គ្រប់គ្នាគិតថាល្អចំពោះសុខភាព តែតាមពិតទម្លាប់ ៣ នេះ នាំឲ្យអាយុខ្លីទៅវិញទេ
មានទម្លាប់មួយចំនួនដែលមនុស្សភាគច្រើននិយមធ្វើជារៀងរាល់ថ្ងៃ ដោយជឿតគ្នាថា វាល្អចំពោះសុខភាព តែការពិតទៅវាជាទម្លាប់អាក្រក់ ដែលប៉ះពាល់ដល់រាងកាយ នាំឲ្យអាយុខ្លីទៅវិញទេ៖
៣) ទទួលទានឲ្យឆ្អែតដើម្បីសុខភាពល្អ
ជារៀងរាល់ថ្ងៃក្រពះ ត្រូវបញ្ចេញសារធាតុរាវប្រហែល ៨ ០០០ មិល្លីក្រាម ដើម្បីរំលាយអាហារទាំងអស់ដែលយើងទទួលទាន។ ការទទួលទានច្រើនពេក វានឹងធ្វើឲ្យក្រពះពិបាកធ្វើចលនា ហើយទឹករំលាយអាហារផ្គត់ផ្គង់មិនគ្រប់គ្រាន់ នាំឲ្យអាហារខ្លះត្រូវកកកុញនៅក្នុងនោះ។
អ្នកគួរតែទទួលទានក្នុងបរិមាណល្មម និងជ្រើសរើសអាហារដែលល្អបំផុតសម្រាប់រាងកាយ ដើម្បីកាត់បន្ថយការដាក់បន្ទុកទៅលើក្រពះ ហើយមិនប៉ះពាល់ដល់សុខភាពទៅពេលខាងមុខ។
២) ការទទួលទានថ្នាំវីតាមីន
តាមពិតទៅ ការទទួលទានថ្នាំវីតាមីនមិនសុទ្ធតែល្អទាំងអស់នោះទេ។ នៅឆ្នាំ ២០១៤ ធ្លាប់មានការស្រាវជ្រាវមួយបង្ហាញថា ប្រភេទថ្នាំគ្រាប់វីតាមីន A,C,E និងសារធាតុរ៉ែមួយចំនួន ដែលត្រូវបានគេប្រើប្រាស់ដើម្បីបញ្ចៀសជំងឺមហារីកផ្សេងៗ បែរជាមកបង្កើនអត្រានៃការស្លាប់ទៅវិញ។
ស្រដៀងគ្នានឹងឆ្នាំ ២០១១ បោះពុម្ពផ្សាយដោយកាសែតអាមេរិក គឺបន្ថែមថ្នាំគ្រាប់វីតាមីន C គឺដូចបន្ថែមហានិភ័យនៃការកើតជំងឺមហារីកក្រពេញប្រូស្តាត។ ល្អបំផុតអ្នកគួរតែទទួលទានចេញពីប្រភពដើមរបស់វា មានន័យថា ដូចជាការទទួលទានផ្លែឈើស្រស់ បន្លែស្រស់ មិនចាំបាច់យកពីអ្វីដែលគេបានចម្រាញ់ហើយនោះទេ។
១) ដើរ ១០ ០០០ ជំហានរៀងរាល់ថ្ងៃ
ការសិក្សានៅឆ្នាំ ២០១៩ បានបង្ហាញថា មនុស្សជាទូទៅគឺថ្មើរជើង ៤ ៤០០ ជំហានក្នុងមួយថ្ងៃ ដែលនេះគ្រប់គ្រាន់ហើយសម្រាប់សុខភាព។ ប៉ុន្តែបើអ្នកដែលលើសពី ៧ ៥០០ ជំហានឡើងទៅ ឬអាចដល់ ១០ ០០០ ជំហាន នោះមិនបានបន្ថែមប្រយោជន៍សម្រាប់រាងកាយទេ ផ្ទុយទៅវិញវានឹងបង្កើតជំងឺឈឺសន្លាក់ ការខូចឆ្អឹងជាដើម។ ដូច្នេះចូរធ្វើលំហាត់ប្រាណនៅកម្រិតល្មម នឹងសមស្របទៅតាមរូបរាងកាយមនុស្សម្នាក់ៗ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
