ដល់ខែគេនិយមផ្លែទៀបហើយ តែមនុស្ស ៤ ប្រភេទនេះ មិនត្រូវទទួលទានទេ
មកទល់ខែនេះ គឺចូលរដូវកាលដែលគេនិយមទទួលទានផ្លែទៀប ដោយវាក៏ជាផ្លែឈើដែលមានផ្តល់សារធាតុចិញ្ចឹមច្រើនផងដែរ ដល់រាងកាយ តែយ៉ាងណាសម្រាប់មនុស្ស ៤ ប្រភេទខាងក្រោម មិនគួរទទួលទានឡើយ។
បញ្ជាក់បន្តិច ផ្លែទៀបមានផ្ទុកនូវវីតាមីន C, ប៉ូតាស្យូម, ជាតិសរសៃនិងសារធាតុរ៉ែសំខាន់ៗមួយចំនួន។ ផ្លែទៀបសាច់សុទ្ធ ១០០ ក្រាម មានផ្ទុក ៦៤ កាឡូរី ប្រូតេអ៊ីន ១,៦ ក្រាម ទឹក ៨២,៥ ក្រាម កាល់ស្យូម ៣៥ មិល្លីក្រាម និងវីតាមីន C ៣៦ មិល្លីក្រាមជាដើម។
១) មនុស្សដែលលើសទម្ងន់និងធាត់
ដោយសារតែផ្លែទាបមានផ្ទុកជាតិស្ករច្រើន ដូច្នេះហើយអ្នកមានជំងឺធាត់ ឬលើសទម្ងន់ ក៏មិនគួរទទួលទានដែរ ហើយបើទទួលទានគួរតែក្នុងបរិមាណតិចបំផុត។ បើអ្នកទទួលទានផ្លែទៀប ២០០ ទៅ ២៥០ ក្រាម ស្មើនឹងអ្នកទទួលទានបាយមួយចានគោម។
២) អ្នកដែលកើតមុន
មនុស្សដែលកើតមុន ប្រសិនទទួលទានវាច្រើន នោះនឹងនាំឲ្យបាក់តេរីលូតលាស់ ធ្វើឲ្យមុខឡើងក្រហាយ ក្រហម និងរមាស់លើសដើម។
៣) អ្នកដែលខ្សោយតម្រងនោម
អ្នកដែលខ្សោយតម្រងនោម ក៏មិនគួរទទួលទានដែរ ក៏ដោយសារតែផ្លែទៀបមានផ្ទុកប៉ូតាស្យូមច្រើនដែលជាទូទៅអ្នកជំងឺខ្សោយតម្រងនោមត្រូវតមអាហារដែលមានជាតិប៉ូតាស្យូមខ្ពស់។
៤) អ្នកជំងឺទឹកនោមផ្អែម
ដូចគ្នាទៅនឹងអ្នកដែលមានជំងឺទឹកនោមផ្អែមឬស្រ្តីមានផ្ទៃពោះ ដែលមានប្រវត្តិធ្លាប់កើតទឹកនោមផ្អែម ក៏មិនគួរទទួលទានផ្លែទៀបដែរ ព្រោះវាមានផ្ទុកបរិមាណជាតិស្ករខ្ពស់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
