១០ អាការៈជំងឺកើតឡើងនៅលើរាងកាយនៅពេលកើតរោគស្រ្តេស៍ និងពេលមានភាពតានតឹងខ្លាំង!
មនុស្សគ្រប់គ្នាតែងមានអារម្មណ៍ថាស្ថិតក្រោមសំពាធ។ ប៉ុន្តែប្រសិនបើមានអ្វីមួយដែលតែងតែរំខានដល់អ្នកពេលខ្លះអ្នកគួរតែយកចិត្តទុកដាក់លើសុខភាពរបស់អ្នកឲ្យបានល្អ។ ប្រហែលជាវាកើតឡើងដោយសារតែភាពតានតឹង។ គ្រូពេទ្យជាច្រើននិយាយថាវាអាចបង្កឱ្យមានជំងឺផ្សេងៗ។
បើតាមវេបសាយ Bright Side បានឲ្យដឹងមានជំងឺមួយចំនួនដែលកើតឡើងនៅលើខ្លួនអ្នកប្រសិនបើអ្នកមានភាពតានតឹង ស្រ្តេសជាដើម ដូច្នេះយើងសូមលើកយកចំនុចមួយចំនួនដែលអាចកើតឡើងដូចខាងក្រោម៖
1. ជំងឺស្បែក
ជំងឺស្បែក រោគផ្សិត មុន និងជំងឺស្បែកផ្សេងទៀតកើតដោយសារបណ្តាលមកពីភាពតានតឹង។ អ្នកវិទ្យាសាស្ត្របានធ្វើការស្រាវជ្រាវក្នុងចំនោមសិស្សហើយវាបង្ហាញពីទំនាក់ទំនងរវាងភាពតានតឹងផ្លូវចិត្តនិងបញ្ហាស្បែកយ៉ាងខ្លាំង។ ការពិសោធន៍ជាមួយសត្វកណ្តុរផ្តល់លទ្ធផលដូចគ្នា។ សត្វដែលត្រូវបានប៉ះពាល់ទៅនឹងកម្រិតនៃភាពតានតឹងខ្លាំងគឺងាយនឹងឆ្លងជំងឺនៅលើស្បែក។
2. ការផ្លាស់ប្តូរទំងន់
អ្នកប្រហែលជាស្ថិតនៅក្នុងស្ថានភាពមួយដែលអ្នកមិនអាចរក្សាលើទម្ងន់របស់អ្នកឱ្យមានស្ថេរភាពជាមួយនឹងរបបអាហារឬការហាត់ប្រាណ។
ស្ថានភាពស្ត្រេសញឹកញាប់បង្កើនការផលិតអរម៉ូន cortisol នេះ។ វាធ្វើអោយមានស្ថេរភាពនៃការរំលាយអាហារនៃខ្លាញ់ និងកាបូអ៊ីដ្រាតនិងគាំទ្រដល់កម្រិតចាំបាច់នៃជាតិស្ករនៅក្នុងឈាម។
ប្រសិនបើមនុស្សមានអ័រម៉ូនច្រើនពេកនោះ ហើយនឹងញ៉ាំច្រើនទៀតរាងកាយនឹងផលិតអ័រម៉ូនតេស្តូស្តេនតិច ហើយរាងកាយនឹងដុតកាឡូរីតិច។ ហើយហេតុផលនេះនឹងធ្វើឱ្យអ្នកឡើងទម្ងន់។
ពេលខ្លះភាពតានតឹងនិងការថប់បារម្ភធ្វើអោយមនុស្សអាចស្រកទម្ងន់។ ការកើនឡើងកម្រិត adrenaline នៅក្នុងឈាមធ្វើឱ្យរឿងនេះកើតឡើង។ ថ្នាំ adrenaline បង្កើនល្បឿនរំលាយអាហារប៉ុន្តែវាបន្ថយល្បឿននៃការបញ្ចេញជាតិខ្លាញ់។ អ្នកវិទ្យាសាស្រ្តក៏បានលើកឡើងដែរថា អ័រម៉ូន CRH ចំពោះការបាត់បង់ទំងន់។
3. ផ្តាសាយជាញឹកញាប់
ដូចដែលយើងបាននិយាយមុននេះដែរភាពតានតឹងបង្ករឱ្យមានការផលិត cortisol ដែលអាចបណ្តាលឲ្យមានការរលាក។ ទោះជាយ៉ាងណាក៏ដោយប្រសិនបើមនុស្សម្នាក់ជួបប្រទះភាពតានតឹងរ៉ាំរ៉ៃប្រព័ន្ធការពាររាងកាយមិនពិបាកទប់ទល់ cortisol ដែលនាំឱ្យមានការរលាកធ្ងន់ធ្ងរ។ នេះហើយជាមូលហេតុមួយដែលបណ្តាលឲ្យមានជំងឺផ្តាសាយ។
កុំបន្ទោសអាកាសធាតុត្រជាក់ព្រោះវាមិនមែនជាបញ្ហាចំបងនោះទេ អ្វីដែលសំខាន់នោះគឺដោយសារតែប្រព័ន្ធភាពស៊ាំនៃរាងការចុះខ្សោយ។ បើអ្នកឈឺញឹកញាប់ចូរគិតអំពីអ្វីដែលធ្វើឱ្យអ្នកព្រួយបារម្ភច្រើនហើយព្យាយាមលុបបំបាត់វា។
4. ជំងឺក្រពះពោះវៀន
មានភស្តុតាងខាងវិទ្យាសាស្រ្តថាភាពតានតឹងអាចមានឥទ្ធិពលអវិជ្ជមានទៅលើបំពង់រំលាយអាហារ។ ជួនកាលថ្នាំពេទ្យដែលសម្រាប់ព្យាបាលក្រពះ និងពោះវៀនមិនអាចជួយអ្វីបានទេ។ ក្នុងករណីនេះអ្នកចិត្ដវិជ្ជាអាចមានប្រយោជន៍ច្រើនណាស់។ គ្រូពេទ្យនឹងកំណត់ពីមូលហេតុនៃការថប់បារម្ភរបស់អ្នកនិងព្យាយាមជួយអ្នក។
5. ពិបាកក្នុងការផ្តោតអារម្មណ៍
មនុស្សដែលស្ថិតក្រោមភាពតានតឹងអស់រយៈពេលជាយូរមកហើយពិបាកក្នុងការផ្តោតលើការងារ។ ប្រសិនបើអ្នកសង្កេតឃើញថាអ្នកមិនសូវផ្តោតការយកចិត្តទុកដាក់ជាធម្មតានោះប្រហែលជាដល់ពេលដែលអ្នកត្រូវតែមានពេលលំហែរអារម្មណ៍ ដើម្បីសម្រាកឲ្យរាងកាយបានស្រួួលខ្លះហើយ។ រឿងនេះកើតឡើងដោយសារតែភាពតានតឹង ធុញថប់ក្នុងអារម្មណ៍។
6. ការជ្រុះសក់កើនឡើង
អ្នកវិទ្យាសាស្ដ្របានសន្និដ្ឋានថាភាពតានតឹងអាចធ្វើឱ្យអត្រាជ្រុះសក់កើនឡើង។ ប្រសិនបើអ្នកបានកត់សម្គាល់ថាអ្នកមានសក់តិចជាងមុនហើយសាប៊ូបំប៉នសក់មិនអាចជួយអ្នកបានទេនោះ មានន័យថាភាពតានតឹងអាចជាមូលហេតុ។ ដូច្នេះសូមបង្កើតពេលវេលាមួយសម្រាប់ខ្លួនឯងដើម្បីបន្ធូូរអារម្មណ៍ដើម្បីកាត់បន្ថយភាពតានតឹងប្រសិនបើអ្នកចង់រក្សាសក់ដ៏ស្រស់ស្អាតរបស់អ្នក។
7. ឈឺក្បាល
ការឈឺក្បាលអាចបណ្តាលមកពីមូលហេតុជាច្រើន: គេងក្នុងទីតាំងខុស, សម្ពាធឈាមទាបឬខ្ពស់, រលាកសួត, ការមានផ្ទៃពោះជាដើម។ ប៉ុន្តែជួនកាលការឈឺក្បាលគឺបណ្តាលមកពីភាពតានតឹងអារម្មណ៍ដែលអ្នកមាននៅកន្លែងធ្វើការឬនៅផ្ទះ។
ការលេបថ្នាំអាចជួយអ្នកឲ្យបាត់ឈឺក្បាលបាន ប៉ុន្តែប្រសិនបើអ្នកមិនដកចេញស្ថានភាពស្ត្រេស៍ និងភាពតានតឹងពីជីវិតអ្នកទេ, ការឈឺក្បាលនឹងវិលមកម្តងហើយម្តងទៀត។
8. ចំណង់ផ្លូវភេទទាប
អ្នកដែលមានភាពតានតឹងអារម្មណ៍ជាមនុស្សដែលប្រឈមនឹងការមានចំណង់ផ្លូវភេទទាប។ អ្នកវិទ្យាសាស្ដ្របានធ្វើការសិក្សាមួយហើយបានឈានទៅដល់ការសន្និដ្ឋានបែបនេះ។ ដូច្នេះប្រសិនបើអ្នកមិនបានរួមភេទជាមួយដៃគូរបស់អ្នកយូរ ចូរកុំខឹងឬព្រួយបារម្ភព្រោះវានឹងមិនជួយដល់ស្ថានភាពនោះទេ។ ប្រសិនបើហេតុផលពិតប្រាកដគឺភាពតានតឹងវានឹងធ្វើឱ្យកាន់តែអាក្រក់។ រឿងដ៏អស្ចារ្យដែលត្រូវធ្វើគឺត្រូវទៅវិស្សមកាលជាមួយគ្នា។
9. បញ្ហាគេងមិនលក់
ស្ថានភាពតានតឹងអាចជាមូលហេតុនៃបញ្ហាដំណេក។ អ្នកអាចគេងមិនលក់ប្រសិនបើអ្នកស្ថិតនៅក្រោមភាពតានតឹងជាយូរមកហើយ។ នេះគឺជាស្ថានភាពលំបាកខ្លាំងណាស់ពីព្រោះមនុស្សមិនអាចធ្វើសកម្មភាពធម្មតានិងរីករាយនឹងជីវិតដោយមិនមានការគេងស្កប់ស្កល់នោះទេ។
នៅពេលដែលថ្នាំងងុយដេកលែងដំណើរការទៀតហើយវាដល់ពេលដែលត្រូវប្រុងប្រយ័ត្ននិងអាចឈានដល់ការទៅជួបគ្រូពេទ្យ។ វាជាការសំខាន់ណាស់ដែលអ្នករកឃើញមូលហេតុនៃបញ្ហានៃការគេងរបស់អ្នកហើយលុបបំបាត់វាឱ្យបានលឿនតាមដែលអាចធ្វើទៅបាន។
10. ជំងឺដាច់សរសៃឈាមបេះដូង
បេះដូងរបស់យើងត្រូវតែឆ្លងកាត់ជាច្រើនក្នុងជីវិតរបស់យើងទាំងល្អនិងអាក្រក់។ ភាពតានតឹងមានឥទ្ធិពលអាក្រក់លើបេះដូង។ អ្នកវិទ្យាសាស្រ្តបានបង្ហាញថាភាពតានតឹងរ៉ាំរ៉ៃគឺជាមូលហេតុមួយក្នុងចំនោមមូលហេតុនៃជំងឺសរសៃឈាមបេះដូង។ កាលៈទេសៈបែបនេះមានកត្តាជាច្រើនដូចជា ភាពគ្មានការងារធ្វើ រស់នៅក្នុងភាពក្រីក្រ ហើយបញ្ហានៅក្នុងគ្រួសារ មានតែធ្វើឱ្យស្ថានភាពកាន់តែអាក្រក់ទៅ ៗ ។
ដោយ៖ វីរៈ
ប្រភព៖ Brightside
ព័ត៌មានថ្មីៗ
