ត្រូវ ៩៥ ភាគរយ! ជ្រើសរើសកាតមួយ ដើម្បីដឹងពីចំណុចខ្លាំងរបស់ខ្លួនឯង
តាមរយៈកាតទាំង ៤ សន្លឹកដូចបង្ហាញក្នុងរូបភាព តើអ្នកពេញចិត្តកាតណាមួយជាងគេ? ចម្លើយរបស់អ្នកអាចឲ្យយើងបង្ហាញច្បាស់ ពីចំណុចខ្លាំងដែលអ្នកមាននៅក្នុងជីវិត៖
កាតទី ១
អ្នកជាមនុស្សដែលមិនសូវខ្វល់ពីរឿងតូចតាច ដោយបញ្ហាល្មមៗគឺអ្នកបណ្តែតវាចោល ដោយចិត្តគំនិតនិងការផ្តោតរបស់អ្នក គឺចាំខ្វល់ខ្វាយតែលើបញ្ហាធំប៉ុណ្ណោះ។ រឿងរ៉ាវល្មមៗមិនអាចមកបន្លាចអារម្មណ៍របស់អ្នកបានឡើយ ហើយក៏មិនបានធ្វើឲ្យអ្នកតក់ស្លុតនឹងវានោះដែរ ពោលអ្នកគិតវាជាធម្មជាតិនៃជីវិតរបស់មនុស្សទៅហើយ ដែលបញ្ហានិងការសប្បាយគឺដើរទន្ទឹមគ្នា។
កាតទី ២
អ្នកជាមនុស្សចិត្តទន់ ដែលខឹងគេមិនបានយូរនោះទេ ហើយបើស្អប់គុំនរណាម្នាក់ ក៏ត្រឹមរយៈពេលខ្លីដែរ។ និយាយទៅអ្នកជាមនុស្សប្រើបេះដូងខ្លាំងជាងខួរក្បាល អ្នកមានមនោសញ្ចេតនាខ្លាំងក្នុងជីវិត អ្នកមានចិត្តសប្បុរស មេត្តាដល់របស់មានជីវិតទាំងអស់នៅជុំវិញខ្លួន។
អ្នកជាមនុស្សដែលមិនខ្វល់ពីអតីតកាល ហើយរីករាយនឹងបច្ចុប្បន្នកាលដែលមាន វាជាចំណុចមួយដែលមនុស្សគ្រប់រូបមិនសុទ្ធតែអាចធ្វើបាននោះឡើយ។
កាតទី ៣
ធម្មជាតិបានផ្តល់ឲ្យអ្នកនៅភាពយល់ដឹង ការមើលឃើញគ្រប់ជ្រុងជ្រោយនិងឈ្លាសវៃ ក្នុងការវិភាគនៃដំណើរការសកម្មភាពនីមួយៗក្នុងជីវិត។ ទំនាក់ទំនងជាមួយនរណាម្នាក់ អ្នកឆាប់យល់បានណាស់ថាដៃគូចង់បានអ្វី គេត្រូវការអ្វី ងាយឲ្យអ្នកឆាប់ចុះសម្រុង ហើយមិនងាយទាស់ពាក្យនឹងនរណាម្នាក់ឡើយ។ មនុស្សដែលនៅក្បែរអ្នក គេគិតថាអ្នករួសរាយ ហើយគេចូលចិត្តរាប់អានប្រភេទមនុស្សដូចជាអ្នក។
កាតទី ៤
អ្នកជាមនុស្សដែលមិនចេះក្រអឺតក្រទម ជាមនុស្សដែលចេះបន្ទាបខ្លួន ទោះខ្ពស់កម្រិតណា ក៏នៅតែដើរឱន ដឹងចាស់ដឹងទុំ ដឹងតូចដឹងទាប ដោយមិនប្រកាន់ឋានៈពណ៌សម្បុរឡើយ។ អ្នកដឹងពីតម្លៃនៃជីវិត ដែលអ្នកតែងតែគិតថា ក្នុងលោកនេះគ្មាននរណាល្អជាងនរណាឡើយ ពោលគ្រាន់មនុស្សយើងម្នាក់ៗមានចំណុចលេចធ្លោរៀងខ្លួន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
