កុំឆ្ងល់ថាចេះតែលឺមាត់ក្នុងផ្ទះ ខំរកក៏មិនសល់ តាមក្បួនគេមិនឲ្យរក្សាទុករបស់ ៤ នេះទេ
តាមក្បួនហុងស៊ុយ គេណែនាំឲ្យបញ្ចៀសការរក្សាទុករបស់ ៤ នេះនៅខាងក្នុងផ្ទះ ព្រោះអីវាអាចនាំឲ្យប៉ះពាល់ដល់សុភមង្គលគ្រួសារ និងផ្នែកទ្រព្យ៖
៤) កាបូបរហែក
កាបូបលុយដែលខូច រហែក លែងប្រើប្រាស់ អ្នកត្រូវតែបោះវាចោល រួចទិញថ្មី។ ជាទូទៅតាមក្បួនគេមិនឲ្យប្រើកាបូបលុយដដែលលើសពី ៣ ឆ្នាំនោះទេ ព្រោះវាងាយធ្វើឲ្យម្ចាស់ទ្រព្យពិបាកក្នុងការអភិវឌ្ឍខ្លួនបោះជំហានទៅមុខ។ ដូច្នេះបើចង់ទទួលបានសំណាង ប្រសិនមានកាបូបចាស់រហែក ត្រូវបោះវាចោល ហើយហាមបន្តប្រគល់ឲ្យអ្នកដទៃ រួចប្តូរកាបូបថ្មីដើម្បីលើកយីអ៊ុន។
៣) នាឡិកាខូច
នាឡិកាគឺជានិមិត្តសញ្ញានៃពេលវេលាជីវិត ហើយប្រសិនវាខូចឬអស់ថ្ម អ្នកត្រូវតែយកវាទៅជួសជុល ឬដាក់ថ្មឲ្យវាដំណើរការវិញ។ បើស៊ូថាអស់ថ្ម មិនប្រើ ក៏ដោះវាមកទុក កុំដាក់តាំងឲ្យសោះនៅខាងក្នុងផ្ទះ។
តាមក្បួនប្រសិនអ្នកបន្តប្រើប្រាស់នាឡិកាដែលខូចឬអស់ថ្ម នោះមិនយូរទេ ងាយនឹងនាំឲ្យបាត់បង់ទ្រព្យសម្បត្តិ ហើយជួបរឿងមិនល្អចូលដល់ក្រុមគ្រួសារ។
២) ដាំរុក្ខជាតិមានបន្លា
រុក្ខជាតិដែលមានបន្លា បើដាក់នៅខាងក្រៅផ្ទះល្អ តែបើដាក់ខាងក្នុងផ្ទះ ជាពិសេសបន្ទប់គេង គឺគេមិនអនុញ្ញាតឡើយ។ តាមក្បួនវាងាយធ្វើឲ្យប្តីប្រពន្ធទាស់ពាក្យ ទាស់សម្តីគ្នាឥតឈប់ ហើយងាយមានការបែកបាក់ទៅពេលខាងមុខ។
១) កញ្ចក់បែក
កញ្ចក់ដែលបែកហើយ គួរតែយកវាទៅបោះចោល មិនគួររក្សាទុកខាងក្នុងផ្ទះទេ វាដូចនឹងរុក្ខជាតិខាងលើដែរ ដោយវាក្រៅពីនាំឲ្យគ្រួសារពិបាកបង្កើនចំណូល ទៀតសោតទំនាក់ទំនងស្នេហា ក៏ងាយនឹងមានអ្នកទី ៣ ចូលមកជ្រែកទៀតផង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
