(វីដេអូ) អ្នកគាំទ្រ Nice សម្រុកចូលកីឡដ្ឋានដូចទឹកបាក់ទំនប់ ដោយសារហេតុផលនេះ
ការប្រកួតនៅឯលីគកំពូលបារាំង Nice ទល់នឹងក្លឹប Marseille ដែលជាក្រុមភ្ញៀវកាលពីយប់មិញ បានលើកពេលនៅពាក់កណ្តាលទី ក្រោយពីមានជម្លោះក្នុងកីឡដ្ឋានរវាងអ្នកគាំទ្រនិងកីឡាករ។
ដំបូងឡើយក្រុមម្ចាស់ផ្ទះរកបានមួយគ្រាប់ ដោយ Kasper Dolberg នៅដើមតង់ទីពីរ លុះរំលងបានប៉ុន្មាននាទីបន្ទាប់ នៅពេលខ្សែប្រយុទ្ធរបស់ក្រុមភ្ញៀវ Dimitri Payet ដើរទៅត្រៀមលើកបាល់ជ្រុង គេក៏ត្រូវបានអ្នកគាំទ្រក្រុមម្ចាស់ផ្ទះគ្រវែងដបទឹកស៊ុតមកត្រូវខ្លួន ហើយដោយខ្វះការអត់ធ្មត់ Payet ក៏យកដបនោះ គ្រវែងទៅកាន់អ្នកគាំទ្រវិញ នាំឲ្យពួកគេកាន់តែឆួលកំហឹង ហើយសម្រុករត់ចូលកីឡដ្ឋានដូចទឹកបាក់ទំនប់។
ទស្សនាវីដេអូខាងក្រោម៖
https://twitter.com/i/status/1429544669923454980
https://twitter.com/i/status/1429540577402576901
សកម្មភាពនៅនាទី ៧៥ នោះ ក្រុមសន្តិសុខក្នុងកីឡដ្ឋានមិនអាចទប់អ្នកគាំទ្រឈ្នះនោះទេ ជាហេតុនាំឲ្យការប្រកួតសម្រេចផ្អាកពាក់កណ្ដាលទី ហើយមិនទាន់ច្បាស់ថាលើកពេលទៅប្រកួតនៅពេលវេលាណាវិញឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
