សាច់ត្រីបង្កប់ប្រយោជន៍ជាច្រើន តែចំពោះមនុស្ស ៥ ប្រភេទនេះ មិនត្រូវទទួលទានទេ
សាច់ត្រីគឺជាអាហារដែលមានខ្លាញ់ធាត់ទាប ហើយប្រមូលផ្តុំទៅដោយប្រូតេអ៊ីន វីតាមីន និងសារធាតុរ៉ែចាំបាច់ជាច្រើនសម្រាប់រាងកាយ។ ជាទូទៅអ្នករាល់គ្នាគួរតែទទួលទានសាច់ត្រីជាប្រចាំ តែយ៉ាងណាសម្រាប់មនុស្ស ៥ ប្រភេទខាងក្រោមនេះ មិនគួរទទួលទានឡើយ៖
៥) អ្នកជំងឺរលាកសន្លាក់
អ្នកដែលមានបញ្ហារលាកសន្លាក់ ជាទូទៅគឺមានការកើនឡើងអាស៊ីដអ៊ុយរិកនៅក្នុងឈាម ដូច្នេះហើយត្រីដែលមានសារធាតុ Purines ខ្ពស់ វាប្រែជាអាហារមិនល្អទៅវិញសម្រាប់អ្នកជំងឺប្រភេទនេះ។ បើអ្នកទទួលទាន ក៏គួរតែទទួលទាននៅបរិមាណតិច។
៤) អ្នកដែលខ្សោយតម្រងនោមនិងថ្លើម
ត្រីមានប្រូតេអ៊ីនដែលមានគុណភាពខ្ពស់ ហើយភាគច្រើនវាត្រូវបានរំលាយទោក្នុងថ្លើម និងតម្រងនោម។ យ៉ាងណាសម្រាប់អ្នកដែលមានបញ្ហាខូចថ្លើម ឬខ្សោយតម្រងនោម មិនគួរស្រូបយកប្រូតេអ៊ីនច្រើនពេកទេ ព្រោះវាជាការបន្ថែមបន្ទុកទៅវិញទៅដល់ផ្នែកទាំងពីរនោះ។
៣) អ្នកជំងឺរបេង
អ្នកដែលកើតជំងឺរបេង ជាទូទៅគឺទាមទារឲ្យទទួលទានថ្នាំជាប្រចាំរយៈពេលវែង។ នៅក្នុងសាច់ត្រីមានផ្ទុកអ៊ីស្តឌីអ៊ីនច្រើន បន្ទាប់ពីចូលរាងកាយមនុស្សវានឹងត្រូវបានបំលែងទៅជាអ៊ីស្តាមីននៅក្នុងថ្លើមប៉ុន្តែត្រូវបានកត់សុីដោយអង់ហ្ស៊ីមម៉ូណូមីនអុកស៊ីដ។ ថ្នាំប្រឆាំងនឹងជំងឺរបេងមួយចំនួនអាចប៉ះពាល់ដល់ការបម្លែងនិងការសំយោគម៉ូណូមីនអុកស៊ីត។
ដូច្នេះនៅពេលវាប្រតិកម្មគ្នា វាអាចបណ្តាលឲ្យអ្នកមានអាការៈឈឺក្បាល ក្អួតចង្អោរ ឈឺពោះ ឬឡើងកន្ទួលលើស្បែក។
២) មនុស្សដែលមានអាឡែរហ្សី
ប្រសិនអ្នកមានជំងឺអាឡែរហ្សី ក៏គួរតែដកឃ្លាពីការទទួលទានត្រី បង្គា ពោលភាគច្រើនជាអាហារសមុទ្រ ឬទឹកសាបក៏ដោយ ងាយនឹងប៉ះពាល់ខ្លាំងណាស់។
១) អ្នកមានបញ្ហាហូរឈាម
ខ្លាញ់ត្រីមានបរិមាណអាស៊ីដម្យ៉ាងឲ្យឈ្មោះថា Eicosapentaenoic ដែលវានៅជាប់នឹងជញ្ជាំងសរសៃឈាម ហើយកាត់បន្ថយការឡើងរឹងនៃសរសៃឈាម។ ដូច្នេះសម្រាប់អ្នកមានជំងឺដែលកំពុងហូរឈាមស្រាប់ ពេលទទួលទាន វានឹងបណ្តាលឲ្យហូរឈាមកាន់តែខ្លាំងលើសដើម ពោលត្រូវរង់ចាំដល់ជំងឺអ្នកជាសះស្បើយសិន៕
ប្រភព៖ បរទេស | ប្រែសម្រួល៖ ក្នុងស្រុក
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
