ហានិភ័យនៃការបរិភោគ សាច់ពណ៌ក្រហម និងអាហារកែច្នៃ ដែលយើងមិនគួរមើលរំលង
អង្គការសុខភាពពិភពលោកព្រមានថា ការបរិភោគសាច់ក្រហម និងអាហារកែច្នៃពិតជាបង្កើនហានិភ័យនៃជំងឺមហារីកពោះវៀនធំ។
អង្គការសុខភាពពិភពលោក (WHO) បង្ហាញថា “ការបរិភោគសាច់ក្រហមនិងអាហារកែច្នៃអាចមានគ្រោះថ្នាក់ខ្លាំង ប្រឈមមុខនឹងហានិភ័យនៃជំងឺមហារីកពោះវៀនធំ" ។
ទីភ្នាក់ងារអន្តរជាតិសម្រាប់ការស្រាវជ្រាវជំងឺមហារីក International Agency for Research on Cancer (IARC) ដែលជាទីភ្នាក់ងារក្រោមអង្គការសុខភាពពិភពលោក បានចាត់ទុកប្រភេទសាច់កែច្នៃគឺជាក្រុមដែលបង្កជំងឺមហារីកនៅលំដាប់ទី ១ ខណៈសាច់ក្រហមជាក្រុមទី ២ វាអាចបង្កជាជំងឺមហារីកនៅក្នុងខ្លួនមនុស្ស ។
ហេតុអ្វីបានជាសាច់ក្រហម និងអាហារកែច្នៃមានហានិភ័យនៃជំងឺមហារីក?
លោកវេជ្ជបណ្ឌិតដែលជាអគ្គនាយកនៃនាយកដ្ឋានវេជ្ជសាស្ត្រមានប្រសាសន៍ថា សាច់កែច្នៃគឺជាសាច់ដែលឡាយជាមួយគ្រឿងទេស, ជាសាច់ដែលផ្អាប់, ឆ្លងកាត់ប្រព័ន្ធចម្អិន, រុំព័ទ្ធដោយផ្សែង និងវិធីសាស្រ្តផ្សេងៗទៀតដែលបង្កើនរសជាតិ ឬរក្សាអាហារឱ្យបានប្រសើរជាងមុន ដូចជាសាច់ជ្រូក (Ham) សាច់ក្រក សាច់ប៉ាតេ ដោយការទទួលទានសាច់កែច្នៃច្រើន ឬទៀងទាត់ វានឹងបង្កើនហានិភ័យនៃជំងឺមហារីកពោះវៀនធំ។
ចំពោះសាច់ក្រហមរបស់សត្វផ្សេងៗដូចជា សាច់គោ, សាច់ជ្រូក, សាច់ចៀម, សាច់ជ្រូកព្រៃ, សាច់សេះ និងសាច់ពពែជាដើម តាមរយៈបានរាយការណ៍របស់ IARC បានបញ្ជាក់ថាការបរិភោគសាច់ក្រហមត្រូវបានផ្សារភ្ជាប់ជាមួយនឹងការកើនឡើង នូវហានិភ័យនៃជំងឺមហារីកពោះវៀនធំផងដែរ ។
តើសាច់ក្រហមអាហារកែច្នៃ បរិភោគយ៉ាងណាឱ្យមានសុវត្ថិភាព ពីជំងឺមហារីកពោះវៀន?
លោកវេជ្ជបណ្ឌិតនៅនាយកវិទ្យាស្ថានជំងឺមហារីកបានមានប្រសាសន៍ថា សាច់កែច្នៃត្រូវបានចាត់ថ្នាក់ជាក្រុមទី ១ នៃសារជាតិបង្កឱ្យមានជំងឺមហារីក ដែលវាជាក្រុមហានិភ័យតែមួយជាមួយនឹងបារី, ជាតិអាល់កុល, សារធាតុ Asbestos, និងសារធាតុ arsenic ជាដើម ។
តែទោះជាយ៉ាងណាក៏ដោយសាច់កែច្នៃ មិនមានគ្រោះថ្នាក់ដូចសារធាតុទាំងនេះពេកនោះទេ ដូច្នេះមនុស្សអាចបរិភោគសាច់កែច្នៃបាន ប៉ុន្តែវាចាំបាច់ត្រូវមានចំនួនកំណត់ ។
រីឯសាច់ក្រហមគឺដូចគ្នា ព្រោះដោយសារតែសាច់ក្រហមក៏មានជីវជាតិ និងមានផ្ទុកសារធាតុចិញ្ចឹមដូចជាប្រូតេអ៊ីនស័ង្កសី ជាតិដែក និងវីតាមីន B12 ផងដែរ ៕
ប្រភព៖ Sanook/Knongsrok
ព័ត៌មានថ្មីៗ
