សប្ដាហ៍ថ្មី ៩-១៥ សីហា៖ ផ្លូវទ្រព្យបើកទ្វារហើយ សម្រាប់អ្នកកើតឆ្នាំទាំង ៤
ស្ថានភាពជំងឺរាតត្បាត COVID-19 នៅតែបន្តញាំញីសេដ្ឋកិច្ចប្រជាជនទូទាំងសកលលោក តែយ៉ាងណាតាមក្បួនហោរាសាស្រ្តក៏បានដំណាលមកថា នៅសប្តាហ៍ថ្មីពីថ្ងៃទី ៩ ដល់ ១៥ សីហាខាងមុខនេះ សម្រាប់អ្នកកើតឆ្នាំទាំង ៤ នឹងមានរាសីខ្ពស់ត្រដែតហើយត្រៀមថង់ដាក់ទ្រព្យមាសទ្រព្យប្រាក់ទៅ៖
អ្នកកើតឆ្នាំជូត (កណ្តុរ)
អ្នកកើតឆ្នាំជូត នឹងមានជោគវាសនាអស្ចារ្យរកលេខដាក់គ្មាននៅសប្តាហ៍ថ្មីនេះ ដោយអាជីពការងារ ការរកស៊ីរបស់ពួកគេនឹងឡើងកូដមិនគួរឲ្យជឿ។ បំណងប្រាថ្នាធំៗកាលពីមុនទាំងអំបាលម៉ាននឹងលេចចេញជារូបរាងនៅពេលខាងមុខ។
និយាយពីទំនាក់ទំនងស្នេហាសម្រាប់អ្នកកើតឆ្នាំជូតវិញ គឺពោរពេញដោយក្តីសុខ ហើយនឹងកាន់តែបន្ថែមពណ៌ផ្កាឈូកទៅកាន់ទំនាក់ទំនងជាមួយដៃគូ ភាពល្អូកល្អិនក៏ស្អិតរមួតជាងមុន មិនមានទាស់ពាក្យទាស់សម្តីគ្នាកើតឡើងឡើយ។
អ្នកកើតឆ្នាំខាល (ខ្លា)
យីអ៊ុនអ្នកកើតឆ្នាំខាលសប្តាហ៍ថ្មី ចាំត្រងលាភសំណាងធំទៅ ដោយពេលវេលាខាងមុខ គឺពួកគេនឹងមានការរីកលូតលាស់ផ្នែកសេដ្ឋកិច្ច គួបផ្សំនឹងការខិតខំប្រឹងប្រែង និងភាពឈ្លាសវៃពីដើមផងនោះ នាំឲ្យអ្នកកើតឆ្នាំខាល ទទួលបានភាពវិជ្ជមានច្រើននៅក្នុងអាជីពការងារនិងការរកស៊ី។
បើជួបបញ្ហាក៏កុំបាច់ភ័យ ដោយមានគេចាំជួយ ចាំទាញដៃអ្នកមករកភាពប្រក្រតីវិញជានិច្ច ប៉ុន្តែត្រូវចាំរឿងមួយ ពេលខាងមុខនេះធ្វើអ្វីកុំប្រញាប់ពេក ត្រូវធ្វើមួយៗហើយពិនិត្យឲ្យបានល្អិតល្អន់ផង។
អ្នកកើតឆ្នាំមមី (សេះ)
សម្រាប់អ្នកកើតឆ្នាំមមីឯណេះវិញ ដូចបានឆ្លងផុតជម្រាលឧបសគ្គកាលពីសប្តាហ៍ចាស់ ហើយឆ្លងមកសប្តាហ៍ថ្មី ពោរពេញដោយលាភសំណាង។
ទ្រព្យនឹងសាយភាយនៅគ្រាប់ខ្សាច់ សំខាន់ឲ្យតែអ្នកប្រឹងប្រែង និងចេះចាប់យកឱកាសនៅពេលខាងមុខ គឺអ្នកនឹងអាចបង្កើនចំណូលបានច្រើនលើសពីពេលមុន។ និយាយទៅ ៧ ថ្ងៃខាងមុខនេះ សេះដូចជាព្រះចៅអធិរាជកំពុងនៅលើបល្ល័ង្កនៃកំពូលអំណាច។
អ្នកកើតឆ្នាំរកា (មាន់)
ជាមនុស្សដែលមើលពីក្រៅរាងទន់ តែនៅខាងក្នុងគឺរឹងមាំល្អណាស់ ទាំងផ្លូវអារម្មណ៍ និងការគិត។ សម្ពាធនៃបញ្ហា ការងារ គ្រួសារដែលកើតមាននៅសប្តាហ៍ចាស់ នឹងធូរដូចគេដកចេញពីស្មានៅសប្តាហ៍ថ្មី។
មនុស្សដែលចូលចិត្តភាពស្ងប់ស្ងាត់ដូចជាអ្នក ទោះបានលាភធំក៏មិនចេះដើរស្រែកឲ្យគេដឹងដែរ តែត្រឹមញញឹមបិទមាត់មិនជិត ហើយសម្ងំសាទរវាម្នាក់ឯង ព្រោះតែងតែគិតថាក្រែងលោជីវិតពេលស្រុតទៅវិញ នាំតែគេសើច។ ពេលខាងមុខនេះហើយ ជាពេលផ្កាយលើកយីអ៊ុនចូលមកដល់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
