ពិបាកលេបបន្តិច តែបើទម្លាប់ទទួលទានទឹកខ្ញីរៀងរាល់ព្រឹកបាន នឹងផ្តល់ប្រយោជន៍ធំ ៥ នេះ
ធ្លាប់សាកយកខ្ញីមកក្រឡុក ទទួលទានដែរទេ? តាមពិតទៅវាអាចផ្តល់ប្រយោជន៍ច្រើនណាស់ ដ្បិតបើរសជាតិអាចជាពិបាកលេបបន្តិចក៏ដោយ។ ខាងក្រោមយើងបង្ហាញអត្ថប្រយោជន៍ធំ ៥ ពីការទទួលទានទឹកខ្ញីក្រឡុកនៅពេលព្រឹក៖
៥) ជួយជំងឺរលាកថ្លើម
លក្ខណៈសម្បត្តិដ៏ធំមួយរបស់ខ្ញី គឺការជះឥទ្ធិពលវិជ្ជមានសម្រាប់ជំងឺរលាកថ្លើម។ វាមានសារធាតុប្រឆាំងអុកស៊ីតកម្ម ហើយបើអ្នកមានបញ្ហាថ្លើមដំណាក់កាលស្រាល ដាក់ទឹកខ្ញីជាប្រចាំទៅ នឹងអាចកាត់បន្ថយបញ្ហារលាកនេះបាន។
៤) លើសឈាម
នៅពេលសម្ពាធឈាមហូរចូលជញ្ជាំងសរសៃឈាមខ្ពស់ពេក វានឹងនាំឲ្យឡើងសម្ពាធឈាមខ្ពស់។ យ៉ាងណាសារធាតុប៉ូតាស្យូមដែលមាននៅក្នុងល្បាយខ្ញី គឺវាជួយបញ្ចុះសម្ពាធឈាមយ៉ាងមានប្រសិទ្ធភាពតាមរូបមន្តធម្មជាតិ។
៣) ជួយសម្រកទម្ងន់
សារធាតុប្រឆាំងអុកស៊ីតកម្មនិងវីតាមីន Kពេលលាយបញ្ចូលគ្នាវាជួយបង្កើនដល់សមត្ថភាពនៃការរំលាយអាហារ។ គួបផ្សំនឹងភេសជ្ជៈនេះ មានកាឡូរីទាបផង ដូច្នេះវានឹងជួយឲ្យអ្នកស្រកទម្ងន់បានយ៉ាងមានប្រសិទ្ធភាព។
២) ជួយបញ្ចុះកម្តៅរាងកាយ
ជាពិសេសនៅរដូវក្តៅ ការទទួលទានទឹកខ្ញីគឺល្អបំផុត ព្រោះវាជួយឲ្យរាងកាយឡើងត្រជាក់ ហើយអាចគ្រប់គ្រងសីតុណ្ហភាពនៅខាងក្នុងរាងកាយបានល្អ។
១) បង្កើនថាមពល
ទឹកខ្ញីក៏មានផ្ទុកនូវសារធាតុរ៉ែសំខាន់ និងស្ករល្អចំពោះសុខភាពផងដែរ ដូច្នេះការទទួលទានល្បាយក្រឡុកវានៅពេលព្រឹក ពិតជាអាចបង្កើនថាមពលសម្រាប់អ្នកបានពេញមួយថ្ងៃ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
