ជ្រើសរូប១ ទាយដូចដឹងចិត្ត ពីអនាគតនៃជីវិត ការងារ និងគោលដៅរបស់អ្នកទៅជាយ៉ាងណា!
តោះចង់ដឹងពីវាសនា និងអនាគតអ្នកល្អ ឬសម្រេចជោគជ័យដែលឬក៏អត់ ពេលនេះយើងនឹងមកលេងហ្គេមទស្សន៍ទាយសន្លឹកបៀរមួយ ដែលអាចមើលដឹងពីវាសនារបស់អ្នកបាននៅថ្ងៃមុខ។
ជាដំបូងធ្វើចិត្តឱ្យស្ងប់ រំងាប់អារម្មណ៍ ហើយនឹងដល់អនាគតអ្នក រួចធ្វើការជ្រើសរើសសន្លឹកបៀរ ពីលេខ ១ ដល់លេខ ៤ រួចអានលទ្ធផលខាងក្រោមនេះ៖
#កាតទី១
អ្នកនឹងមានតែរឿងល្អៗ និងវិជ្ជមាននៅក្នុងជីវិត ឆាប់ៗនេះ ចាប់ពីពេលនេះតទៅ។ គម្រោង និងផែនការអនាគតដែលអ្នកកំពុងតែគិត និងរៀបគម្រោងរយៈពេលវែងនៅខាងមុខនឹងរលូនហើយប្រកបដោយភាពជោគជ័យជាមិនខានសមតាមក្តីបំណង។ យ៉ាងណាមិញ នៅក្នុងរយៈពេលនេះ អ្នកមិនគួរយកចិត្តមកខ្វាយខ្វល់ ឬគិតពីរឿងតូចតាចនោះទេ ព្រោះរឿងធំៗជាច្រើនកំពុងតែរង់ចាំអ្នកសម្រេចវា។
#កាតទី២
នៅថ្ងៃខាងមុខនេះ ជីវិតអ្នកនឹងជួបប្រទះនឹងការលំបាកខ្លះ មិនអាចចៀសផុត។ តែទោះបីជាលំបាកប៉ុនណា ត្រូវចាំថា អ្នកមិនត្រូវពឹងលើអ្នកដទៃជាដាច់ខាត គឺត្រូវចាំថាអ្នកត្រូវតែពឹងលើខ្លួនឯង និងជឿជាក់តែលើខ្លួនឯងម្នាក់គត់ ព្រោះអ្នកដទៃក្រៅពីមិនអាចជួយអ្នកបានស្មោះត្រង់ហើយ ពិសេសពួកគេថែមទាំងអាចវាយប្រហារអ្នកពីក្រោយខ្នងទៀតផង។
ដូច្នេះ អ្វីដែលអ្នកត្រូវធ្វើ គឺឈប់ជឿអ្នកដទៃហើយរៀនជឿជាក់លើខ្លួនឯង និងធ្វើគ្រប់យ៉ាងដោយសមត្ថភាពខ្លួនឯង នោះទីបំផុត អ្នកនឹងដឹងថាអ្នកពូកែប៉ុណ្ណា ដែលអាចទ្រាំនឹងសម្ពាធគ្រប់យ៉ាង ថែមទាំងអាចជោគជ័យនៅថ្ងៃមុន។
#កាតទី៣
បន្ទាប់ពីអ្នកបានតស៊ូ និងពុះពារជាច្រើនកន្លងមក ឆាប់ៗនេះអ្នកនឹងទទួលបានអ្វីមួយធំនៅក្នុងជីវិត។ នៅថ្ងៃខាងមុខ ក្រោមការតស៊ូ និងក្តីស្រមៃដែលអ្នកប្រាថ្នាចង់បានក្លាយជាការពិត។ បន្ថែមពីនេះ ប្រសិនជាពេលនេះអ្នកកំពុងតែស្ថិតនៅក្នុងទំនាក់ទំនងស្មុគស្មាញដោះស្រាយមិនចេញ ពេលនេះជាវេលាដ៏ល្អមួយដែលអាចដើរចេញ និងដោះស្រាយវបានហើយ។
និយាយរួមនៅពេលនេះ គ្រប់យ៉ាងដែលអ្នកខិតខំកន្លងមកនឹងលេចចេញផ្លែផ្កា និងត្រូវបានគេទទួលស្គាល់ផងដែរ។
#កាតទី៤
អ្នកនឹងសម្រេចបាននូវក្តីស្រមៃ និងក្តីប្រាថ្នារបស់អ្នកនៅពេលឆាប់ៗនេះ តែវាមិនបានដូចចិត្តដែលអ្នកប៉ងចង់បានទាំងស្រុងទេ ដូច្នេះកុំដាក់ចិត្ត និងមានក្តីរំពឹងថាបានដូចចិត្ត១០០% អី នាំតែខកចិត្តខ្លាំង និងមានបញ្ហានោះទេ។ ម្យ៉ាងវិញទៀតអ្នកត្រូវតែគោរព និងឱ្យតម្លៃដល់អ្នកដែលបានជួយអ្នក និងជ្រោមជ្រែងអ្នកឱ្យទទួលបានភាពជោគជ័យនៅថ្ងៃមុខផង ចាំថាធ្វើល្អ និងដឹងគុណកាន់តែច្រើន នឹងទទួលបានផ្លែផ្កានៅក្នុងជីវិតកាន់តែច្រើន៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
