របស់សាមញ្ញ ៥ ក្នុងផ្ទះ ផ្តុំសុទ្ធតែបាក់តេរីអាចបង្កជំងឺ បន្ថយអាយុអ្នកដោយមិនដឹងខ្លួន
មានរបស់របរជាច្រើននៅជុំវិញខ្លួនយើង ដែលយើងមិនសូវប្រយ័ត្នហើយគិតថាវាមិនអី តែការពិតវាជាដើមចមបង្កឲ្យក្លាយទៅជាមេរោគឬបាក់តេរីរាតត្បាតមកក្នុងរាងកាយយើងដោយមិនដឹងខ្លួន។ ខាងក្រោម Knongsrok បង្ហាញរបស់ ៥ នៅក្នុងផ្ទះ ដែលអ្នកមិនត្រូវមើលរំលងនោះទេ៖
៥) ចានពរ្សឺឡែនដែលមានគុណភាពអន់
ចានបាយចានសម្លដែលយើងប្រើប្រាស់ជារៀងរាល់ថ្ងៃ ក៏ត្រូវពិនិត្យឲ្យមែនទែន ព្រោះបើរបស់មិនមានគុណភាព នោះវាក៏អាចនឹងបណ្តាលឲ្យយើងកើតជំងឺមហារីកបាន។ វាកើតឡើងតាមរយៈការរលាយនៃជ័រមេឡាមីន ក្រោយចាននោះទប់ទល់នឹងសីតុណ្ហភាពក្តៅខ្លាំងពេកមិនបាន។ សារធាតុជ័រដែលរលាយចូលមកក្នុងរាងកាយ នឹងអាចបណ្តាលឲ្យអ្នកកើតជំងឺមហារីកនៅថ្ងៃខាងមុខ ដូច្នេះអ្នកគួរតែជ្រើសរើសប្រើប្រាស់ចានណា ដែលមានគុណភាពខ្ពស់ពិតប្រាកដ។
៤) សំលៀកបំពាក់មួយចំនួន
សំលៀកបំពាក់មួយចំនួន ជាពិសេសគឺរបស់កុមារ ដែលវាមិនសូវមានភាពធន់ និងគុណភាពល្អ នោះវាក៏អាចរលាយជ័រចូលតាមរន្ធញើស ឬចូលតាមទឹកមាត់នៅពេលដែលក្មេងខាំលេង។ ផលវិបាករបស់វា គឺអាចវិវត្តទៅប៉ះពាល់ប្រព័ន្ធសរសៃប្រសាទ និងភាពសុាំ ហើយអាចបំផ្លាញហ្សែន និងការកើតមហារីក។ ដូច្នេះម្តាយឪពុកគ្រប់រូប នៅពេលជ្រើសរើសទិញសំលៀកបំពាក់ក្មេងតូចៗ គួរជ្រើសរើសប្រភេទក្រណាត់ល្អ ធន់នឹងកម្តៅ នឹងទឹក ហើយត្រូវបោកគក់និងសម្ងួតឲ្យបានស្អាតជាប្រចាំ។
៣) វាំងនន កម្រាលព្រំ
របស់ទាំងនេះមានសឹងតែនៅគ្រប់ផ្ទះ ហើយមិនសូវមានអ្នកងាយសម្អាតវានោះទេ។ យ៉ាងណាផ្ទះនោះមានប្រើប្រាស់បារី ផ្សែងរបស់វាគឺងាយនឹងដក់ជាប់កាន់ខែទៅលើផ្ទៃទន់នៃរបស់ទាំងនោះ។
យូរទៅវាអាចបង្កជាជំងឺមហារីកបាន ដោយសារតែក្លិននិងផ្សែងដែលវាដក់ជាប់នៅលើនោះ ប្រៀបដូចជាវានៅក្បែរយើងជាប់រហូតអ៊ីចឹង។ ល្អបំផុតបើក្នុងផ្ទះមានអ្នកជក់បារី សូមកុំជក់នៅក្នុងផ្ទះ ហើយជាធម្មតាកម្រាលព្រំនិងវាំងនន គួរតែត្រូវបានសម្អាតយ៉ាងហោចណាស់រៀងរាល់ ៣ ខែម្តង។
២) ស្រោមទូរស័ព្ទមានគុណភាពអន់
ការពិសោធន៍បានរកឃើញថា ប្រភេទប្លាស្ទិក ស៊ីលីកូន និងស្បែកដែលគេយកទៅផលិតជាស្រោមទូរស័ព្ទ គឺមិនអាចធុននឹងកម្តៅលើសពី ៤៥ អង្សាសេបានទេ។ ក្រោយនោះវានឹងបញ្ចេញឧស្ម័នពុល ដែលជាសារធាតុ Formaldehyde មិនល្អដល់រាងកាយ។
១) ចង្កឹះឈើ និងជ្រុញឈើហាន់សាច់
ប្រភេទចង្កឹះឈើ និងជ្រុញហាន់សាច់ បន្ទាប់ពីប្រើយូរ ហើយមិនសូវសម្អាត ក៏ងាយនឹងដក់ជាប់បាក់តេរីនៅលើនោះខ្លាំងណាស់ ជាពិសេសពេលវាស្ថិតនៅកន្លែងដែលសើម អាចបង្កើតទៅជាផ្សិត Aflatoxin ទៀតផង។ មេរោគនេះអាចបណ្តាលឲ្យអ្នកខូចថ្លើម ឬវិវត្តទៅជាជំងឺមហារីកថ្លើម។ តាមការណែនាំអ្នកគួរតែផ្លាស់ប្តូរវារៀងរាល់ ៣ ខែម្តង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
