ស្រលាញ់ខ្លាំងប៉ុណ្ណា តែបើខាងស្រីចេញចរិត ៣ នេះមក ដូចយកកាំបិតទៅកាត់ចោលការស្រលាញ់
មានរឿងអ្វីក៏គួរតែនិយាយគ្នា ចូរកុំបៀមវាទុក្ខតែម្នាក់ឯង។ ក្នុងទំនាក់ទំនងស្នេហា គឺទាមទារឲ្យច្បាស់លាស់នឹងគ្នា មានការយោគយល់គ្នា ទើបអាចទៅមុខជាមួយគ្នាបានយូរអង្វែង។ ខាងក្រោមជាចំណុចធំ ៣ ដែលបុរសភាគច្រើន នឹងឆាប់អស់ចិត្ត បើមនុស្សស្រីដែលខ្លួនស្រលាញ់បង្ហាញវាចេញមក៖
៣) កំហឹងដោយគ្មានហេតុផល
ពេលខ្លះមនុស្សស្រីចង់បានការលួងលោមពីបុរសខ្លាំងពេក នាងក៏បង្កើតរឿងឈ្លោះដោយគ្មានហេតុផល កុំគិតថាវាវិធីនេះធ្វើឲ្យមើលទៅគួរឲ្យស្រលាញ់អីឲ្យសោះ។ យូរទៅខាងបុរសនឹងមានការហត់នឿយចិត្ត ហើយគេក៏មិនមានពេលវេលាតាមលួងអ្នករហូតនោះដែរ។
អ្នកត្រូវដឹងថារឿងណាគួរខឹង រឿងណាគួរលើកលែង មិនចេះតែចង់ខឹង ចង់អន់ចិត្តតាមតែខ្លួនឯងគ្រប់ពេលវេលានោះឡើយ។
២) ប្រច័ណ្ឌខ្លាំងពេក
នៅពេលដែលអ្នកបង្ហាញចេញមកនៅកាយវិការសម្តីប្រច័ណ្ឌទៅលើបុរសដែលខ្លួនស្រលាញ់ខ្លាំងពេក យូរទៅដល់ថ្នាក់ធ្វើឲ្យគេមានសម្ពាធលែងហ៊ានជួបនារីដទៃណាទាំងអស់។ តាមពិតទៅល្អបំផុត អ្នកគួរតែធ្វើឲ្យខ្លួនឯងមានតម្លៃ បង្ហាញពីតម្លៃសំខាន់របស់ខ្លួនឯងទៅកាន់មនុស្សប្រុសម្នាក់នោះ ជាជាងតាមទាញគេចេញពីទំនាក់ទំនងជាមួយនារីដទៃ ហើយត្រូវចាំថា បើគេស្មោះនឹងអ្នកមែន គេក៏មិនឲ្យអ្នកមានអារម្មណ៍ហត់នឿយរឿងហ្នឹងដែរ។
១) ច្បាប់ទម្លាប់ពេក និងចូលចិត្តឲ្យខាងប្រុសចាំ
មនុស្សស្រីខ្លះ នៅជាមួយមិត្តភក្តិ ឬសាច់ញាតិមិនសូវទេ តែពេលនៅជាមួយដៃគូខ្លួនឯង ហាក់មានច្បាប់ទម្លាប់ខ្លាំងពេក ដែលមើលទៅធ្វើឲ្យមានអារម្មណ៍ទើសទាល់ និងមិនជិតស្និទ្ធនឹងគ្នា ហើយមនុស្សប្រុសក៏មិនចង់បានមនុស្សស្រីដែលប្រកាន់ច្បាប់ទម្លាប់ច្រើនពេកនោះដែរ ពោលគឺសមរម្យដូចគេទូទៅ។
មួយទៀតការរង់ចាំ ជាការពិតមនុស្សស្រីប្រាកដណាស់ថាត្រូវការពេលវេលាតុបតែងខ្លួន តែកុំឲ្យគេរង់ចាំយូរពេក ហើយក្លាយទៅជាទម្លាប់ ព្រោះមនុស្សយើងសុទ្ធតែមានពេលវេលាធ្វើកិច្ចការងាររៀងខ្លួន ដូច្នេះហើយគួរតែកុំឲ្យមានទម្លាប់យឺតយ៉ាវនៅពេលណាត់ជួប៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
