ផ្លូវខាងមុខអាចពិបាកបន្តិច នេះជ្រើសរើសព្រះអាទិត្យមួយ ដើម្បីទទួលយកសារផ្លាស់ប្ដូរជីវិត
ផ្លូវដែលអ្នកត្រូវដើរនៅខាងមុខ អាចជាពិបាកបន្តិច មានបញ្ហាមួយចំនួន ដែលទាមទារឲ្យអ្នកត្រូវមកទទួលយកសារណែនាំ ដើម្បីត្រួសត្រាយជួយអ្នកឆ្លងកាត់វាបានយ៉ាងរលូន។ ការជ្រើសរើសព្រះអាទិត្យមួយក្នុងចំណោមព្រះអាទិត្យទាំង ៣ អាចបង្ហាញសារណែនាំដូចខាងក្រោម៖
ព្រះអាទិត្យទី ១
នៅដំណើរជីវិតខាងមុខ អ្នកនឹងជួបប្រទះរឿងលំបាក ដែលធ្វើឲ្យអ្នកហាក់នឿយណាយអស់កម្លាំង លែងចង់បន្តទៅមុខទៀត។ យ៉ាងណាវាក៏ជាពេលវេលាដ៏ល្អ ដែលអ្នកគួរតែរៀនសូត្រពីបញ្ហា យកមកធ្វើជាបទពិសោធន៍ទៅថ្ងៃមុខ។ ដូច្នេះចូរប្រើប្រាស់ភាពឈ្លាសវៃរបស់អ្នក មកកែខៃបញ្ហាឲ្យក្លាយជាមេរៀននិងបទពិសោធន៍សម្រាប់ខ្លួនឯងល្អជាង ហើយកុំចុះញ៉មនឹងវាឲ្យសោះ។
ព្រះអាទិត្យទី ២
ជីវិតមនុស្សគ្មានតុល្យភាពនោះទេ មិនខុសពីវេហាដែលមានថ្ងៃខ្លះភ្លៀង ថ្ងៃខ្លះក្តៅ មិនស្ថិតស្ថេរឡើយ។ ក្នុងជីវិតរបស់អ្នកវិញ ទាំងការងារ ទំនាក់ទំនងស្នេហា សុទ្ធតែមិននឹងន នៅពេលខាងមុខ យ៉ាងណាចូរកុំបោះបង់ ត្រូវចាំ ទោះមេឃភ្លៀងក៏មិនភ្លៀងរហូតដែរ ដូច្នេះហើយជីវិតយើងដូចគ្នា វាមិនដែលលំបាករហូតនោះទេ។
ព្រះអាទិត្យទី ៣
នៅពេលខាងមុខ អ្នកអាចនឹងជួបរឿងមិនល្អ ពាក់ព័ន្ធនឹងការបោកបញ្ឆោត ឬការប្រើប្រាស់អ្នកជាប្រយោជន៍សម្រាប់គេ។ ចូរគិតឲ្យបានល្អិតល្អន់ និងវិភាគឲ្យគ្រប់ជ្រុងជ្រោយ ហើយកុំឆាប់ជឿនរណាម្នាក់ពេកអី ត្រូវគិតឲ្យច្បាស់ថា តើគេជួយយើងគេបានប្រយោជន៍អ្វី ហើយយើងបានប្រយោជន៍អ្វីខ្លះដែរពីគេ ពោលលុះត្រាតែវាមានការប៉ះប៉ូវស្មើភាពគ្នា សឹមចូលរួមនៅក្នុងរឿងនោះ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
