ទោះមានប្រយោជន៍ច្រើន តែមនុស្ស ១ ក្នុងចំណោម ៨ ប្រភេទនេះ មិនត្រូវទទួលទានស៊ុតទេ
ស៊ុតគឺជាអាហារដែលសម្បូរទៅដោយវីតាមីន D, B6, B12 និងសារធាតុរ៉ែសំខាន់មួយចំនួនដល់រាងកាយ។ ផ្នែកលឿងនៃស៊ុតគឺមានផ្ទុកកាឡូរីនិងខ្លាញ់ធាត់ច្រើនជាងផ្នែកស យ៉ាងណាវាក៏នៅតែរាប់បានថា អាចផ្តល់ប្រយោជន៍ដល់រាងកាយច្រើនជាងផលប៉ះពាល់។
យ៉ាងណាសម្រាប់មនុស្ស ១ ក្នុងចំណោម ៨ ប្រភេទដូចរៀបរាប់ខាងក្រោមនេះ អ្នកមិនគួរទទួលទានស៊ុតនោះទេ ព្រោះអាចបង្កើតជាផលអវិជ្ជមានបន្ថែមបន្ទុកដល់រាងកាយទៅវិញ៖
៨) មនុស្សដែលមានអាឡែរហ្សី
ប្រូតេអ៊ីនមួយចំនួនដែលមាននៅក្នុងស៊ុត ក៏អាចប្រតិកម្មជាមួយភាពអាឡែរហ្សីរបស់មនុស្សបានផងដែរ ហើយវាអាចធ្វើប៉ះពាល់ដល់សុខភាពរបស់អ្នកបាន។ និយាយជារួមមិនថាតែពងក្ងាន ពងទា ឬពងមាន់។
៧) មនុស្សដែលមានជំងឺរាករូស
អ្នកដែលមានជំងឺរាករូស គួរជៀសវាងអាហារដែលសម្បូរទៅដោយប្រូតេអ៊ីននិងខ្លាញ់ដែលមាននៅក្នុងស៊ុត ព្រោះអាហារទាំងនេះអាចធ្វើឲ្យអាការៈរបស់អ្នកកាន់តែធ្ងន់ធ្ងរឡើង។
៦) មនុស្សដែលគ្រុនក្តៅ
ការទទួលទានស៊ុតនឹងបន្ថែមកម្តៅដល់រាងកាយ ដូច្នេះអ្នកមានជំងឺគ្រុនក្តៅស្រាប់ គឺមិនត្រូវទទួលទានវាឡើយ។ ជំនួសមកវិញ គួរតែទទួលទានទឹកឲ្យបានច្រើន និងទទួលទានផ្លែឈើស្រស់ ដែលសម្បូរទៅដោយប្រូតេអ៊ីនទើបប្រសើរ។
៥) មនុស្សដែលមានជំងឺទឹកនោមផ្អែម
ស៊ុតគឺជាអាហារដែលសម្បូរទៅដោយអាស៊ីតខ្លាញ់អូមេហ្គា ៣ និងវីតាមីនមួយចំនួនដូចបង្ហាញពីខាងលើ។ ទោះជាយ៉ាងណាអាហារដែលមានជាតិកូលេស្តេរ៉ុលនិងខ្លាញ់ឆ្អែតលើសដូចជាស៊ុត សម្រាប់អ្នកមានជំងឺទឹកនោមផ្អែមប្រភេទទី ២ ចាំបាច់ត្រូវតែជៀសវាង។
៤) មនុស្សដែលមានជំងឺសរសៃឈាមបេះដូង
ការសិក្សាមួយបង្ហាញថា ប្រសិនអ្នកទទួលទានស៊ុតច្រើនជាង ៣ ក្នុងមួយសប្តាហ៍ នោះនឹងធ្វើឲ្យបន្ទះសរសៃឈាមឡើងក្រាស់។ នេះអាចបណ្តាលឲ្យសរសៃឈាមរួមតូចៗ ដំណើរការកាន់តែពិបាក នាំឲ្យបេះដូងច្របាច់ ពិបាកក្នុងការផ្គត់ផ្គង់ឈាមដល់សរីរាង្គ បង្កទៅជាជំងឺសរសៃឈាមបេះដូង។
៣) មនុស្សដែលមានជំងឺតម្រងនោម
អ្នកដែលមានតម្រងនោមខ្សោយ នោះនឹងមិនអាចត្រងជាតពុលទាំងអស់ចេញពីរាងកាយបានទេ ដោយសារតែការទទួលទានស៊ុតអាចបង្កើនសារធាតុមួយចំនួន បែបនេះក៏អាចនាំឲ្យអ្នករលាកតម្រងនោម ឬពុលដល់ផ្លូវបញ្ចេញទឹកនោមថែមទៀត។
២) មនុស្សដែលមានគ្រួសក្នុងថង់ទឹកប្រមាត់
អ្នកដែលមានគ្រួសក្នុងថង់ទឹកប្រមាត់ មិនគួរទទួលទានស៊ុតច្រើនពេកទេ ព្រោះពេលពោះវៀនត្រូវបញ្ចេញសារធាតុជាច្រើន នឹងនាំឲ្យថង់ទឹកប្រមាត់ធ្វើការកាន់តែខ្លាំងឡើង។ នៅពេលនោះអាចនាំឲ្យអ្នកមានអាការៈក្អួតចង្អោរ ឈឺពោះជាដើម។
១) មនុស្សដែលមានជំងឺថ្លើម
ជាទូទៅស៊ុត ១០០ ក្រាមមានផ្ទុកនូវខ្លាញ់ធាត់ ១៤,៦ ក្រាម ប្រូតេអ៊ីន ១៣ ក្រាម និងកូលេស្តេរ៉ុល ៦៣៤ មិល្លីក្រាម ហើយបើស៊ុតលឿងស៊ុតគឺមានដល់ ១ ៥២២ មិល្លីក្រាម។ ដូច្នេះអ្នកដែលមានខ្លាញ់រុំថ្លើម ជំងឺរលាកថ្លើម គួរតែទទួលទានស៊ុតឲ្យបានតិចបំផុត ឬបញ្ចៀសតែម្តងប្រសិនជាអាច ដើម្បីជៀសវាងការដាក់បន្ទុកដល់ថ្លើមកាន់តែធ្ងន់ធ្ងរឡើង៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
