ខែសែនក្បាលទឹក គេហៅថាខែខ្មោច នេះបង្ហាញក្បួនហុងស៊ុយ ៥ ជួយកម្ចាត់អស់អបទ្រព្យចង្រៃចេញពីផ្ទះ
នៅខែសែនក្បាលទឹក តាមក្បួនហុងស៊ុយ គេហៅថាជាខែខ្មោច ហើយតាមតំណមគេឲ្យតមនូវរឿងនិងទម្លាប់មិនល្អជាច្រើន ដើម្បីបញ្ចៀសការមាននៅសំណាងមិនល្អចូលមកក្នុងផ្ទះ។ យ៉ាងណាក្នុងអត្ថបទនេះ Knongsrok សូមចែករំលែកនៅក្បួនកម្ចាត់អបទ្រព្យចង្រៃទាំង ៥ ដែលអ្នកគួរតែអនុវត្តនៅក្នុងខែសីហា៖
៥) ប្រោះអំបិល
នេះជាវិធីមួយក្នុងចំណោមវិធីជាច្រើនដើម្បីបន្សាបសំណាងអាក្រក់ ដែលជីដូនជីតាតាំងពីបុរាណនិយមធ្លាប់ប្រើប្រាស់។ យកអំបិលមួយក្តាប់តូច ហើយបោះវារំលងស្មា ពីផ្នែកខាងមុខទៅក្រោយ។
សម្រាប់ស្រ្តី ត្រូវក្តាប់អំបិលនៅដៃខាងឆ្វេង ហើយបុរសត្រូវក្តាប់អំបិលនៅផ្នែកខាងស្តាំ ហើយខ្វែងដៃមកបោះរំលងស្មាម្ខាងទៀតទៅខាងក្រោយ នេះគេជឿថានឹងនាំសំណាងល្អផ្ទុយមកវិញ។
៤) ប្រើកញ្ចក់ច្នៃធ្វើពីឈើ
គេបារម្ភខ្លាំងបំផុត គឺអាចធ្វើឲ្យប្តីប្រពន្ធទាស់ពាក្យទាស់សម្តីគ្នានៅខែនេះ ហើយបើចង់រក្សាសុភមង្គលគ្រួសារឲ្យគង់វង្ស អ្នកអាចអនុវត្តតាមក្បួន ច្នៃឈើពកមករៀបចំជុំវិញកញ្ចក់ ដោយគេជឿថា វាជារបស់បណ្តេញខ្មោចបិសាច នាំឲ្យអ្នកមានសំណាងល្អឡើងវិញ។
៣) ប្រើថ្មហុងស៊ុយ
ថ្មហុងស៊ុយគឺសំដៅទៅប្រភេទថ្មគ្រីស្ទាល់ ថ្មរ៉ែ ដែលនៅឆ្ងាយពីផ្ទះ ហើយយើងយកវាមកដាក់នៅលើតុក្នុងផ្ទះ ឬត្រង់ទីតាំងណាមួយ។ ជាពិសេសបើថ្មរ៉ែខៀវកាន់តែល្អ ក្នុងការសាបព្រោះថាមពលវិជ្ជមានឲ្យសាយភាយចូលពេញផ្ទះ។
២) ប្រើខ្ទឹមស
យោងតាមក្បួនហុងស៊ុយ គេជឿថាខ្ទឹមស ជារបស់កម្ចាត់ឧបទ្រពមិនល្អ និងខ្យល់អាកាសមិនល្អខាងក្នុងផ្ទះ។ ដូច្នេះនៅក្នុងខែខ្មោច អ្នកអាចយកខ្ទឹមស ១ ឬ ២ កំពឹសចង់ដាក់កូនថង់តូចមួយ ទៅក្នុងកាបូបតាមខ្លួន។
១) ព្យួរគោមក្រហមមុខផ្ទះ
ចង្កៀងក្រហម ឬគោមក្រហមជារឿយៗ គឺអាចសាយភាយថាមពលវិជ្ជមានចូលមកក្នុងផ្ទះ និងលើកយីអ៊ុនម្ចាស់ផ្ទះ។ អ្នកអាចព្យួរវានៅមាត់បង្អួច ឬជាប់ច្រកចេញចូលផ្ទះ ដែលវាមានឥទ្ធិពលអាចរារាំងមិនឲ្យមានព្រលឹងវិញ្ញាណអាក្រក់ចូលមកក្នុងផ្ទះបាន។
បន្ថែមពីលើគន្លឹះទាំង ៥ នេះ អ្នកខ្លួនឯងផ្ទាល់ក៏ត្រូវផ្លាស់ប្តូរការគិតទៅក្នុងទិសដៅវិជ្ជមានផងដែរ ពោលប្រសិននៅបន្តប្រកាន់ខ្ជាប់គំនិតទុទ្ទិដ្ឋិនិយម នោះវាពុំមែនជាដំណោះស្រាយទាញថាមពលល្អឲ្យមកនៅក្បែរខ្លួនបានឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
