ជ្រើសរើសកាតមួយ ដើម្បីទម្លាយដឹងថាគេកំពុងច្រណែនអ្នកដោយសាររឿងអ្វី?
ជឿថាមនុស្សយើងម្នាក់ៗគ្មាននរណាដែលថាគ្មានគេច្រណែន ឈ្នានីសនោះទេ។ វាជារឿងធម្មតាទៅហើយ ព្រោះជីវិតយើងមិនអាចបំពេញឲ្យមនុស្សទូទាំងពិភពលោកសប្បាយរីករាយ សាទរនឹងយើងបានទាំងអស់នោះទេ។
តាមរយៈការតេស្តបែបវិទ្យាសាស្រ្តមួយនេះ យើងសុំឲ្យអ្នកជ្រើសរើសនៅកាតមួយ ដើម្បីទម្លាយដឹងថា តើមានមនុស្សកំពុងច្រណែនអ្នកដែរឬទេ ហើយពួកគេច្រណែនអ្នកនឹងរឿងអ្វី?
កាតទី ១
អ្នកជាមនុស្សដ៏ជោគជ័យម្នាក់ ហើយបើនិយាយពីកម្រិតនៅក្នុងតំបន់មួយនោះ គឺអ្នកហាក់លេចធ្លោជាងគេហើយ។ ដូច្នេះទើបមានមនុស្សមួយចំនួន ដែលគេកំពុងប្រកួតប្រជែងនឹងអ្នក គេមានការបារម្ភ មានការភិតភ័យថាគេពិបាកនឹងតាមស្មើភាពខ្លាំងដូចជាអ្នក។ មនុស្សនោះច្រើនតែជាភេទផ្ទុយនឹងអ្នក មិនថាតែក្នុងអាជីពការងារ ឬការរកស៊ីក្តី។
កាតទី ២
វាទាក់ទងនឹងផ្នែកហិរញ្ញវត្ថុ តាមពិតទៅទ្រព្យអ្នកមិនច្រើននោះទេ តែអ្នកចេះបង្កើតក្តីសុខឲ្យខ្លួនឯង ដែលធ្វើឲ្យជីវិតមើលទៅហាក់បីដូចល្អប្រសើរជាងជីវិតមនុស្សមួយចំនួន។ ពួកគេនោះហើយដែលកំពុងច្រណែនអ្នក តែវាមិនមែនជាកំហុសរបស់អ្នកទេ ផ្ទុយទៅវិញគឺជាភាពលោភលន់ហួសប្រមាណរបស់អស់មនុស្សទាំងនោះ ដែលមានមិនចេះស្កប់ស្កល់។
កាតទី ៣
អាចជាអតីតមិត្តរួមការងារ ឬមនុស្សដែលធ្លាប់ស្រលាញ់អ្នកពីមុន គេឃើញអ្នកពេលនេះជោគជ័យ អ្នកមានគេទទួលស្គាល់ច្រើននៅទេពកោសល្យ និងការខិតខំប្រឹងប្រែងពិតរបស់អ្នក។
ប្រសិនជាអ្នកជួបពួកគេនៅក្នុងអាជីពការងារតែមួយ ឬស្ថាប័នតែមួយ នោះគេប្រហែលជាមិនសូវពេញចិត្តនឹងការរួបរួមជាមួយអ្នកប៉ុន្មានទេ ព្រោះតាំងពីដើមមក គេមិនធ្លាប់មានចិត្តគិតថាចង់ឃើញអ្នកជោគជ័យដូចពេលនេះឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
