យីអ៊ុនឡើងស្រឺតៗ នៅខែកញ្ញាអ្នកកើតឆ្នាំ ៣ អាចត្រូវលាភធំមានលុយទិញផ្ទះទិញឡានថ្មី
ទំព័រនៃខែទី ៨ ក្នុងឆ្នាំ ២០២១ សេសសល់រយៈពេលតែប៉ុន្មានថ្ងៃទៀតប៉ុណ្ណោះ ហើយយើងក៏ដល់ពេលបើកទំព័រថ្មីនៃខែកញ្ញា។ តើឆ្លងកាត់ជិតមួយខែមកនេះ បងប្អូនបានជួបរឿងរ៉ាវជីវិតបែបណាខ្លះ?
យ៉ាងណាយើងទៅមើលជោគជតារាសីសម្រាប់អ្នកកើតឆ្នាំទាំង ៣ ដូចបង្ហាញខាងក្រោមឯណោះវិញ នៅខែកញ្ញាខាងមុខ តាមហោរាសាស្រ្តទស្សន៍ទាយថា ពួកគេអាចមានលទ្ធភាពប្តូរឡានថ្មី ឬទិញផ្ទះថ្មី ពោលគឺទ្រព្យនឹងមានការកើនឡើងគួរឲ្យកត់សម្គាល់៖
១) អ្នកកើតឆ្នាំខាល – ខ្លា
អ្នកកើតឆ្នាំខាល រមែងជាមនុស្សមានបុគ្គលិកលក្ខណៈរឹងមាំ មានឆន្ទៈខ្ពស់ តែងតែក្រោកឈរទោះដួលប៉ុន្មានដងហើយក៏ដោយ ហើយពួកគេមិនចេះនៅស្ងៀមនោះទេ ពោលរមែងរកឱកាសផ្លាស់ប្តូរជីវិតរបស់ពួកគេឲ្យឈានទៅដល់ចំណុចខ្ពស់ជាងមុន។
មនុស្សនេះច្រើនតែជោគជ័យនៅអាយុស្រករ ២០ ឡើងទៅ ព្រោះពួកគេរមែងខំតាំងពីក្មេង ហើយបើតាមហោរាសាស្រ្តនៅឆ្នាំ ២០២១ ឆ្នាំខាលមានការផ្លាស់ប្តូរវិជ្ជមានច្រើន។ ប៉ុន្មានខែដំបូងអាចជួបការលំបាកបន្តិច តែក្រោយមកការងារប្រាក់កាក់ក៏មានការកើនឡើងត្រលប់មកវិញ ហើយល្អជាងមុនថែមទៀត។
នៅខែកញ្ញាខាងមុខនេះ ឆ្នាំខាលគួរតែរៀបចំស្មារតីដើម្បីទទួលយករឿងល្អមកក្នុងជីវិត ដោយលាភនឹងមានការកើនឡើង គ្មានសញ្ញាថមថយចុះនោះទេ ហើយជាពិសេសចូលដល់ចុងឆ្នាំពួកគេកាន់តែត្រូវប៉ាន់ខ្លាំងថែមទៀត។
២) អ្នកកើតឆ្នាំមមី - សេះ
អ្នកកើតឆ្នាំមមី រមែងជាមនុស្សមានភាពសុទិដ្ឋិនិយម ស្រលាញ់ខ្លួនឯង និងមានឆន្ទៈតស៊ូ ទោះស្ថិតក្នុងស្ថានភាពណាមួយក៏ដោយ។ បើធៀបនឹងសត្វដទៃទៀត ឆ្នាំសេះ មិនត្រឹមតែនាំនូវសេចក្តីសប្បាយរីករាយដល់មនុស្សជុំវិញខ្លួនប៉ុណ្ណោះទេ ពួកគេក៏ជួយផ្តល់យោបល់ និងជំរុញឲ្យអ្នកក្បែរខ្លួនរឹងមាំ ហើយមានអារម្មណ៍ថាសុវត្ថិភាពពេលនៅក្បែរ ទៀតផង។
មនុស្សកើតឆ្នាំមមី ឈ្លាសវៃណាស់ ហើយចូលដល់ឆ្នាំ ២០២១ នេះ សម្រាប់ដើមឆ្នាំអាចជួបរឿងលំបាក តែចូលដល់ចុងឆ្នាំ គឺសំណាងមានបន្តកន្ទុយគ្នា។ ពួកគេអាចមានឱកាសរកត្រូវ រកបានលុយធំ ល្មមដូរសេរ៊ីរថយន្ត ឬទិញផ្នែកអចលនទ្រព្យធំណាមួយជារបស់ខ្លួនឯងទៀតផង រាប់ចាប់ពីដើមខែកញ្ញាតទៅ។
៣) អ្នកកើតឆ្នាំមមែ - ពពែ
ជាមនុស្សស្លូតបូត ចូលចិត្តការរៀនសូត្រ និងដឹងពីរបៀបផ្លាស់ប្តូរជីវិតខ្លួនឯង។ ពួកគេយល់ថា លើលោកនេះគ្មានសំណាងទេ បើមនុស្សខំ គឺនឹងជោគជ័យហើយ។
អ្នកកើតឆ្នាំមមែ នៅឆ្នាំ ២០២១ មានសំណាងច្រើនក្នុងជីវិត ជាពិសេសនៅចុងខែសីហា និងដើមខែកញ្ញាខាងមុខនេះទៅ ពួកគេនឹងទទួលបានអារម្មណ៍កក់ក្តៅច្រើនលើផ្នែកទ្រព្យ ដោយនៅកន្លែងធ្វើការអាចមានឱកាសឡើងឋានៈ ឡើងមុខងារ អាចទទួលបានចំណូលច្រើនជាងមុន។ ប្រសិននិយាយពីការវិនិយោគ ពួកគេអាចកើបផលចំណេញទ្វេដើម ហើយនៅឆ្នាំបន្ទាប់ថាមិនត្រូវអាចក្លាយជាអ្នកមានទៀតផង។
អ្នកកើតឆ្នាំមមែ យើងពិតជាអបអរសម្រាប់ពួកគេ ព្រោះពេលនេះកំពុងបានជួបសុទ្ធតែមនុស្សល្អក្បែរខ្លួន ដែលថាមពលរបស់ពួកគេដូចជួយយឹតយោងជីវិតអ្នកឲ្យឆ្ពោះទៅភាពល្អប្រសើរកាន់តែខ្លាំងឡើង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
