកម៉ឺងម៉ាត់ តែផុតពីការងារអ្នកជាមិត្តដ៏ល្អម្នាក់ ៕
ប្រភព៖ Knongsrok
ព័ត៌មានថ្មីៗ
