(វីដេអូ) Lukaku រកបានគ្រាប់បាល់បើកឆាកឲ្យ Chelsea ហើយស្ថិតិលេងយប់មិញល្អហួស
Romelu Lukaku បានជាប់ជម្រើសដំបូងនៅការប្រកួតឲ្យ Chelsea ទល់ក្លឹប Arsenal កាលពីយប់មិញ ហើយគេក៏ជាចំណែករកបានមួយគ្រាប់ នៅជ័យជម្នះ ២-០ ទៅលើក្រុមម្ចាស់ផ្ទះ។ ការបង្ហាញខ្លួនសារនេះ កីឡាករបែលហ្សិកពិតជាមិនធ្វើឲ្យអ្នកគាំទ្រខកចិត្តមែន ដោយគេក៏បានជាប់ឈ្មោះជាកីឡាករល្អបំផុតប្រចាំការប្រកួតផងដែរ។
ខ្សែប្រយុទ្ធតម្លៃ ៩៧,៥ លានផោន បានបើកការរកគ្រាប់បាល់នៅនាទីទី ១៥ តាមរយៈការក្រុសបាល់ចេញពីជើង Reece Jame មកក្នុងប្រអប់គ្រោះថ្នាក់ ហើយ Lukaku បានរត់ប្រជែង Pablo Mari ឆ្មក់យកឱកាសស៊ុតបាល់ចូលទីយ៉ាងស្អាត។
ដោយឡែកបើយើងទៅមើលស្ថិតិជារួម ដែលរុញឲ្យ Lukaku ជាប់ឈ្មោះជា Man Of The Match គឺក្រៅពីរកបានមួយគ្រាប់ គេក៏មានស្ថិតិស៊ុតចេញពីជើងដល់ទៅ ៨ លើក ច្រើនជាងគេបំផុត ស៊ុតត្រូវគោលដៅ ២ លើក ច្រើនជាងគេបំផុត និងការប៉ះបាល់ ១១ លើកក្នុងប្រអប់គ្រោះថ្នាក់ក្រុមគូប្រជែង ច្រើនជាងគេបំផុតដូចគ្នា។
ទស្សនាវីដេអូខាងក្រោម៖
https://twitter.com/i/status/1429507516866744331
គួរឲ្យដឹងដែរថា Lukaku កាលពីយប់មិញ គឺបានចូលជំនួសតំណែង Timo Werner ដូចការរំពឹងទុក រហូតដល់នាទី ៩០ ទើបកីឡាករអាល្លឺម៉ង់ទទួលបានឱកាសចូលលេង មកជំនួសតំណែង Kai Havertz។ យើងនឹងរង់ចាំមើលប្រកួតបន្ទាប់ទៀត តើ Chelsea នឹងអាចបន្តជ័យជម្នះទៅលើ Liverpool បានឬយ៉ាងណា?
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
